Біздің компаниямыз жайлы жалпы ақпарат.
Дәрілік затты медициналық
қолдану жөніндегі нұсқаулық
Халықаралық патенттелмеген атауы
Карведилол
Бір таблетканың құрамында
белсенді зат - 6,25 мг, 12,5 мг, 25 мг карведилол бар,
қосымша заттар: лактоза моногидраты, кросповидон, сахароза, сусыз коллоидты кремнийдің қостотығы, повидон К-25, магний стеараты.
6,25 мг таблеткалар: хинолинді сары (Е104)
12,5 мг таблеткалар: "Күн батар түстес" сары (Е110).
Сипаттамасы
Ақшыл-сары түсті, жалпақ беткейімен, ұзынша пішінді, бір жағында ойығы, сызығы баржәне екінші жағындаЕ әрпі мен 341 нөмірі өрнектеліп жазылған, иіссіз немесе иіссіз дерлік таблеткалар (6,25 мг доза үшін)
Ақшыл-қызыл сары түсті, күңгірт түсті дақтары болуы мүмкін, жалпақ беткейімен, дөңгелек пішінді, бір жағында ойығы, сызығы баржәне екінші жағындаЕ әрпі мен 342 нөмірі өрнектеліп жазылған, иіссіз немесе иіссіз дерлік таблеткалар (12,5 мг доза үшін).
Ақ немесе ақ дерлік түсті, жалпақ беткейімен, дөңгелек пішінді, бір жағында ойығы, сызығы баржәнеекінші жағындаЕ әрпі мен 343 нөмірі өрнектеліп жазылған, иіссіз немесе иіссіз дерлік таблеткалар (25 мг доза үшін).
Фармакотерапиялық тобы
Жүрек-қантамыр жүйесі. Бета-адреноблокаторлар. Альфа- және бета-блокаторлар. Карведилол.
АТХ коды С07АG02
Карведилол асқазан-ішек жолынан жылдам сіңеді. Бұл препарат бауыр арқылыалғашқы өткенде қарқынды метаболизмге ұшырайды, және оның биожетімділігі ішу арқылы қабылданғанда шамамен 25 % құрайды.
Карведилолдың оксидативтіметаболизмістереоселективті болып табылады. R-энантиомерлер негізінен CYP2D6 және CYP1A2 метаболизденеді, ал S-стереоизомер жоғары дәрежедеCYP2C9 және аз дәрежеде - CYP2D6 метаболизденеді. CYP450 цитохромдарының басқа изоферменттері - CYP3A4, CYP2E1 және CYP2C19 карведилол метаболизміне қатысады. Плазмадағы R-карведилолдың ең жоғары концентрациясыS-карведилолдыңконцентрациясына қарағанда2 есе жоғары. Фармакокинетикалық зерттеулердің нәтижесі бойынша, CYP2D6 цитохромы R- және S-карведилолдың метаболизациясында басты роль атқаратынын анықтауға болады.
CYP2D6 баяу метаболизаторларындақан плазмасында карведилолдың (алдымен R-энантиомердің) концентрациясының жоғарылауы байқалған, ол альфа-бөгейтін белсенділігінің жоғарылауына әкелуі мүмкін. CYP2D6 генотипінің R- және S-карведилолдың фармакокинетикасындағымаңыздылығы популяциялық фармакокинетикалық зерттеулердің нәтижелеріменрасталады. Әйтсе де басқа зерттеулер осы бақылауды дәлелдеген жоқ. CYP2D6 генетикалық полиморфизмінің клиникалық ролі шектелгені туралы шешім қабылданған.
Карведилолдың жартылай шығарылу кезеңі шамамен 6 сағат құрайды, оның плазмаданклиренсі шамамен 500-700 мл/минут құрайды. Экскрециясы негізінен өтпен жүреді, ал препарат ішек арқылы шығарылады. Аздаған бөлігі метаболиттер түрінде бүйрек арқылы шығарылады.
Карведилол дозаға тәуелді фармакокинетикалық параметрлерге ие, яғни оның плазмадағы деңгейі енгізілген дозаға пропорционал.
Карведилолды ұзақ уақыт қабылдағанда бүйректің қан айналымы нашарлаған жоқ, және шумақтық сүзіліс жылдамдығыөзгерген жоқ.
