Циклоферон 150мг № 10 табл.

Сипаттама

Дәрілік затты медициналық қолдану

жөніндегі нұсқаулық

Циклоферон^®

Саудалық атауы

ЦИКЛОФЕРОН^®

Халықаралық патенттелмеген атауы

Жоқ

Дәрілік түрі

Ішекте еритін қабықпен қапталған таблеткалар 150 мг

Құрамы

Бір таблетканың құрамында:

белсенді заттар 150,00 мг меглюмин акридонацетаты, акридонсірке қышқылына шаққанда келесі жазба бойынша алынған: 150,00 мг акридонсірке қышқылы, 146,00 мг N-метилглюкамин (меглюмин)

қосымша заттар: повидон, кальций стеараты, гипромеллоза, полисорбат 80

ішекте еритін қабық: метакрил қышқылының және этилакрилаттың сополимері, пропиленгликоль.

Сипаттамасы

Дөңгелек пішінді, екі беті дөңес, сары түсті ішекте еритін қабықпен қапталған таблеткалар. Көлденең қимасыныңядросысары түсті.

Фармакотерапиялық тобы

Антинеопластикалық және иммуномодуляциялық препараттар. Иммуностимуляторлар. Басқа иммуностимуляторлар.

АТХ коды L03АХ

Фармакологиялық қасиеттері

Фармакокинетикасы

Тәуліктік дозаны қабылдаған кезде қан плазмасындағы ең жоғары концентрациясына 2-3 сағаттан кейін жетеді, 8-ші сағатқа қарай концентрациясы біртіндептөмендейді, ал 24 сағаттан кейін Циклоферон- ның ізі ғана қалады. Препараттың жартылай шығарылу кезеңі 4-5 сағатты құрайды, сондықтан оны ұсынылған дозада пайдалану организмде жинақталуына жағдай жасамайды.

Фармакодинамикасы

Циклоферон бастапқы интерферонның төменмолекулалы индукторы болып табылады, бұл оның енгізілген сәтінен бастап тәулік бойы альфа- және гамма-интерферон өндірілуін туындата отырып, биологиялық әсерінің спектрін - вирусқа қарсы, иммунмодуляциялайтын, қабынуға қарсы және т.б. анықтайды.

Препаратпен интерферон синтезін стимуляциялау сәйкес геннің транскрипциясы деңгейінде жүреді және трансляция жылдамдығының жоғарылауы, мРНҚ IFNα немесе мРНҚ –рибосома кешенінің тұрақтануы, сондай - ақ бұрын синтезделген интерферонның шығарылуы секілдіоның посттранскрипциялық үдерістерге әсеріне байланысты емес.

Препараттың иммунреттегіш қасиеттері негізіненинтерферондар жүйесі арқылы, дәлірек айтсақ альфа- және гамма-интерферонды белсенділендіру арқылы жүреді.

Циклоферон оның өндірілуі жоғарылағанда иммунитеттің Т-жасушалы тізбегін қалпына келтіруге ықпал етеді: СD3⁺ (Т-лимфоциттер), СD4⁺ (Т-хелперлер) субпопуляциясы деңгейін, сондай - ақ СD16⁺ (NK-жасушалары), CD8⁺, CD72⁺ мөлшерін және иммунреттегіш индексті қалпына келтіреді.

Препараттың вирусты инфекцияларда тікелей әсерівирус репликациясын бұзуға, вирустық ДНҚ немесе РНҚ - ныңкапсидтерге инкорпорациясын бөгеуге, ақаулы вирус бөлшектерінің мөлшерінің артуына, жасушалардағы вирус индукцияланған ақуыздар синтезін төмендетуге байланысты.

