Біздің компаниямыз жайлы жалпы ақпарат.
Дәрілік затты медициналық қолдану
жөніндегі нұсқаулық
Полисорб МП
Саудалық атауы
Полисорб МП
Халықаралық патенттелмеген атауы
Жоқ
Дәрілік түрі
Ішке қабылдау үшін суспензия дайындауға арналған ұнтақ
Құрамы
Бір грамм препараттың құрамында
белсенді зат -
Сипаттамасы
Жеңіл ақ немесе көгілдір реңкімен ақ, иіссіз және дәмсіз ұнтақ. Сумен араластырған кезде жүзгін түзеді.
Фармакотерапиялық тобы
Диареяға қарсы препараттар. Ішек адсорбенттері. Басқа да ішек адсорбенттері.
АТХ коды А07ВС
Фармакологиялық қасиеттері
Полисорб МП (медициналық ішке қабылданатын) - органикалық емес, селективті емес, бөлшектерінің мөлшері 0,09 мм-ге дейін, SiO2химиялық формуласыменжоғарыдисперсиялықкремнеземніңнегізіндегі полифункционалдық энтеросорбент.
Фармакокинетикасы
ПолисорбМПасқазан-ішекжолындаыдырамайды,сіңірілмейдіжәне
өзгермеген түрде шығарылады.
Фармакодинамикасы
Полисорб МП айқын сіңіретін және уытсыздандыратын қасиеттерге иеленген. Асқазан-ішек жолының қуысында препарат әр түрлі жаратылыстағы эндогенді және экзогенді уытты заттарды, патогендік бактериялар мен бактериялық уыттарды, антигендерді, тағамдық аллергендерді, дәрілік заттарды және уларды, ауыр металдардың тұздарын, радионуклидтерді, алкогольді қоса байланыстырады және организмнен шығарады. Полисорб МП, сондай-ақ организмнен зат алмасудың кейбір өнімдерін, соның ішінде билирубиннің, мочевинаның, холестериннің және липидті кешендердің артығын, сондай-ақ эндогенді токсикоздың дамуына жауапты метаболиттерді сіңіреді.
Қолданылуы
Емдеу мақсатында:
- шығу тегі әр түрлі жедел және созылмалы уыттануларда, күшті әсер ететін және улы заттармен, соның ішінде дәрілік препараттармен және алкогольмен, алкалоидтармен, ауыр металдардың тұздарымен жедел улануларда
-тағамдық уытты-жұқпаларды қоса, кез келген генездегі жедел ішек жұқпаларында, сондай-ақ шығу тегі жұқпалы емес диариялық синдромда дисбактериозда (кешенді емдеудің құрамында)
Профилактика мақсатында:
- экологиялық қолайсыз аймақтардың тұрғындарына және зиянды өндірістердің қызметкерлеріне
Қолдану тәсілі және дозалары
Ересектерге және балаларға ішке сулы суспензия түрінде ғана!
Суспензия алу үшін препараттың қажетті мөлшерін 1/4 - 1/2 стакан суға мұқият араластырады. Препаратты әрбір қабылдау алдында жаңадан суспензия дайындау және оны тамаққа дейін немесе басқа дәрілерді қабылдағанға дейін 1 сағат қалғанда ішу ұсынылады. Суспензияны қолданар алдында шайқау керек!
Ересектерге. Ересектерде орташа тәуліктік доза (6-12 г) дене салмағына 0,1-0,2 г/кг. Препаратты бір тәулік ішінде 3-4 рет қабылдайды. Ересектерде ең жоғары тәуліктік доза (20 г) дене салмағына 0,33 г/кг.
Балаларға. Балалар үшін доза дене салмағына қарай есептеледі (кестені қараңыз).
Балалар үшін тәуліктік дозаны есептеу кестесі
| Пациенттің дене салмағы, кг-мен | Тәуліктік доза гр-мен | ||
| ең төмен | орташа | ең жоғары | |
| 10,0 | 1,0 | 1,5 | 2.0 |
| 15,0 | 1,5 | 2,25 | 3,0 |
| 20,0 | 2,0 | 3,0 | 4,0 |
| 25,0 | 2,5 | 3,75 | 5,0 |
| 30,0 | 3,0 | 4,5 | 6,0 |
| 40,0 | 4,0 | 6,0 | 8,0 |
| 50,0 | 5,0 | 7,5 | 10,0 |
| 60,0 | 6,0 | 9,0 | 12,0 |
Тағамдық аллергия жағдайында препаратты тамақ қабылдау алдында тікелей қолданады, Полисорб МП тәуліктік дозасын күні бойы үш рет қабылдауға бөледі.