Артериялық гипертензияcы және бүйрек жеткіліксіздігі бар пациенттерде қан плазмасындағы AUC, жартылай шығарылу кезеңі және Cmax айтарлықтай өзгерген жоқ. Бүйрек жеткіліксіздігіндекарведилолдың бүйрек арқылы шығарылуы төмендейді, бірақ бұл оның фармакокинетикалықпараметрлеріне тек мардымсыз әсер етеді.
Препаратоның мүмкін диализжарғақшасыарқылы өтуіне кедергі ететін плазма ақуыздарымен күшті байланысуы себебінен, организмнендиализ кезінде шығарылмайды.
Бауыр функциясының ауыр бұзылуында алғашқы өту метаболизмінің әлсіреуіне байланысты карведилолдың биожетімділігіедәуір (80 % дейін) жоғарылайды. Сондықтан карведилолды бауыр функциясының бұзылуы бар пациенттерде қолдануға болмайды. Циррозы бар пациенттердің қатысуымен фармакокинетикалық зерттеулерде карведилолдың экспозициясы (AUC) бауыр ауруларында 6,8 есе жоғарылайтыны анықталды.
Егде жастағы пациенттер
Артериялық гипертензиясы бар егде жастағы пациенттерде карведилолдың фармакокинетикасы жасына байланысты емес.
Жүрек жеткіліксіздігі
Клиникалық зерттеудежүрек жеткіліксіздігі бар пациенттердеR- және S-карведилолдың клиренсідені сау адамдарда бұрын анықталған мәндерге қарағанда нақты төмен болған. Бұл нәтижелер жүрек жеткіліксіздігініңR- және S-карведилолдың фармакокинетикасынаайтарлықтай әсер ететінін болжамдауға мүмкіндік береді.
Қант диабеті бар пациенттер
β-адреноблокаторларинсулинге төзімділікті жоғарылатады және гипогликемия симптомдарын бүркемелеуі мүмкін. Сонымен қатар, қантамырларын кеңейтетін әсері бар β-адреноблокаторлар (карведилол) – қандағы глюкоза деңгейіне және липидтер бейініне жағымдырақ әсер ететіні анықталды. Карведилолдың кейбір дәрежеде инсулинге сезімталдықты жоғарылататыны және метаболизмдік синдромның кейбір біліністерін тежейтіні көрсетілген.
Балалар мен 18 жасқа дейінгі жасөспірімдер
18 жасқа дейінгі пациенттерді зерттеу кезінде алынған фармакокинетикалық деректер балаларда клиренс дене салмағына шаққанда ересектердегіден едәуір жоғары екенін көрсетеді.
Фармакодинамикасы
Карведилол– үшінші буынның препараты, адренергиялық рецепторлардың (a1-, b1 және b2-рецепторлардың) іріктелмеген блокаторы.Вазодилатация алдымен a1-рецепторлармен антагонизміне байланысты. Карведилол ағзаларды қорғауға қабілетті, күшті антиоксидантты әсерге ие және бос радикалдарды бейтараптандырады.
Карведилол өзінің b-бөгейтін белсенділігінің арқасында,рениннің босап шығарылуын азайта отырып, ренин-ангиотензин-альдостерон жүйесін төмендетеді, сондықтан оны қолдану кезіндесұйықтың организмде іркілуі сирек пайда болады.
Карведилол ішкі симпатомиметикалық белсенділікке ие емес, дегенмен пропранолол сияқты жарғақшаны тұрақтандырғыш әсерге ие.
Карведилол екі стереоизомердің рацемиялық қоспасы болып табылады. Оның R(+) және S(-) энантиомерлері бірдей a1-бөгейтін және антиоксидантты әсерге ие. Карведилол b1 және b2-рецепторларды іріктемей басады, ол оның S(-) энантиомерінің қасиеті болып табылады.
Карведилол жақсы антиоксидант болып табылады. Әртүрлі маркерлерді анықтаумен клиникалық зерттеулердекөрсетілгендей, карведилол қабылдайтын пациенттерде тотығу стресі төмендейді. Ол оттегінің бос радикалдарының акцепторы болып табылады және қантамырларықабырғаларында тегісбұлшықеттік жасушалардың пролиферациясын басады.
a1-рецепторлардың карведилолмен іріктеліп бөгелуі шеткері қантамырлықкедергіні төмендетеді. Карведилол фенилэфриннің
a1 -рецепторларының агонисінегипертензиялық реакцияны баяулатады, бірақ ангиотензин II-нің гипертензивті әсеріне әсер етпейді.
