Тауарлардың көрінісі фотосуретте көрсетілгеннен өзгеше болуы мүмкін

Визин 15 мл капли глазные

Қолжетімділігі
Тауар қолда жоқ
Үлгі
5413973161299
Елі
Бельгия
Өндіруші
Янссен
  • Сипаттама

Сипаттама

Дәрілік затты медициналық қолдану жөніндегі нұсқаулық

Визин ®

Саудалық атауы

Визин®

Халықаралық патенттелмеген атауы

Тетризолин

Дәрілік түpi

Көзге тамызатын дәрі 0,05% 15 мл

Құрамы

Бір мл препараттың құрамында:

белсенді зат - 0,5 мгтетризолин гидрохлориді,

қосымша заттар: бор қышқылы, натрий хлориді, динатрий эдетаты, бензалконий хлоридінің 50% ерітіндісі, натрий тетрабораты, тазартылған су

Сипаттамасы

Көрінетін бөлшектерден тазартылған мөлдір түссіз ерітінді

Фармакотерапиялық тобы

Сезім ағзалары. Офтальмологиялық препараттар. Деконгестанттар және аллергияға қарсы препараттар. Деконгестанттар ретінде қолданылатын симпатомиметиктер. Тетризолин.

АТХ коды S01GA02

Фармакологиялық қасиеттері

Фармакокинетикасы

Жергілікті қолданған кезде тетризолин іс жүзінде сіңбейді. Көзге тамызатын дәріге жан жақты фармакокинетикалық зерттеулер жүргізілмеген.

Фармакодинамикасы

Тетризолин – симпатикалық жүйке жүйесінің альфа-адренорецепторларын көтермелейтін, бірақ бета-адренорецепторларға әсер етпейтін немесе әлсіз әсер ететін симпатомиметикалық препарат. Симпатомиметикалық амин болып табылады, тетризолиннің қантамыраларын тарылтатын әcepi бар және тіндердің icінyiн азайтады. Әсері тамызғаннан кейін бірнеше минуттан соң басталып, 4-8 сағатқа жалғасады.

Қолданылуы

Ересектерге және 8 жастан асқан балаларға

  • аллергияда пайда болатын немесе химиялық және физикалық
  • көздің шырышты қабығының тітіркенуі (ауыруы, шаншуы, ашытуы), көрудің бұзылуы
  • көз жасының көп ағуы, қарашықтың кеңеюі, енгізген орындағы реакция (көзді және көз аумағы айналасын ашытып шымылдату, қызару, тітіркену, ісіну, ауыру және қышынуды қоса).

факторлардың (түтін, шаң, хлорланған су, жарық, косметикалық заттар, жанаспалы линзалар) әсер етуіне байланысты пайда болған конъюнктива ісінуі мен гиперемиясын жою үшін

Қолдану тәсілі және дозалары

Зақымданған көзге 1 немесе 2 тамшыдан тәулігіне 2-3 рет.
Препаратты үзіліссіз 4 күннен асыра қабылдауға болмайды. Егер 48 сағат ішінде жағдайы жақсармаса немесе тітіркенуі мен қызаруы кетпесе немесе ұлғая түссе, препаратты тоқтатып, дәрігерге жүгінген жөн.

Тамшылатқыш - құтыны пайдалану

Дәрілік препарат балалардың кездейсоқ ашып алуынан қорғалған қаптамада жеткізіледі.

Құтыны алғаш пайдаланғанда қақпақтан алғашқы ашылуын бақылау жолағын алып тастау қажет.

Құтының қақпағын оны бір мезгілде сағат тіліне қарсы бұра отырып үстінен басу керек. Тамшылатқыш-құтының қақпағын алып, құтыны төңкеріп қою керек.

Қандай да болсын беткейге құтының ұшын тигізуге болмайды.

Қолданып болғаннан кейін тамшылатқыш-құтының қақпағын бұрап жауып қою керек.

Жағымсыз әсерлері

Жиі

Белгісіз

Жоғарыда аталған белгілер пайда болған кезде дәрігерге қаралу қажет.

Қолдануға болмайтын жағдайлар

  • 8 жасқа дейінгі балалар
  • препарат компоненттеріне жоғары сезімталдық
  • жабық бұрышты глаукома

Дәрілермен өзара әрекеттесуі

Препаратты моноаминооксидаза (МАО) тежегіштерімен бір мезгілде және оларды қабылдағаннан кейінгі 10 күн ішінде қабылдамаған жөн.

Басқа офтальмологиялық препараттармен бірге пайдаланар алдында дәрігермен кеңесіңіз.

Айрықша нұсқаулар

Препаратты тамызар алдында жанаспалы линзаларды шешу керек.

Егер көздің ауыруы, көрудің өзгеруі пайда болса, қызаруы немесе тітіркенуі қайтпаса, жай-күйі жақсармаса не нашарласа немесе жаңа симптомдар пайда болса, препарат қолдануды тоқтатып, дәрігерге қаралыңыз. Препаратты қолданғанда қарашық уақытша кеңеюі мүмкін.

