Сипаттама
Дәрілік затты медициналық қолдану
жөніндегі нұсқаулық
Синафлан
Саудалық атауы
Синафлан
Халықаралық патенттелмегенатауы
Флуоцинолон ацетониді
Дәрілік түрі
Сыртқа қолдануға арналған жақпамай 0,25мг/г
Құрамы
Бір сықпаныңішінде
белсенді зат: флуоцинолон ацетониді – 3,75 мг;
қосымша заттар: пропиленгликоль, ақ жұмсақ парафин, сусыз ланолин, церезин
Сипаттамасы
Ақтан сарғыш түске дейінгі жақпамай.
Фармакотерапиялық тобы
Тері ауруларын жергілікті емдеуге арналған глюкокортикостероидтар.Белсенді глюкокортикостероидтар (III топ). Флуоцинолон ацетониді.
АТХ коды D07АС04
Фармакологиялық қасиеттері
Фармакокинетикасы
Сыртқа қолданған кезде синафланның жүйелі сіңу дәрежесінің төмен болуына байланысты организмге елеулі жүйелі әсер етпейді.
Фармакодинамикасы
Сыртқа қолдануға арналған глюкокортикостероид; қабыну медиаторларының босап шығуын кідіртеді. Теріге әсер еткен кезде нейтрофильдердің шеткері жинақталуының алдын алу жүреді, ол қабыну экссудатының және цитокиндер өнімдерінің азаюына, макрофагтар миграциясының кідіруіне, инфильтрациялар және грануляциялар үдерістерінің азаюына әкеледі. Қабынуға қарсы және аллергияға қарсы әсер етеді.
Қолданылуы
Синафлан жақпамайын глюкокортикостероидтармен емдеуге әсер ететін тынбай қышынумен және гиперкератозбен өтетін жедел және ауыр, инфекция жұқтырмаған, құрғақ дерматиттер кезінде сыртқа қолданады.
-аллергиялық жанаспалы дерматит, диск тәрізді дерматит, нейродермит, атопиялық дерматит
- экзема, атопиялық экзема, себореялы экзема
- қышыма, сыртқы отит
- псориаз (жайылған түйіндақтар псориазын қоспағанда)
- қызыл жалпақ теміреткі
Қолдану тәсілі және дозалары
Препарат тек жергілікті қолдануға арналған.
Препараттың аздаған мөлшерін тәулігіне 1-2 рет жағып, жеңіл ысқылайды. 2 жастан асқан балаларға дәрігердің бақылауымен тәулігіне 1 рет сақтықпен қолданады. 2 жастан кіші балаларға дәрілік зат қолданылмайды. Балаларда арнайы зерттеулер жүргізілмеген. Емдеу ұзақтығы аурудың сипатына байланысты және әдетте 5-10 күнді құрайды, ауруды ұзақ емдеген кезде – 2 аптадан асырмайды. Дәрілік затты ірі зақымдану ошақтарына (дене беткейінің 20 % астамы) жақпаған дұрыс. Дәрі-дәрмек емес жақпамаймен бірге қолдануға жол беріледі: егер Синафлан жақпамайын күніне бір рет жағылса, 12 сағаттан кейін дәрі-дәрмек емес жақпамайды жағуға болады. Синафланды басқа дәрі-дәрмек емес жақпамайлармен емдеу аралығын апта сайын өзгертудің бөлігі ретінде пайдалануға болады.
Жақпамайды окклюзиялық таңғыштың астына қолданбаған жөн, тек псориаз кезінде дәрілік затты жабық таңғыш астына дәрілік зат ретінде қолдануға рұқсат етіледі, оны күн сайын ауыстыру керек. Бет терісіне 1 күннен артық қолдануға болмайды. Жақпамайды көбіне дерматоздардың құрғақ түрлерінде қолдану ұсынылады.
Ересектерге қарағанда балалар анағұрлым сезімтал: глюкокортикостироидтарды жергілікті қолданғанда дәрілік заттардыңорганизмге енуі мүмкін. Сондықтан Синафлан майын қысқа (5 тәуліктен асырмай) және балаларда ең аз тиімді дозамен қолданады. Балаларда дәрілік затты тек аз ғана тері бөліктеріне (дене беткейі ауданының 10 % дейін) қолданған жөн. Жақпамайды баланың бетіне жағуға болмайды.