Карведилол липидті бейінге әсер етпейді. Ол жоғары және төмен тығыздықтағы липопротеиндердің (ЖТЛП/ТТЛП) қатынасын өзгертпейді.
Артериялық гипертензия
Артериялық гипертензиядакарведилолды қолдану b-рецепторлар блокадасы және a1-рецепторлар блокадасымен байланысты қантамырлардың кеңеюінің бірігуі жолымен артериялық қысымдытөмендетеді.Оның гипертензияға қарсы әсері таза b-блокаторлардың әсеріне тән,жалпы шеткері кедергінің жоғарылауына байланысты емес. Оны енгізгендежүректің жиырылу жиілігі аздап төмендейді. Артериялық гипертониямен науқастарда бүйректің қан айналымы және бүйрекфункциясы өзгермейді.
Карведилол соғу көлеміне әсер етпейді және жалпы шеткері қантамырлық кедергіні төмендетеді. Ол жеке ағзалардыңперфузиясын және ағзаларды қамтамасыз ететін артериялардағы қан ағымын, оның ішінде бүйрек,қаңқа бұлшықеттері, білек, аяқ, тері және ми артерияларында, сондай-ақ күретамырда қан ағымын нашарлатпайды.
Тамыр кеңейткіш әсері жоқ b-блокаторларға тән аяқ-қолдың суынуын сезіну және дене жүктемелері кезіндегі жоғары шаршағыштықкарведилолды қолданғанда сирек кездеседі. Карведилолдың гипертензияда ұзақ әсер етуі бірегей препараттың бірнеше клиникалық зерттеулеріндедәлелденген.
Оның гипертензияға қарсы әсері жылдам дамиды, 2-3 сағат ішінде ең жоғары шегіне жетіп және24 сағатқа созылады. Препаратты ұзақ уақыт қолданғанда ең жоғары әсері 3-4 апта ішінде дамуы мүмкін.
Бүйректік гипертония
Созылмалы бүйрек жеткіліксіздігі бар пациенттерді, гемодиализдегінемесе бүйрек трансплантациясынан кейінгі пациенттерді қоса,карведилолбүйрек гипертензиясын емдеу үшін жетістікпен қолданылуы мүмкін. Гемодиализ күндеріндегідей, сондай-ақ гемодиализ аралығында, карведилол артериялық қысымды біртіндеп төмендетеді бұл әсері бүйрекфункциясы қалыпты тұлғаларда бақыланатын әсерлермен ұқсас.
Гемодиализдегі пациенттердің қатысуымен жүргізілген салыстырмалы зерттеулер негізінде карведилолдың кальций өзекшелерінің блокаторларына қарағанда тиімділігі жоғары және жақсы көтерімдідепшешім қабылданды.
Коронарлық артериялардың аурулары
Коронарлық артериялардың зақымдануыменнауқастардакарведилолдыңишемияға қарсы және антиангинальді әсері бар, ол ұзақ уақыт қабылдағанда байқалуы мүмкін. Гемодинамиканы жедел зерттегендекарведилолмиокардтыңоттегіге қажеттілігін және симпатикалық жүйке жүйесінің жоғары белсенділігін айтарлықтай төмендетті. Карведилол қарыншаларға алдыңғы жүктемені (өкпе артериясындағы қысымды, өкпе капиллярлары бітелуінен болатын қысымды), сондай-ақ соңғы жүктемені (жалпы шеткері кедергіні) төмендетті.
Созылмалы жүрек жеткіліксіздігі
Созылмалы жүрек жеткіліксіздігінде карведилол әртүрлі себептермен өлімді және жүрек-қан тамыр бұзылуларына қатысты шағымдарменауруханаға жатқызу жиілігін елеулі төмендетеді.
Жүректің созылмалы ауыр жеткіліксіздігімен науқастарда карведилол тиімді және көтерімділігіжақсы. Карведилол лықсу фракциясын арттырады және шығу тегі ишемиялық немесе ишемиялық емес созылмалы жүрек жеткіліксіздігі симптомдарын әлсіретеді. Карведилолдың әсері дозаға байланысты. Карведилолды стандартты емкомпоненті ретінде қолданғанда метопролол қабылдаған топпен салыстырғанда өлім жағдайын айтарлықтай төмендетті.