Емдеу ұзақтығы диагнозына және ауру ауырлығына байланысты, жедел
уыттанулар кезінде емдеу курсы 3-5 күн, аллергиялық аурулар, созылмалы
уыттанулар кезінде емдеу ұзақтығы 10-14 күнге дейін. Қайталау курстары
дәрігердің ұсынысы бойынша 2-3 аптадан кейін.
Әр түрлі аурулар кезінде Полисорб МП қолдану ерекшеліктері.
Тағамдық уытты-жұкпа және жедел уланулар. Емдеуді бастауды 0,5-1%
жүзгінімен асқазанды шаю ұсынылады. Ауыр уланулар кезінде алғашқы тәулікте асқазанды шаю әрбір 4-6 сағат сайын зонд арқылы
жүргізіледі,соныменқатар препараттыішкеқабылдайды.Ересектерге
бір реттік доза күніне 2-3 рет науқастың дене салмағына 0,1-0,15 г/кг құрауы
мүмкін.
Жедел ішек жұқпалары. Емдеудің басқа тәсілдерімен кешенде аурудың алғашқы сағаттарында немесе тәулігінде емдей бастау ұсынылады. Алғашқы тәулігінде - тәуліктік доза 5 сағат ішінде қабылдау аралығы 1 сағаттан қабылданады. 2 тәулікте - тәуліктік доза 6 сағат аралығымен, тәулік ішінде 4 рет қабылданады. Емдеу ұзақтығы 3-5 күн.
Вирус гепатитін емдеу. Вирус гепатитін кешенді емдеуде Полисорб МП аурудың алғашқы 7-10 күндері ішінде әдеттегі дозада уытсыздандыратын дәрі ретінде қолданады.
Аллергиялық аурулар. Дәрілік немесе тағамдық генездегі жедел аллергиялық реакциялары кезінде 0,5-1% жүзгінімен асқазанды және ішекті алдын ала шаю ұсынылады. Содан кейін препаратты клиникалық әсер басталғанға дейін әдеттегі дозаларда береді. Созылмалы тағамдық аллергиялар кезінде препараттың 7-10-15 күндік курстары ұсынылады, препаратты тікелей тамақ алдында қабылдайды.
Ұқсаскурстар жедел қайталанатын есекжем және Квинке ісінуі, эозинофилия кезінде және поллиноздардың және басқа атопиялардың өршуі аясы қарсаңында көрсетілген.
Созылмалы бүйрек жеткіліксіздігі. 2-3 апта үзілісімен 25-30 күн ішінде дене салмағына 0,15-0,2 г/кг тәуліктік дозада емдеу курстарын қолданады.
Профилактика мақсатында.
Ересектерге. Ересектерге орташа тәуліктік дозасы дене салмағына 0,1-0,2 г/кг(6-12г).
Балаларға. Балаларға орташа тәуліктік дозасы дене салмағына қарай есептеледі (жоғарыдағы кестені қараңыз). Препаратты бір тәулік ішінде 3-4 рет қабылдайды. Қабылдау курсы 7-10 күн.
Жағымсыз әсерлері
Сирек
- аллергиялық реакциялар, диспепсия, іш қату
Ұзақ, 14 күннен астам қабылдаған кезде дәрумендердің, кальцийдің сіңірілуі бұзылуы мүмкін, осыған байланысты поливитаминді препараттарды, кальцийді профилактика мақсатында қабылдау ұсынылады.
Қолдануға болмайтын жағдайлар
Дәрілермен өзара әрекеттесуі
Ішке бір мезгілде қабылданатын дәрілердің емдеу әсерінің төмендеуі мүмкін.
Айрықша нұсқаулар
Полисорб МП «үстінен асыра» бір шай қасығы препараттың 1 г, «үстінен асыра» бір ас қасығы 2,5-3 г құрайды.
