Таурин 4%, 10 мл, гл. капли

Сипаттама

Дәрілік затты қолдану жөнінде

мамандарға арналған

нұсқаулық

ТАУРИН – ФАРМАК

(TAURIN – FARMAK)

Саудалық атауы

Таурин - Фармак

Халықаралық патенттелмеген атауы

Таурин

Дәрілік түрі

4% көз тамшылары

Құрамы

1 мл құрамында

белсенді заттар:0,04г таурин

қосымша заттар:нипагин М, инъекцияға арналған су.

Сипаттамасы

Мөлдір, түссіз сұйықтық;

Фармакотерапиялық тобы

Басқадай көз ауруларын емдейтін препараттар

АТЖ коды – S01XA

Фармакологиялық қасиеттері

Фармакокинетикасы

Тамызған кезде Таурин-Фармак көз ортасына өтеді, дәл сол жерде өзінің спецификалық әсерін көрсетеді. Терапиялық дозада қолданылған кезде препарат іс жүзінде жүйелі қан ағысына сіңбейді.

Фармакодинамикасы

Таурин-Фармак көз торшасының дистрофиялық сипаттағы ауруларында, көз тіңдерінің жарақаттық зақымдануларында, осы тіңдер метаболизмінің күрт бұзылуымен жалғасатын репаративтік және қалпына келу процестерін көтермелейтін амин қышқылдары препараттарына жатады. Құрамында күкірт бар амин қышқылы ретінде препарат жасуша мембраналары функциясының қалпына келуіне, энергетикалық және алмасу процестрінің оңтайландырылуға, жасушалар цитаплазмасы электролиттік құрамының тұрақтылығын ұстап тұруға, синаптикалық берілістің тежелуіне (нейромедиаторлық рөл) ықпал етеді.

Қолдану көрсетілімдері

• тапеторетинальдық дегенерацияны қоса алғанда, көз торшасының дистрофиялық зақымдануларында
• мөлдір қабақтың дистрофиясында
• қарттық, диабеттік, жарақаттық және сәулелік катаракталарда
• мүйізгек жарақаттары кезінде репаративтік процестерді көтермелеу үшін
• глаукома кезінде көз іші қысымын төмендету үшін (тимололдың әсерін күшейтеді).

Қолдану әдісі және дозалары

Катаракталарда Таурин-Фармак тамызғы түрінде тағайындайды: 3 ай бойы күн сайын күніне 2-4 рет 2-3 тамшыдан. Емделу курсын бір ай аралықпен қайталайды. Жарақаттарда 1 ай ішінде дәл осы дозаларда қолданады. Торшаның тапеторетинальдық дегенерациясы мен басқа да дистрофиялық ауруларын, мүйізгектің бойлайтын жараларын емдеу үшін препаратты: 10 күн ішінде күніне 1 рет 4% ерітіндінің 0,3 мл-ден тағайындайды. Емделу курсын 6-8 айдан кейін қайталайды. Ашық бұрышты глаукомада Таурин-Фармакты тимололды тамызғанға дейін 20-30 минут бұрын күніне 2 рет конъюнктивальды қапшыққа тамшы түрінде тамызады.

Қолдануға болмайтын жағдайлар

Препарат компоненттеріне асқын сезімталдықта.

Жағымсыз әсерлер

Сирек аллергиялық реакциялардың өршуі мүмкін.

Дәрілермен өзара әрекеттесуі

Анықталмаған

Ерекше нұсқаулар

Назар аударыныз! Қолданғанға дейін құтының қалпақшасын тығыз бұрамау керек!

Бірінші қолданудың алдында қақпақшаны барынша қатты бұрайды. Бұл орайда оның ішкі жағындағы ұштық қуыс теседі. Қолдану алдында препараты бар сауытты дене температурасына дейін қыздыру үшін тікелей алақанда ұстап тұру қажет. Қалпақшаны бұрап алады және сауыттың сыртын сәл басып, ерітіндіні көзге тамызады. Тамызғаннан кейін қалпақшаны тығыз бұрап, препаратты Нұсқаулықта келтірілген нұсқамаға сәйкес сақтайды.

Артық дозалағанда

Анықталмаған

Шығарылу түрі және қаттамасы

5 мл немесе 10 мл полиэтиленді тамшылататын құтыда, қолдануға арналған нұсқаулықпен бірге.

Сақталу шарттары

Жарықтан қорғалған жерде, 8ºС-дан 15ºС-ға дейінгі температурада сақтау керек.

Балалардың қолы жетпейтін жерде сақтау қажет!

Жарамдылық мерзімі

3 жыл

Құтыны ашқаннан кейін 28 тәулік бойы жарамды.

Жарамдылық мерзімі өткеннен кейін қолдануға болмайды.

Дәріханадан босатылу шарты

Рецепт бойынша

Өндіруші

"ФАРМАК" ААҚ. 04080, Украина, Киев қаласы, Фрунзе көшесі,63.

Қалалар