Қолданылуы

Ересектерде кешенді ем құрамында

• тұмау және жедел респираторлық аурулар
• герпестік инфекция
• тұмау және жедел респираторлық аурулар
• герпестік инфекция
• тұмау және жедел респираторлық аурулар

Балаларда 6 жастан бастап кешенді ем құрамында

Балаларда 6 жастан профилактика үшін:

Қолдану тәсілі және дозалары

Ішке тәулігіне бір ретас қабылдағанға дейін 30 минутбұрын, шайнамай ½ стақан сумен іше отырып, дене салмағына 10 мг/кг есеппен,жасына қарай дозада қабылдайды:

- 6 жастағы балаларға: қабылдауға150 мг (1 таблетка), ең жоғары тәуліктік доза 150 мг (1 таблетка);

- 7–11 жастағы балаларға: қабылдауға 300–450 мг (2–3 таблетка), ең жоғары тәуліктік доза 450 мг (3 таблетка);

- ересектер мен 12 жастан асқан балаларға: қабылдауға 450–600 мг (3–4 таблетка), ең жоғары тәуліктік доза 900 мг (6 таблетка).

Қайталау курсын алғашқы курсы аяқталғаннан кейін 2–3 аптадан соң жүргізген жөн.

Ересектерде:

• Тұмау мен жедел респираторлық ауруларды емдеуде 600 мг (4 таблетка) препараттан 1, 2, 4, 6, 8-ші тәулікте қабылдайды. Емдеуді аурудың алғашқы симптомдарында бастау керек. Тұмаудың ауыр ағымындаалғашқы күні 600-900 мг (4-6 таблетка) қабылдайды, ары қарай жасына байланысты дозада. Қажет болғандақосымша симптоматикалық ем жүргізеді (ыстық түсіретін, ауыруды басатын, қақырық түсіретін дәрілер). Емдеу курсы - 20–30 таблетка.
• Герпестік инфекцияда 300-600 мг препараттан
  (2-4 таблетка) 1, 2, 4, 6, 8, 11, 14, 17, 20, 23-ші тәулікте қабылдайды. Емдеу аурудың алғашқы симптомдары білінгенде тиімді. Емдеу курсы 20–40 таблетка.

6 жастан асқан балаларда:

• Тұмау мен жедел респираторлық ауруларда, сондай- ақ тұмау мен жедел респираторлық ауруларының (тұмау немесе басқа этиологиядағы ЖРА науқастармен тікелей жанасуда, тұмау эпидемиясы кезінде) жедел спецификалық емес профилактикасы үшін препаратты жасына сәйкес дозаларда 1, 2, 4, 6, 8, 11, 14, 17, 20, 23 тәулікте қабылдайды. Емдеу курсы жағдайының ауырлығына және клиникалық симптомдарының айқындығына байланысты 5-тен 10 қабылдауға дейінді құрайды.
• Герпестік инфекцияда препаратты жасына сәйкес дозада емдеудің 1, 2, 4, 6, 8, 11, 14-ші тәулігінде қабылдайды. Емдеу курсы жағдайының ауырлығына және клиникалық симптомдарының айқындығына байланысты ауытқиды.

Жағымсызәсерлері

Сирек:

– тері бөртпесі түріндегі аллергиялық реакциялар

– созылмалы гастриттің өршуі

– нейродермиттің өршуі

– созылмалы холециститтің өршуі

Қолдануға болмайтын жағдайлар

• препарат компоненттеріне жоғары сезімталдық
• жүктілік және лактация кезеңі
• 6 жасқа дейінгі балаларға
• бауырдың ауыр аурулары

– бауыр жеткіліксіздігі

Дәрілерменөзара әрекеттесуі

Циклоферон көрсетілген ауруларды емдеуге пайданалынатын барлық дәрілік препараттармен (интерферондар, химиотерапиялық, симптоматикалық дәрілік заттар және т.б.) үйлесімді.

Интерферондардың және нуклеозидтердің аналогтарының әсерін күшейтеді. Химиотерапияның, интерферонмен емдеудің жағымсыз әсерлерін азайтады.