Жағымсыз әсерлері
- күйдіру, тері қышынуы, терінің құрғауы, стероидты безеулер, фолликулит
Сирек
- есекжем немесе макулопапулезді бөртпе немесе бар өзгерістердің асқынуы
- окклюзиялық таңғыш астында ісінулер, артериялық гипертензия, организмнің инфекцияларға қарсыласуының төмендеуі түріндегі резорбтивті әсер білдіруі мүмкін
- қабақ терісінде қолданғанда глаукома немесе катаракта дамуы мүмкін
- гипертрихоз, стриялар, алопеция (әсіресе әйелдерде), салдарлы иммунитет тапшылығы (созылмалы инфекциялы аурулардың асқынуы, инфекциялы үдерістің жайылуы, оппортунистік инфекциялардың дамуы); тері атрофиясы, жергілікті гирсутизм, телеангиоэктазиялар, пурпура, пигментация бұзылулары (ұзақ уақыт қолданғанда)
- терінің ауқымды беткейлеріне жаққанда жүйелі көріністер болуы мүмкін: гастрит, асқазанның стероидты ойық жарасы, бүйрекүсті безі жеткіліксіздігі, Иценко-Кушинг синдромы, «стероидты» қант диабеті, репаративтік үдерістердің баяулауы
Қолдануға болмайтын жағдайлар
- аппликация аумағындағы жаралар
- терінің туберкулездік, зеңдік, вирустық аурулары
- мерез біліністері, тері туберкулезі, жөргектік бөртпе, қызғылт безеулер,
ауқымды псориаздық бөртпелер (түйіндақтар), аногенитальді қышыну
- венаның варикозды кеңеюімен байланысты балтырдың трофикалық ойықжаралары, асқазан-ішек жолдарының ойық-жаралы зақымданулары, аппликация аумағындағы жаралар
- терінің обыры, невус, атерома, меланома, гемангиома, ксантома, саркома
- 2 жасқа дейінгі балалар
- жүктілік, лактация кезеңі
Дәрілермен өзара әрекеттесуі
Микробтарға қарсы дәрілермен үйлесімді. Гипотензивті, диурездік, гипогликемиялық, анаболизмдік, аритмияға қарсы дәрілердің белсенділігін төмендетеді.
Айрықша нұсқаулар
2 аптадан ұзақ үзіліссіз қабылдауға болмайды. Дененің ауқымды беткейінде ұзақ уақыт қолданғанда жағымсыз әсерлерінің біліну жиілігі және ісінулердің, артериялық гипертензияның, гипергликемияның дамуы, инфекцияларға төзімділіктің төмендеу мүмкіндігі артады.
Флуоцинолон ацетонидін жергілікті қолданғанда гипофиз-бүйрекүсті безі жүйесінің бәсеңдеуі, қандағы кортизол деңгейінің азаюы және Кушингтің ятрогенді синдромы дамуының салдарынан емді тоқтатқаннан кейін қайтатын АКТГ өндірілуі азаюы мүмкін. АКТГ бүйрекүсті бездерін стимуляциялаудан кейін қанда және несепте кортизолды анықтау жолымен бүйрекүсті безі қатпарлары функциясын әлсін-әлсін бақылау ұсынылады.
Жақпамайды қолданған жерде инфекция дамыған жағдайда, сәйкес бактерияға қарсы немесе зеңге қарсы ем жүргізу керек. Егер инфекция симптомдары қайтпаса, жақпамайды қолдануды инфекцияны емдеу кезінде тоқтату керек.
Препаратты жабықбұрышты және ашықбұрышты глаукомамен адамдарда, сондай-ақ катарактамен адамдарда ауру симптомдарының күшеюі мүмкіндігін ескеріп, қабақ маңайындағы теріге қолдануға болмайды.
Тіпті аз уақыт қолданғаннан кейін де, күшті сіңірілуі және жағымсыз әсерлерінің дамуының (телеангиэктазиялар, dermatitis perioralis) жоғары қаупін ескеріп, бет терісінде, шап және қолтықасты терісі аумақтарында айрықша қажет болған жағдайларда ғана қолдану керек
Тері асты шелмайы атрофиясы жағдайында, әсіресе егде жастағы адамдарда сақтықпен қолдану керек.
Ланолин – жергілікті тері реакцияларын (мысалы, жанаспалы дерматит) туындатуы мүмкін.
Пропиленгликоль – терінің тітіркенуін туындатуы мүмкін.
Препараттың көлік құралдарын немесе қауіптілігі зор механизмдерді басқару қабілетіне әсер ету ерекшелігі
Әсер етпейді.
Артық дозалануы
Симптомдары: препарат жаққан жерде терінің қышынуы және шымылдатып ашытуы, гипергликемия, глюкозурия, Иценко-Кушинг синдромы.
Емі: препаратты біртіндеп тоқтату аясында симптоматикалық.
Шығарылу түрі және қаптамасы
15 г алюминий сықпада. Әрбір құты медициналық қолдану жөніндегі мемлекеттік және орыс тіліндегі нұсқаулықпен бірге картон қорапшаға салынған.
Сақтау шарттары
5 °С-ден 15 °С-ге дейінгі температурада сақтау керек.
Балалардың қолы жетпейтін жерде сақтау керек!
Сақтау мерзімі
5 жыл.
Жарамдылық мерзімі өткеннен кейін қолдануға болмайды.
Дәріханалардан босатылу шарттары
Рецепт арқылы
Өндіруші
«Борисов медициналық препараттар зауыты» ашық акционерлік қоғамы,Беларусь Республикасы, Минск обл., Борисов қ.,Чапаев к-сі, 64,
тел/факс +375(177)734043.
Тіркеу куәлігінің иесі
«Борисов медициналық препараттар зауыты» ашық акционерлік қоғамы,Беларусь Республикасы
Қазақстан Республикасы аумағында тұтынушылардан өнім (тауар) сапасына қатысты шағымдарды қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның мекенжайы
Қазақстан Республикасы, 050026. Алматы қ., Нұрмақов к-сі 26/195, 39 пәтер, «МедФарм» ЖК, тел/факс: +7 (727) 2911 198, тел: +7 777 7040709,+7 777 2306494;
Е-mail: pvqa-bzmp-kz@mail.ru
