Вечернее Валериана № 60 драже
Тауарлардың көрінісі фотосуретте көрсетілгеннен өзгеше болуы мүмкін

Вечернее Валериана № 60 драже

Қолжетімділігі
Тауар қолда жоқ
Үлгі
4603907008320
Елі
Россия
Өндіруші
Биокор-П
  • Сипаттама

Сипаттама

Дәрілік заттың медициналық қолданылуы жөніндегі нұсқаулық

ШҮЙГІНШӨП

Саудалық атауы

Шүйгіншөп экстрактісі

Халықаралық патенттелмеген атауы

Жоқ

Дәрілік түрі

Қабықпен қапталған таблеткалар, 20 мг

Құрамы

Бір таблетканың құрамында

белсенді зат - шүйгіншөп қою экстрактісі (валерен қышқылы этил эфиріне шаққандағы сесквитерпен қышқылдары күрделі эфирлерінің қосындысы құрамымен - 1,8 %) - 20 мг;

қосымша заттар: сахароза, кальций стеараты, магний гидроксикарбонаты (негізгі магний карбонаты), лактоза моногидраты (сүтті қант), полисорбат-80 (твин-80), картоп крахмалы;

қабықтың құрамы: сахароза, титанның қостотығы Е171, повидон (төмен молекулалық медициналық поливинилпирролидон), магний гидроксикарбонаты (негізгі магний карбонаты), полисорбат-80 (твин-80), коллоидты кремнийдің қостотығы (аэросил), хинолинді сары бояғыш Е 104, магний гидросиликаты (тальк), күнбағыс майы, ара балауызы, қатты парафин (парафин).

Сипаттамасы

Екі беті дөңес, сары түсті немесе жасылдау реңді сары түсті таблеткалар. Көлденең қимасында екі қабаты көрінеді: сыртқыcы – сары түсті, ішкіcі – ашық-қоңыр түсті.

Фармакотерапиялық тобы

Жүйке жүйесі. Психолептикалық препараттар. Ұйықтататын және тыныштандыратын дәрілер. Ұйықтататын және тыныштандыратын басқа препараттар. Шүйгіншөп тамырсабағы тамырларымен.

АТХкодыN05CM09

Фармакологиялық қасиеттері

Фармакокинетикасы

Шүйгіншөптің фармакокинетикасы нашар зерттелген, ол препараттың әсер ете бастағанын нақты идентификациялаудың мүмкін еместігімен байланысты. Шүйгіншөптің 600 мг құрғақ экстрактісін ішке қабылдағаннан кейін валериан қышқылы (ықтимал белсенді компоненттерінің бірі) ең жоғарғы концентрациясына 1-2 сағаттан соң жетеді және 0,9-2,3 нг/мл құрайды. Жартылай элиминациялау кезеңі – 1,1±0,6 сағат. Препаратты бірнеше рет қолданғанда оның фармакокинетикасы өзгермейді.

Фармакодинамикасы

Өсімдіктен алынған дәрі. Тыныштандыратын әсер береді. Әсеріне құрамында эфир майының (0,2-2,8 %) болуы түрткі болады, оның көп бөлігін борнеол мен изовалериан қышқылының күрделі эфирі – борнеол ацетаты құрайды. Препараттың маңызды компоненттері шүйгіншөп тамырларында болатын – сесквитерпендер мен монотерпендер: β-кариофиллен,валеранон, валеренал, валериан қышқылы, сондай-ақ валепотриаттар (0,05-0,67 %) – валтрат және изовалтрат болып табылады. Валепотриаттардың ыдырауының негізгі өнімдері балдринал, гомобалдринал және валтроксал болып табылады. Шүйгіншөп экстрактісі ГАМҚ-рецепторларының (гамма-аминмай қышқылының рецепторларының) γ-аминмай қышқылы әсеріне сезімталдығын арттырады, бұл ми қыртысындағы тежелу үдерістерін күшейтеді.Сонымен қатар, ми қыртысы нейрондарының синапстарында ГАМҚ синтезі мен секрециясының артқаны байқалады. Бұл әсері тек шүйгіншөп экстрактісінің құрамында болатын заттар жиынтығының әсерінен ғана көрініс береді, және эфир майын, сесквитерпендерді немесе валепотриаттарды жеке-дара енгізгенде қайта жаңғырмауы мүмкін.

Шүйгіншөпті пайдаланған кезде тыныштандыратын әсері баяу, бірақ жеткілікті дәрежеде тұрақты түрде көрініс береді және жүйелі әрі ұзақ уақыт бойы емдегенде ғана толықтай дамиды. Организмнің сыртқы тітіркендіргіштерге реакциясы жылдамдығын төмендетеді, табиғи ұйқының басталуы жеңілдей түседі.