Бүйрек жеткіліксіздігі
Карведилол гемодиализдегі дилатациялық кардиомиопатиямен пациенттерде ауыру және өлу жағдайларын төмендетеді. Бүйрек функциясы бұзылуының ауырлығы шамалы немесе орташа және сол жақ қарынша функциясы бұзылған, жүрек жеткіліксіздігі симптомдары бар және онсыз пациенттерде карведилол өлім жағдайынжәне жүрек жеткіліксіздігімен байланысты жағдайлар жиілігін төмендетеді.
Жедел миокард инфарктінен кейінгі сол жақ қарынша функциясының бұзылуы
Карведилол кез келген себептерге байланысты өлімді, кез келген себептерге байланысты өлім + өліммен аяқталмайтын миокардинфарктінің даму жиілігін, жүрек-қантамырлық себептерге байланысты өлімді, сондай-ақ өліммен аяқталмайтынмиокард инфарктісіне байланысты ауруханаға жатқызудынақты төмендетті.
- монотерапия ретінде немесе біріктірілген ем құрамында артериялық гипертензияда
- клиникалық айқын білінетін созылмалы жүрек жеткіліксіздігінде (NYHA II-IV) біріктірілген ем құрамында:қарсы көрсетілімдері жоқпациенттерде шығу тегі ишемиялық немесе ишемиялық емес болуына байланыссыз тұрақты жеңіл, орташа немесе ауыр созылмалы жүрек жеткіліксіздігінде, созылмалы жүрек жеткіліксіздігінің стандартты емімен біріктіріп (жүрек гликозидтерімен немесе онсыз АӨФ тежегіштері, диуретиктер) емдеу үшін. Жүрек жеткіліксіздігін стандартты емдеуге арналған препараттармен біріктіру аурудың үдеуін баяулатады және, осылайша, ауыруды да (жүрек-қантамыр ауруларына байланысты ауруханаға жатқызуды азайтады, және пациенттің өмір сапасын жақсартады), өлімді де азайтады
- жүректің ишемиялық ауруында(созылмалы тұрақты стенокардияны ұзақ уақыт емдеу)
- жедел миокард инфарктісінен кейінгі сол жақ қарыншаның дисфункциясы: сол жақ қарынша функциясының бұзылуымен қатар жүретін миокард инфарктісін (сол жақ қарыншаның лықсыту фракциясы < 40% немесе қарынша қабырғасының қозғалу индексі ≤ 1,3) бастан өткерген пациенттерді АӨФ тежегіштерімен немесе басқа дәрілік заттармен біріктіріп емдеу үшін.
Қолдану тәсілі және дозалары
Препаратты тек дәрігердің тағайындауы бойынша ғана қабылдау керек!
Таблеткаларды шайнамай судың көп мөлшерімен ішіп қабылдау керек. Созылмалы жүрек жеткіліксіздігімен пациенттерде таблеткаларды аспен қабылдау керек. Карведилолмен емдеу ұзақ уақытты талап етеді.
Артериялық гипертензия: ұсынылатын бастапқыдоза – алғашқы 2 күн бойы тәулігіне бір рет 12,5 мг. Егер пациенттер осы дозаны жақсы көтеретін болса, онда оны жоғарылатуға болады. Демеуші доза: тәулігіне бір рет 25 мг.Бұл доза көптеген пациенттер үшін жеткілікті. Нәтиже қанағаттанарлықболмаған жағдайда, бірақ кемінде емдеудің 14-ші күнінен ерте емес, дозаны тәулігіне бір рет ең жоғарғы деңгейі – 50мг дейін жоғарылатуға болады (немесе тәулігіне екі рет 25 мг-ден).
- жүректің ишемиялық ауруы(созылмалы тұрақты стенокардияны ұзақ уақыт емдеу)
ұсынылатын бастапқы доза - алғашқы екі күн бойы тәулігіне екі рет 12,5 мг. Демеуші доза – тәулігіне екі рет 25 мг-ден. Қажет болғанда, дозаны 14-күндік аралықпен тәулігіне екі рет 100 мг ең жоғары тәуліктік дозаға дейін жоғарылатады.
Клиникалық айқын білінетінсозылмалы жүрек жеткіліксіздігі (NYHA II-IV):
Таллитонмен емнің басында, сондай-ақ дозаны таңдау және дозаны жоғарылату, кардиологтың мұқият қадағалауымен, емдеу мекемесінде жүргізілуі керек.