Препаратты шамадан тыс немесе ұзақ қолдану көздің қызаруын арттыруы ықтимал.

Құтының ластануын болдырмас үшін, құтының ұшын басқа беткейлерге тигізіп алмауды қадағалау керек. Пайдаланғаннан кейін қақпақты жабыңыз. Егер ерітінді түсін өзгертсе немесе бұлыңғырланса, препаратты пайдаланбаңыз.

Егер дәрілік зат жарамсыз болса немесе оның жарамдылық мерзімі өтіп кетсе – оны ағынды суға немесе далаға тастауға болмайды! Дәрілік затты пакетке салып, қоқыс контейнеріне салыңыз. Бұл шаралар қоршаған ортаны қорғауға септігін тигізеді!

Жүктілік және лактация кезеңі

Препаратты жалпы реакция қаупін ескере отырып, егер дәрігердің пікірі бойынша анасы үшін болжамды пайдасы шаранаға және балаға төнетін ықтималқатерден асып түсетін болса ғана, жүктілік және лактация кезеңінде қолдануға болады.

Егер сіз жүкті болсаңыз немесе бала емізіп жүрсеңіз, препаратты қолданар алдында дәрігермен кеңесіңіз.

Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Сирек жағдайларда Визинді қолданғаннан кейін қарашықтың кеңеюі байқалады және автомобиль мен механизмдерді басқару қабілетіне әсер ететін көрудің тұмандануы пайда болуы ықтимал.

Артық дозалануы

Нұсқаулыққа сәйкес қолданғанда артық дозаланудың туындау қаупі аз. Алайда асқазан-ішек жолдарына кездейсоқ түсіп кеткен жағдайда мынадай симптомдарының болуы мүмкін: қарашықтың кеңеюі, жүрек айну, цианоз, қызба, құрысу, тахикардия, аритмия, жүректің тоқтап қалуы, артериялық қысымның көтерілуі, өкпенің ісінуі, тыныс алу функциясының, орталық жүйке жүйесі функциясының бұзылуы және кома. Препарат сіңуімен байланысты артық дозалану симптомдарының пайда болу қаупі жаңа туылған нәрестелер мен кішкентай балаларда, әсіресе жұтып қойғанда, жоғары болады.

Құтының ішіндегісін жұтып қойғанда дереу дәрігерге жүгініңіз.

Емі: көзді мол сумен жуу, ішке түсіп кеткен кезде: белсендірілген көмір, асқазанды шаю, оттегімен ингаляциялау, ыстықты түсіретін және құрысуға қарсы дәрілер. Артериялық қысымды төмендету үшін гипертензияға қарсы препараттарды қабылдайды. Артериялық қысымы төмен науқастарда вазопрессорлық дәрілерді қолдануға болмайды. Тетризолин гидрохлоридінің андидоты белгісіз.

Шығарылу түрі және қаптамасы

15 мл препараттан тамшылатқыш құрылғысы және, балалардан қорғау оснащенной функциясымен жабдықталған, полипропилен таспасымен бұрандалы пластик қақпағы бар – алғашқы ашылуы бақыланатын, төмен тығыздықтағы полиэтиленнен жасалған құтыға құйылған.

1 құтыдан медициналық қолдану жөніндегі мемлекеттік және орыс тіліндегі нұсқаулықпен бірге картон қорапшаға салынады.

Сақтау шарттары

25°С-ден аспайтын температурада сақтау керек.

Құты ашылғаннан кейін бір ай ішінде пайдалану керек.

Балалардың қолы жетпейтін жерде сақтау керек!

Сақтау мерзімі

3 жыл.

Жарамдылық мерзімі өткеннен кейін қолдануға болмайды.

Дәріханалардан босатылу шарттары

Peцептісіз.

Өндіруші

Янссен Фармацевтика Н.В., Турнхоутсевег 30, В-2340 Беерсе, Бельгия

Тіркеу куәлігі ұстаушысының атауы және елі

«Джонсон & Джонсон» ЖШҚ, Ресей Федерациясы,

121614, Мәскеу қ.,Крылатская к-сі, 17 үй, 2 корп., тел. (495) 726-55-55

Қаптаушы ұйымның атауы және елі

Янссен Фармацевтика Н.В., Бельгия

Қазақстан Республикасы аумағында тұтынушылардан дәрілік заттың сапасына қатысты шағымдарды (ұсыныстарды) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электрондық пошта)

«Джонсон & Джонсон» ЖШҚ Қазақстан Республикасындағы филиалы

050040, Қазақстан Республикасы, Алматы қ., Тимирязев к-сі, 42, 23-Апавильон тел./факс: +7 (727) 356-88-11; +7 (727) 356-88-19

электрондық пошта: safetyru@its.jnj.com