Октра р-р д/и 0,1мг/мл №5 амп

Сипаттама

Дәрілік затты медициналық қолдану

жөніндегі нұсқаулық

ОКТРА®

Саудалық атауы

ОКТРА®

Халықаралық патенттелмеген атауы

Октреотид

Дәрілік түрі

Инъекцияға арналған ерітінді 0,1 мг/мл, 1 мл

Құрамы

1 мл ерітіндінің құрамында

белсенді зат: 100 % затқа шаққанда 0,1 мг октреотид ацетаты,

қосымша заттар: маннит (Е 421), натрий гидрокарбонаты, сүт қышқылы, инъекцияға арналған су.

Сипаттамасы

Мөлдір түссіз ерітінді

Фармакотерапиялық тобы

Жыныс гормондары және инсулинді қоспағанда, жүйелі қолдануға арналған гормондық препараттар. Гипоталамус, гипофиз гормондары және олардың аналогтары. Гипоталамус гормондары. Соматостатин және аналогтары. Октреотид.

АТХ коды Н01С В02.

Фармакологиялық қасиеттері

Фармакокинетикасы

Тері астына енгізгеннен кейін октреотид жылдам және түгелдей сіңеді. Плазмада препарат ең жоғары концентрациясына 30 минут шегінде жетеді. Плазма ақуыздарымен байланысуы 65%-ды құрайды. Қан жасушаларымен октреотидтың байланысуы өте болмашы. Таралу көлемі – 0,27 л/кг. Жалпы клиренсі минутына 160 мл құрайды. Препараттың теріасты инъекциясынан кейінгі жартылай шығарылу кезеңі – 100 минут. Венаішілік енгізгеннен кейін, препараттың шығарылуы 10 және 90 минут сәйкесінше, жартылай шығарылу кезеңдерімен екі фазада жүзеге асырылады. Енгізілген пептид дозасының басым бөлігі нәжіспен шығарылады, шамамен 32%-ы өзгермеген түрде несеппен шығарылады. Бүйрек функциясының бұзылуы тері астына енгізілген октреотидтің жалпы экспозициясына ("концентрация-уақыт" қисығы астындағы ауданына) әсер етпейді. Элиминацияға қабілеті бауыр циррозымен науқастардың 30%-ында төмен болуы мүмкін, дегенмен бұл бауыр стеатозымен пациенттерге қатысты емес.

Фармакодинамикасы

Октра® – синтетикалық октапептид, ол табиғи соматостатин гормонының туындысы болып табылады және осындай фармакологиялық әсерлерге ие, бірақ әсер ету ұзақтығы едәуір көп болады. Препарат өсу гормонының (ӨГ) патологиялық жоғары секрециясын, сондай-ақ гастро-энтеро-панкреатиттік эндокриндік жүйеде өндірілетін пептидтер мен серотонинді бәсеңдетеді.

Жануарларда октреотид өсу гормоны мен глюкагонді әлсіретуге қатысты, үлкен селективтілігімен соматостатинге қарағанда, өсу гормонын, глюкагон мен инсулинді неғұрлым жоғары шығару тежегіші болып табылады.

Дені сау тұлғаларда октреотид аргининмен, дене жүктемесімен және инсулинді гипогликемиямен стимуляцияланатын өсу гормоны секрециясын; инсулин, глюкагон, гастрин және ас ішумен стимуляцияланатын гастро-энтеро-панкреатиттік эндокриндік жүйенің басқа да пептидтері секрециясын, сондай-ақ аргининмен стимуляцияланатын инсулин мен глюкагон секрециясын; тиреолиберинмен туындайтын тиреотропин секрециясын бәсеңдетеді.

Соматостатиннен айырмашылығы, октреотид инсулинге қарағанда, өсу гормонын көбірек бәсеңдетеді, оны енгізу гормондардың рикошеттік гиперсекрециясымен (яғни акромегалиямен науқастарда өсу гормонымен) қатар жүрмейді.