Таллитон® препаратының дозасын пациенттің тұрақты клиникалық жағдайында ғана таңдауға болады. Доза әрбір пациент үшін жекелей тағайындалады.
Дигоксиннің, диуретиктердің және АӨФ тежегіштерінің дозаларын Таллитон препаратын қабылдауды бастағанға дейін тұрақтыландыру керек.
Ұсынылатын бастапқы доза – 14 күн бойы тәулігіне екі рет 3,125 мг-ден (немесе таңертең және кешке 6,25 мг 1/2 таблетка). Егер жақсы көтере алса және клиникалық қажеттілік болса дозаны екі аптадан кем емес аралықтан кейін, тәулігіне екі рет 6,25 мг-ге дейін арттыруға болады, содан кейін тәулігіне екі рет 12,5 мг-ге дейін, ары қарай тәулігіне екі рет 25 мг-ге дейін. Дозаны пациенттер көтере алатын ең жоғарыдеңгейге дейін жоғарылату керек. Пациенттер олармен ең жоғары көтерімді және демеуші дозаны қабылдауы керек.
Ең жоғарғы ұсынылатын доза:
- тәулігіне екі рет 25 мг-ден барлық жүрек функциясының ауыр созылмалы жеткіліксіздігімен пациенттер үшін және дене салмағы 85 кг төмен жеңіл және орташа дәрежедегі жүрек функциясының созылмалы жеткіліксіздігімен пациенттер үшін
- тәулігіне екі рет 50 мг-дендене салмағы 85 кг-ден жоғары жеңіл және орташа созылмалы жүрек жеткіліксіздігі бар пациенттер үшін
Дозаны әрбір жоғарылатар алдында пациенттерді жүрек жеткіліксіздігі симптомдарының күшеюі менвазодилатация белгілерін (гипотензия, бас айналуы) анықтау мақсатындатексеру керек.
Жүрек жеткіліксіздігі немесе сұйықтың іркілуісимптомдары қайтымды жоғарылауы мүмкін. Аталған жағдайлардадиуретиктердің дозасын жоғарылату ұсынылады. Кейбір жағдайларда Таллитон дозасын төмендетуге немесе оны қабылдауды уақытша тоқтатуға қажеттілік пайда болуы мүмкін.
Препаратты қабылдаудыбіраптадан артық уақытқа тоқтатуқажет болғанда оны қабылдаудытәулігіне 2 рет ең төменгі бастапқы ұсынылатындозадан жаңғырту,ал содан кейіндозаны титрлеудің жоғарыда көрсетілген тәртібіне сәйкес анықтау керек.Препаратты қабылдауды2 аптадан артық уақытқа тоқтатуқажет болғанда оны қабылдаудыең төменгі бастапқы ұсынылатындозадан, яғнитәулігіне екі рет3,125 мг Таллитоннан жаңғырту керек, ал содан кейін дозаны титрлеудің жоғарыда көрсетілген тәртібіне сәйкес анықтау керек.
Вазодилатация симптомдары дамуы мүмкін болған кезде (гипотензия, жылыаяқ-қолдар) алдымен диуретиктердің дозасын төмендету керек. Егер осы симптомдар сақталса, ал пациент АӨФ тежегіштерін қабылдаса, АӨФт дозасын төмендету керек. Қажет болса, осыдан кейін Таллитонныңдозасын төмендетуге болады.
Осындай жағдайларда Таллитонның дозасынжүрек жеткіліксіздігініңнашарлау симптомдары немесе вазодилатация тұрақтанғаншажоғарылатуға болмайды.
Миокард инфарктісінен кейінгі сол жақ қарыншаның дисфункциясы
Таллитонның тұрақты дозасын дәрігердің қатаң бақылауымен әркімге жеке таңдау қажет. Препаратты стационарда немесе амбулаторияда, гемодинамика көрсеткіштері тұрақты және сұйықтық іркілісі жоқ болған кезде тағайындайды.
Гемодинамикалық тұрақты пациенттерге әуелі, кем дегенде, 48 сағат бойы АӨФт тағайындау керек. Келесі 24 сағат емдеу барысында АӨФт дозасы тұрақты болуы тиіс. Осыдан кейін карведилолмен емді миокард инфарктісінен кейінгі 3 - 21 күндері бастауға болады.