Валепотриаттар мен валериан қышқылы түйілуді басатын әсерге ие, әсіресе, түйілгенде және өт шығару жолдарының гипермоторлық дискинезиясы кезінде өт айдайтын жеңіл әсер береді.

Шүйгіншөптің биологиялық белсенді заттарының кешені нейрогуморальді механизмдер және миокардтың өткізгіштік жүйесіне әсер ету арқылы жүрек қызметін ретке келтіреді – жүрек ырғағын баяулатады, коронарлық қантамырларды болар-болмас кеңейтеді.

Қолданылуы

Кешенді емде:

  • неврастенияда және ұзаққа созылған жүйке-психика қозуымен байланысты жағдайларда
  • қатты қозудың, жүйке күйзелісі салдарынан ұйқының бұзылуында
  • жүрек-қантамыр жүйесі мен асқорыту жүйесі тарапынан жеңіл функционалдық бұзылуларда

Қолдану тәсілі және дозалары

Ішке.

Ересектерге 1-2 таблеткадан күніне 3 рет тамақтанудан кейін.

Емдеу ұзақтығы 2-4 аптаны құрайды. Тек дәрігердің тағайындауы бойынша ғана емдеудің қайталау курстарын жүргізуге болады.

Жағымсыз әсерлері

Кейде:

- мәңгіру

- бұлшықет әлсіздігі, енжарлық

- ұйқышылдық

- еңбекке қабілеттіліктің төмендеуі

- іш қату (ұзақ қолданғанда)

Сирек:

- аллергиялық реакциялар

Қолдануға болмайтын жағдайлар

  • препарат компоненттеріне жоғары сезімталдық (оның ішінде омарташылық өнімдеріне)
  • сахараза/изомальтаза тапшылығы, лактаза тапшылығы, фруктозаны көтере алмаушылық, лактозаны көтере алмаушылық, глюкоза-галактоза мальабсорбциясы
  • жүктілік (I триместр)
  • 18 жасқа дейінгі балаларға

Сақтықпен

- жүктілік (II және III триместр)

Дәрілермен өзара әрекеттесуі

Препарат ұйықтататын дәрілер мен орталық жүйке жүйесін бәсеңдететін өзге де дәрілік препараттардың, сондай-ақ спазмолитиктердің әсерін күшейтеді.

Айрықша нұсқаулар

Жүктілік және лактация кезеңі

Препаратты жүктіліктің I триместрінде қолдануға болмайды. Егер анасы үшін күтілетін пайдасы ұрық пен нәрестеге төнетін қауіптен асып түсетін болса, жүктіліктің II және III триместрінде және бала емізу кезеңінде препараттың қолданылуы мүмкін. Дәрігермен кеңесу қажет.

Көлік құралын немесе қауіпті механизмдерді басқару қабілетіне дәрілік заттың ықпал ету ерекшеліктері

Үлкен дозада ұзақ қолданғанда психомоторлық реакциялардың төмендеуі мүмкін.

Емдеу кезеңінде көлік құралдарын басқару және жоғары зейін қою мен психомоторлық реакциялар жылдамдығын талап ететін қауіптілігі зор басқа да қызмет түрлерімен айналысқанда сақтық танытқан жөн.

Артық дозалануы

Симптомдары: мәңгіру, ұйқышылдық, бұлшықет әлсіздігі, жұмысқа қабілеттіліктің төмендеуі сияқты жағымсыз әсерлер күшеюі мүмкін. Шамадан тыс жоғары (ұсынылған ең жоғарғы дозасынан 20 еседен артық жоғары) дозаларын пайдаланғанда орталық жүйке жүйесінің бәсеңдеуімен байланысты спецификалық емес симптомдар: енжарлық, мәңгіру, ұйқышылдық туындауы мүмкін. Ауыр жағдайларда брадикардия және аритмия пайда болуы мүмкін.

Емі: препаратты тоқтату, белсендірілген көмірді пайдаланып асқазан-ішек лаважын жүргізу, препараттың ішекке сіңірілуін болдырмау және іш жүргізетін әсерін қамтамасыз ету үшін магний сульфатын ішке қабылдау. Арнайы антидоты жоқ.

Сақтау шарттары

15 °С-ден аспайтын температурада сақтау керек.

Балалардың қолы жетпейтін жерде сақтау керек!

Сақтау мерзімі

2 жыл

Жарамдылық мерзімі өткеннен кейін қолдануға болмайды.

Дәріханалардан босатылу шарттары

Рецептісіз