Акромегалиямен науқастарда октреотид қан плазмасында ӨГ концентрациясын және инсулинге ұқсас өсу факторы-1 (ИӨФ-1) төмендетеді. ӨГ 50%-ға және одан да артық әлсіреуі науқастарды 90%-ында байқалады; қан плазмасында ӨГ деңгейінің кемінде 5 нг/мл төмендеуі шамамен науқастардың жартысында қол жеткізіледі. Акромегалиямен науқастардың көпшілігінде октреотид мынадай симптомдардың, мысалы бас ауыруы, гипергидроз, шаршағыштық, буындардың ауыруы, парестезия және білезік арнасы синдромы білінуін айтарлықтай төмендетеді. ӨГ секрецияланатын гипофиз аденомаларымен науқастарда октреотидпен емдеу ісік мөлшері кішіреюіне әкелуі мүмкін.

Асқазан-ішек жолы және ұйқыбез функционалдық эндокриндік ісіктерімен науқастарда октреотид оның әртүрлі эндокриндік әсерлерінің салдарынан аурудың клиникалық белгілерінің бірқатарына әсер етеді. Клиникалық және симптоматикалық жақсару хирургиялық емдеу әдістерін, бауыр артериялары эмболизациясын және әртүрлі химиятерапияны, мысалы стрептозотоцин мен 5-фторурацилді қолдануды қамтуы мүмкін бұрын қабылдаған еміне қарамастан, ісіктермен байланысты симптомдары әлі де бар пациенттерде байқалады.

Карциноидтық ісіктер кезінде октреотидты қолдану мынадай симптомдар, қан кернеу сезімі және диарея білінуінің төмендеуіне әкелуі мүмкін, бұл көптеген жағдайларда қан плазмасында серотонин концентрациясының және несепте 5-гидроксииндолсірке қышқылы экскрециясының төмендеуімен қатар жүреді.

Вазоактивті интестинальдік пептидтің (ВИП) аса жоғары өндірілуімен сипатталатын ісіктер кезінде октреотидті қолдану науқастардың көпшілігінде осы жағдайға тән ауыр секреторлық диареяның төмендеуіне әкеледі, бұл өз кезегінде науқастың өмір сүру сапасын жақсартады. Электролиттік баланстың ілесе жүретін бұзылыстарының, мысалы гипокалиемияның төмендеуі бірмезгілде жүреді, бұл сұйықтықты және электролитті энтеральдік және парентеральдік енгізуді болдырмауға мүмкіндік береді. Кейбір науқастарда ісіктің өсуі баяулауы немесе тоқтауы, тіпті оның мөлшерінің, әсіресе бауырда метастазаларлардың кішіреюі байқалады. Клиникалық жақсару әдетте қан плазмасында вазоактивті интестинальдік пептид концентрациясының (тіпті нормасына дейін) төмендеуімен қатар жүреді.

Глюкагономалар кезінде октреотидті қолдану көптеген жағдайларда осы жағдайға тән болып табылатын некрозданатын көшпелі бөртпелердің елеулі азаюына әкеледі. Октреотид глюкагономалар кезінде жиі байқалатын жеңіл дәрежелі қант диабетіне қандай да бір елеулі әсер етпейді және әдетте инсулинге немесе пероральді қантты төмендететін препараттарға қажеттілікті төмендетуге әкелмейді. Диареямен зардап шегетін науқастарда октреотид оның азаюына ықпал етеді, бұл дене массасының артуымен ілесе жүреді. Октреотидті қолдану кезінде плазмада глюкагон концентрациясының жылдам төмендеуі жиі байқалады, алайда ұзақ емделу кезінде бұл нәтиже сақталмайды. Сонымен қатар симптоматикалық жақсару ұзақ уақыт бойы тұрақты сақталады.

Золлингер-Эллисон синдромы / гастриномалар кезінде монотерапия ретінде немесе протон сорғысы тежегіштерімен немесе Н2-рецепторлары антагонистерімен біріктірімде қолданылатын октреотид асқазанда қышқыл секрециясын төмендетуі және клиникалық, соның ішінде диареяға қатысты жақсаруына әкелуі мүмкін. Кейбір жағдайларда қан плазмасында гастрин концентрациясы төмендеуі байқалды.