Сол жақ қарынша функциясының бұзылуымен миокард инфарктісін бастан өткерген пациенттерде ұсынылатын бастапқы доза – тәулігіне 2 рет 6,25 мг. Препараттың алғашқы дозасын қабылдағаннан кейінгі үш сағаттың ішінде пациенттің жай-күйіне бақылау жүргізеді.
Егер пациент Таллитонның алғашқы дозасын жақсы көтерсе (көтере алмаушылықтың клиникалық белгілерінсіз тамыр соғысының жиілігі 50/мин астам, систолалық артериялық қысымы > 80 мм сын.бағ.), онда дозаны 3-10 күн бойы тәулігіне екі рет 6.25 мг дейін тағы да арттыруға болады.
Егер пациент тәулігіне екі рет 6.25 мг бастапқы дозаны көтере алмаса(әсіресе брадикардия (˂ 50/мин), систолалық артериялық қысымы ˂ 80 мм сын.бағ. немесе сұйықтық іркілісі), онда дозаны 3-10 күн бойы тәулігіне екі рет 3.125 мг дейін төмендету керек. Ал егер пациент емдеуді жақсы көтерсе, онда 3-10 күннен кейін дозаны күніне екі рет 6.25 мг дейін тағы да арттыруға болады.
Дозаны әрі қарай арттыру: егер пациент тәулігіне 6.25 мг дозаны жақсы көтерсе, онда әр 3-10 күн сайын дозаны тәулігіне екі рет 12.5 мг дейін және тәулігіне екі рет 25 мг дейін арттыруға болады. Дозаны пациент көтере алатын ең жоғарғы дозаға дейін арттыру керек.
Препаратты тоқтатуды, әсіресе созылмалы стенокардиядадозаны біртіндеп азайта отырып жүргізеді. Басқа да бета-адреноблокаторларды қолданған кездегідей, карведилолмен емдеуді кенеттен тоқтатуға болмайды, препаратты тоқтату біртіндеп, дозаны апта сайын бір рет төмендетумен жүргізілуі тиіс.
Егде пациенттер
Егде жастағы пациенттерге ересектер үшін ұсынылатын әдеттегі доза тағайындалады.
Бүйрек функциясының бұзылуы бар пациенттер
Ауырлығы орташа немесе ауыр дәрежедегі бүйрек жеткіліксіздігі бар пациенттерде, дозаны іріктеудің қажеті жоқ.
Бауыр функциясының бұзылуы бар пациенттер
Бауыр функциясы ауыр бұзылған пациенттергеТаллитонды қолдануға болмайды. Бауыр функциясы ауырлық дәрежесі шамалы немесе орташа бұзылғанда препарат дозасын төмендетуге қажеттілік туындауы мүмкін.
Инфекциялық және паразиттік аурулар
жиі: бронхит, пневмония, жоғарғы тыныс жолдарының инфекциясы, несеп шығаратын жолдар инфекциясы
Қан және лимфа жүйесі тарапынан бұзылулар
жиі: анемия
сирек: тромбоцитопения
өте сирек: лейкопения
Иммундық жүйе тарапынан бұзылулар
өте сирек: жоғары сезімталдық реакциялары(аллергиялық реакциялар)
Метаболизм және тамақтану тарапынан бұзылулар
жиі: дене салмағының жоғарылауы, гиперхолестеринемия, гипергликемия, гипогликемия және қант диабеті бар пациенттерде қандағы глюкоза деңгейін бақылаудың нашарлауы
Психиканың бұзылулары
жиі: депрессия, көңіл-күйдің болмауы
жиі емес: ұйқының бұзылуы
Жүйке жүйесі тарапынан бұзылулар
өте жиі: бас айналуы және бас ауыруы
жиі: естен тану, естен тану алдындағы жағдай
жиі емес: парестезия
Көру ағзасы тарапынан бұзылулар
жиі: көрудің бұзылулары, көз жасы бөлінуінің төмендеуі (көздің құрғақтығы), көздің тітіркенуі
Жүрек тарапынан бұзылулар
өте жиі: жүрек жеткіліксіздігі
жиі: брадикардия, гиперволемия,сұйықтықтың көбеюі
жиі емес: жүрекше-қарыншалық блокада және стенокардия
Тамырлар тарапынан бұзылулар
өте жиі: артериялық қысымның төмендеуі
жиі: ортостатикалық гипотензия, шеткері қан айналымының нашарлауы (аяқ-қолдың салқындауы, шеткері қантамырлар аурулары, мезгіл-мезгіл ақсақтықтың асқынуы және Рейно синдромы)