Айрықша нұсқаулар

Қалқанша без аурулары кезінде аутоиммунды бұзылулардың мүмкіндігін анықтау үшін эндокринолог-дәрігермен кеңесу қажет.

Егер препараттың кезекті дозасын қабылдауды өткізіп алсаңыз, онда алғашқы мүмкіндікте-ақуақыт аралығын ескерместен және дозасын екі есеарттырмастан курсты басталған сызбаға сай жалғастыру қажет.

Емдік әсері болмаса дәрігерге қаралу керек.

Дәрілік заттардың көлік құралдарын немесе қауіптілігі зор механизмдерді басқару қабілетіне әсер ету ерекшеліктері

Циклоферон көлік құралдарын немесе қауіптілігі зор механизмдерді басқару қабілетіне әсер етпейді.

Ас қорыту мүшелері ауруларының асқыну сатысында (асқазан және/немесе он екі елі ішек ойық жарасы,эрозиясы, гастриттер жәнедуодениттер) және анамнезіндеаллергиялық реакцияларда препаратты қабылдар алдында өзіңіздің емдеуші дәрігеріңізбен міндетті түрде кеңесіңіз.

Артық дозалануы

Қазіргі уақытқа дейін препараттың артық дозалану жағдайлары анықталған жоқ.

Шығарылу түрі және қаптамасы

Ішекте еритін қабықпен қапталған таблеткалар, 150 мг. 10 немесе 20 таблеткадан қаптамаға арналған поливинилхлоридті үлбірден және алюминий фольгадан жасалған пішінді ұяшықты қаптамада. 20 таблеткадан 1 пішінді ұяшықты қаптаманы, 10 таблеткадан 1 немесе 5 пішінді ұяшықты қаптаманы медициналық қолдану жөніндегі мемлекеттік және орыс тіліндегі нұсқаулықпен бірге картон қорапшаға салады.

Алғашқы ашылуын бақылау үшін қалпақшаның бүйір клапандары екі жағынан заттаңбамен немесе терможеліммен жапсырылуы мүмкін.

Сақтаушарттары

Жарықтан қорғалған жерде, 25ºС-ден аспайтын температурада сақтау керек.

Балалардың қолы жетпейтін жерде сақтау керек!

Сақтау мерзімі

2 жыл.

Жарамдылық мерзімі өткеннен кейін қолдануға болмайды.

Дәріханалардан босатылу шарттары

Рецептісіз.

Өндіруші

«ПОЛИСАН» Ғылыми-технологиялық фармацевтикалық фирмасы» ЖШҚ Ресей Федерациясы, 192102, Санкт-Петербург қ., Салов к-сі, 72 үй, 2 кор. лит А, тел./факс: (812) 710-82-25.

Тіркеу куәлігінің ұстаушысы

«ПОЛИСАН» Ғылыми-технологиялық фармацевтикалық фирмасы» ЖШҚ, Ресей Федерациясы.

Қазақстан Республикасы аумағында тұтынушылардан дәрілік заттардың сапасына қатысты шағымдарды (ұсыныстарды) қабылдайтын ұйымның атауы,мекенжайы және байланыс деректері

«Parasat Pharma Medical» ЖШС, Қазақстан Республикасы, Алматы қ., Абай даңғ., 150/230 үй, тұрғын үй емес 867, 11 блок.

Тел.:+7 (727) 346 93 78. E-mail: prs-arman@mail.ru

Қазақстан Республикасы аумағында дәрілік заттардың тіркеуден кейінгі қауіпсіздігін қадағалауға жауапты ұйымның атауы,мекенжайы және байланыс деректері

Козлов И. А., Қазақстан Республикасы, Алматы қ., Бөгенбай батыр к-сі,136 үй, 27 пәтер.

Тел.: +7 (727) 272 57 51, +7 777 211 72 97. E-mail: doctorkvi@gmail.com.

Қалалар