Инсулиномалармен науқастарда октреотид қанда иммунореактивтік инсулин деңгейін азайтады. Бұл нәтиже алайда, қысқа уақыт - шамамен 2 сағат болуы мүмкін. Операция жасауға болатын ісіктермен науқастарда октреотид операция алдындағы кезеңде нормогликемияны қалпына келтіруді және демеуді қамтамасыз етуі мүмкін. Операцияға жарамсыз қатерсіз және қатерлі ісіктермен науқастарда гликемияны бақылау қанда инсулин деңгейін бірмезгілде ұзақ уақыт төмендетпей де жақсаруы мүмкін.

Өсу гормоны рилизинг-факторы аса жоғары дәрежеде өндірілетін ісіктермен (соматолибериномалармен) науқастарда октреотид акромегалия симптомдары білінуін азайтады. Бұл өсу гормоны рилизинг-факторы секрециясын және өсу гормонының өзін де әлсіретумен байланысты. Бұдан әрі гипофиздік гипертрофия төмендеуі мүмкін.

Рефрактерлік диарея кезінде жүре пайда болған иммунтапшылығы синдромымен (ЖИТС) пациенттерде октреотидті қолдану, микробқа қарсы және/немесе диареяға қарсы дәрілермен барабар еммен бақыланбайтын, диареямен зардап шегетін науқастардың шамамен 1/3 -інде толық немесе ішінара қалпына келуіне әкеледі.

Ұйқыбезіне операция жасалатын науқастарға октреотидті қолдану операция кезінде және одан кейін дағдылы операциядан кейінгі асқынулардың (мысалы панкреатиттік фистулалар, абсцестер, сепсис, операциядан кейінгі жедел панкреатит) жиілігін азайтады.

Бауыр циррозымен науқастарға өңештің және асқазанның варикоздық кеңейген веналарынан қан кету кезінде спецификалық еммен (мысалы склероздайтын терапиямен) біріктірімде октреотидті қолдану қан кетуді неғұрлым тиімді тоқтатуға және ерте қайта қан кетуді алдын алуға, трансфузиялар көлемін азайтуға және бес күндік тірі қалуды жақсартуға әкелді. Октреотидтің әсер ету механизмі дәл белгіленбесе де, бұл препарат мынадай вазоактивтік гормондарды, мысалы ВИП және глюкагонды әлсірету жолымен ағзалық қан кетуді азайтады деп есептелінеді.

Қолданылуы

• Акромегалия – негізгі ауру көріністерін бақылауға және хирургиялық емнен және сәулемен емнен жеткілікті әсер болмаған жағдайларда қан плазмасында ӨГ мен ИӨФ-1 деңгейлерін төмендетуге арналған. Октра® операциядан бас тартқан немесе немесе оған қарсы көсетілімдері бар, акромегалиямен науқастарды емдеуге, сондай-ақ әсері толығымен дамығанға дейін, сәулемен ем курстары арасындағы аралықтарда қысқа мерзімдік емдеуге арналған.

• Асқазан-ішек жолы (АІЖ) және ұйқыбезі эндокриндік ісіктермен байланысты симптомдарды жеңілдету:

 карциноидты синдром болуымен карциноидты ісіктер;

 ВИП-омалар (вазоактивті интестинальдік пептидті аса жоғары өндіруді сипаттайтын ісіктер);

 глюкагономалар;

 Золлингер-Эллисон синдромы/гастриномалар – әдетте гистаминдік Н2-рецепторлары антагонистерімен немесе протонды сорғы тежегіштерімен біріктірімде;

 инсулиномалар (операция алдындағы кезеңде, сондай-ақ демеуші ем үшін гипогликемияны бақылауға арналған);

 соматолибериномалар (өсу гормоны рилизинг-факторын аса жоғары өндірілуін сипаттайтын ісіктер).

Октра® ісікке қарсы препарат болып табылмайды және оны қолдану осы санаттағы науқастардың емделіп жазылып кетуіне әкелуі мүмкін емес.

• Ұйқы безіне жасалған операциядан кейінгі асқынулардың профилактикаласы.