Тыныс алу жүйесі, кеуде қуысы және көкірек ортасы ағзалары тарапынан бұзылулар
жиі: ентігу, өкпенің ісінуі, демікпе
сирек: мұрынның бітелуі
Асқазан-ішек жолы тарапынан бұзылулар
жиі: жүрек айнуы, құсу, диарея, диспепсия, іштің ауыруы
жиі емес: іш қату
сирек: ауыздың құрғауы
Бауыр және өт шығару жолдары тарапынан бұзылулар
очень редко: АСТ мен АЛТ аминотрансферазалары жоғарылауы және гамма-глутамил-трансферазаның жоғарылауы
Тері және теріасты тіндері тарапынан бұзылулар
жиі емес: теріреакциялары (мысалы, аллергиялық экзантема, дерматит, есекжем, қышыну, жалпақ теміреткіге ұқсасреакциялар, терінің псориазға ұқсас өзгерістері, некролиз
Қаңқа-бұлшықет және дәнекер тіндер тарапынан бұзылулар:
жиі: аяқ-қолдың ауыруы
Бүйрек және несеп шығару жолдары тарапынан бұзылулар
жиі: диффузды қантамырлық аурулары және/немесе бүйрекфункциясының бұзылуы бар пациенттерде бүйректің жедел жеткіліксіздігі және бүйрекфункциясының бұзылуы
сирек: несеп шығарудыңбұзылуы
Ұрпақ өрбіту ағзалары және сүт безі тарапынан бұзылулар
жиі емес: эректильді функцияның бұзылуы
Жалпы бұзылулар және енгізген жердегі бұзылулар
өте жиі: астения (қажығыштықты қоса)
жиі: ісінулер
Таңдаулы жағымсыз реакцияларға сипаттама
Бас айналуын, көрудің бұзылуын және брадикардияны қоспағанда, жағымсыз әсерлердің жиілігі қабылданған дозаларға байланысты болған жоқ,.
Бас айналуы, естен тану, бас ауыруы және астения әдетте әлсіз білінеді және көбінесе емдеу курсының басында байқалады.
Жүректің іркілісті жеткіліксіздігі бар пациенттерде жүрек жеткіліксіздігінің нашарлауы және сұйықтың іркілуі карведилол дозасын таңдау кезінде дамуы мүмкін.
Жүрек жеткіліксіздігі плацебо алған, сондай-ақ карведилол алған пациенттерде де жиі жағымсыз реакция болып табылады.
Бүйрек функциясының өтпелі нашарлауыжүректің созылмалы жеткіліксіздігімен, төмен артериялық қысыммен, жүректің ишемиялық ауруымен және /немесе бүйрек функциясының бұзылуларымен пациенттерде препаратпен емдеу аясында байқалды.
Тіркеуден кейінгікезең
Тіркеуден кейінгікезеңде төменде берілген жағымсыз реакциялар туралы хабарлар түскен. Бұл хабарларда популяцияның мөлшері туралы ақпарат болмағандықтан, әрдайым жиілігінемесе себептік байланысын анықтау мүмкін болған жоқ.
Зат алмасу және тамақтану тарапынан бұзылулар:
-басқа β-адреноблокаторларды қолданған жағдайдағыдай, карведилолмен емдеу аясында жасырын ағымдағы қант диабетініңманифестациясы немесеоның белгілерінің күшеюі туралыхабарланды
Тері және теріасты тіндері тарапынан бұзылулар:
-алопеция
- тері тарапынан ауыр реакциялар (Стивенс-Джонсон синдромы, уытты эпидермалық некролиз, көп формалы эритема)
Бүйрек және несеп шығару жолдары тарапынан бұзылулар:
- әйелдерде несепті ұстай алмаудың препаратты тоқтатқаннан кейін қайтатын бірнеше жағдайлары байқалған.
Болжамды жағымсыз әсерлері туралы хабарлар
Препараттың болжамды жағымсыз реакциялары туралы берілген деректер дәрілік заттың пайда/қауіп арақатынасына ұдайы мониторинг жүргізуге мүмкіндік беретін маңызды кезең болып табылады.
Медицина қызметкерлері кез келгенболжамды жағымсыз реакциялар туралы ақпараттынұсқаулықтың соңында берілген байланысу деректері, сондай-ақ ақпаратты жинаудың ұлттық жүйесі арқылы хабарлау керек.