Жүктілік және лактация кезеңі
Жүктілік және лактация кезеңінде қолдану қауіпсіз деп есептеледі.
Дәрілік заттың көлік құралын немесе қауіптілігі зор механизмдерді басқару қабілетіне әсер ету ерекшеліктері
Көлік құралын немесе қауіптілігі зор механизмдерді басқару қабілетіне әсер етпейді.
Артық дозалануы
Артық дозалану жағдайлары анықталмаған.
Шығарылу түрі және қаптамасы
Ішке қабылдау үшін суспензияны дайындауға арналған ұнтақ.
3 г-дан заттаңбалық қағаздан немесе термоқабаты бар қолдануға рұқсат етілген басқа материалдардан жасалған бір рет қолданылатын пакеттерге салынған, пакеттер герметикалық термодәнекерленген.
10 бір реттік пакеттен қолданылуы жөніндегі мемлекеттік және орыс тілдеріндегі нұсқаулықпен бірге тұтынушылар ыдысына арналған картоннан жасалған қорапшаға салынған, бір реттік пакеттерді тікелей топтық қаптамаға салуға болады, мемлекеттік және орыс тілдеріндегі медициналық қолдану жөніндегі нұсқаулықтар пакеттердің санына сәйкес салынады. Бір реттік пакеттерде заттаңба мәтіні тікелей біріншілік қаптамаға жазылады.
12/ 25/ 50 г-ден алғашқы ашылуы бақыланатын, ұқсас материалдан жасалған қақпақтармен жабылған,полистирол, немесе полиэтиленнен, немесе полиэтилентерефталаттан жасалған (ПЭТФ) банкілерге салынған. Денсаулық сақтау министрлігімен рұқсат етілген материалдардың басқа түрлерін және маркаларын қолдануға болады. Банкаға заттаңбалық немесе жазатынқағаздан жасалған заттаңба жапсырылады немесе өздігінен жабысатын заттаңба немесе тек бір бөлігі ғана оны көтеруге мүмкіндік беретін арнайы жабысқақ лента арқылы банкаға бекітілетін күрделі заттаңба жапсырылады. Банкалар тұтынушылық ыдыстарға арналған картоннан жасалған қорапшаларға салынады. Мемлекеттік және орыс тілдеріндегі медициналық қолданылуы бойынша нұсқаулықтар қорапшаларға салынады немесе бүктелген бет түрінде күрделі жапсырманың қозғалмалы бөлігінің астына орналастырылады, немесе күрделі жапсырманың ішкі бөлігінде көрсетіледі. Немесе банкалар жылу ұстайтын үлбірмен қапталады, мемлекеттік және орыс тілдеріндегі медициналық қолдану бойынша нұсқаулықтар банкалардың санына сәйкес салынады немесе бүктелген бет түрінде күрделі жапсырманың қозғалмалы бөлігінің астына орналастырылады, немесе күрделі жапсырманың ішкі бөлігінде көрсетіледі.
Сақтау шарттары
Құрғақ жерде, 25° С-ден аспайтын температурада сақтау керек.
Қаптаманы ашқаннан кейін тығыз жабылатын сыйымдылықта сақтау керек. Балалардың қолы жетпейтін жерде сақтау керек!
Сақтау мерзімі
5 жыл.
Жарамдылық мерзімі өткеннен кейін пайдалануға болмайды.
Дәріханалардан босатылу шарттары
Рецептісіз
Өндіруші
«Полисорб» АҚ, Ресей, 456652, Челябинск облысы, Копейск қ-сы, Томск к-сі, 14-үй,тел. (351) 278-19-89, тел/факс (351)778-51-26
Тіркеу куәлігінің иесі
«Полисорб» АҚ, Ресей Федерациясы
Қазақстан Республикасы аумағында тұтынушылардан өнім сапасы жөнінде шағымдарды қабылдайтын, дәрілік заттың қауіпсіздігін тіркеуден кейінгі бақылауға жауапты ұйымның мекенжайы:
«Нестеренко А.Е.» ЖК, Қазақстан Республикасы, 050000, Алматы қ-сы, Мұқанов к-сі, 104 үй, тел.: +7 7273271602, +7 7077862629, +7 7058887587, факс +7 72796659, e-mail: pharm_vigilance@mail.ru., ip_n_nesterenko@list.ru.