• Бауыр циррозымен науқастарда өңештің варикоздық кеңейген веналарынан қан кетулерді тоқтату және олардың қайталанауын профилактикалау (спецификалық емдеу шараларымен, мысалы эндоскопиялық склероздық терапиямен біріктірімде).

Қолдану тәсілі және дозалары

Октраны® венаішілік енгізу үшін кемінде 1:1 және көп дегенде 1:9 көлемдік арақатынасында физиологиялық ерітіндімен сұйылту керек. Октраны® глюкоза ерітіндісімен сұйылту ұсынылмайды.

Акромегалия кезінде әуелі препаратты 0,05-0,1 мг бойынша тері астына әрбір 8 немесе 12 сағат сайын енгізу керек. Бұдан әрі дозаны таңдау ӨГ және ИӨФ-1 концентрациясын ай сайынғы анықтауларына, клиникалық симптомдарын талдауға және препаратты көтерімділігіне негізделуі тиіс (гормондардың мақсатты концентрациялары мыналарды құрайды: ӨГ - 2,5 нг/мл-нан кем, ИӨФ-1 - норма шегінде). Пациенттердің көпшілігі үшін оңтайлы тәуліктік дозасы 0,3 мг құрайды. Ең жоғары тәуліктік дозасы 1,5 мг құрайды, одан асыруға болмайды. Октраның® тұрақты дозасын қабылдайтын пациенттерде ӨГ концентрациясын анықтау әрбір 6 ай сайын жүргізілуі тиіс.

Егер Октрамен® емдеген 3 ай ішінде ӨГ деңгейін жеткілікті төмендету және аурудың клиникалық көріністерінің жақсарғаны байқалмаса, емді тоқтату керек.

АІЖ және ұйқыбезі эндокриндік ісіктері кезінде препаратты тері астына бастапқы 0,05 мг дозада тәулігіне 1-2 рет енгізу керек. Одан кейін қол жеткізілген клиникалық әсерге, сондай-ақ ісікпен өндірілетін гормондар деңгейлеріне әсеріне байланысты (карциноидтық ісіктер жағдайында - 5 гидроксииндолсірке қышқылының несеппен шығарылуына), препарат дозасын тәулігіне 3 рет 0,1-0,2 мг-ға дейін бірте-бірте ұлғайтуға болады. Ерекше жағдайларда неғұрлым жоғары дозалар қажет болуы мүмкін.

Препараттың демеуші дозаларын жекелей таңдау керек.

Егер бір аптаның ішінде Октрамен® карциноидтық ісіктерді емдеу жақсаруына әкелмесе, одан әрі емдеу ұсынылмайды.

Тері астына енгізу тәсілі ұсынылады, дегенмен жылдам клиникалық әсер талап етілген жағдайларда, мысалы карциноидтық криздерде, Октраның® бастапқы ұсынылған дозасын, оны сұйылтқаннан кейін болюстік енгізуді және жүрек ритмі мониторингісін пайдаланып, венаішілік енгізуге болады.

Ұйқыбезіне жасалған операциялардан кейінгі асқынуларды профилактикасы үшін препаратты операция жасалған күннен бастап (лапаротомияға дейін кемінде 1 сағат бұрын) одан кейінгі 7 күн бойы тәулігіне 3 рет 0.1 мг-нан тері астына енгізу керек.

Өңештің варикоздық кеңейген веналарынан қан кету кезінде препаратты сағатына 25 мкг дозада 5 күн бойы үздіксіз венаішілік инфузиялау жолымен енгізу керек. Октраны® натрий хлоридінің 0,9 % ерітіндісімен сұйылтуға болады.

Циррозбен және асқазан мен өңештің варикоздық кеңейген веналарынан қан кетулермен пациенттерде 5 күн бойы үздіксіз венаішілік инфузиялау түрінде сағатына 50 мкг-ге дейін препараттың тұрақты дозасын қабылдаған кезде Октраның® жақсы әсер етуі байқалды.

Бүйрек функциясының бұзылуымен пациенттерге қолдану

Бүйрек функциясының бұзылуы теріастылық инъекция жолымен енгізілген октреотидтің жалпы экспозициясына ("препарат концентрациясының уақытқа тәуелділігі" (AUC) қисығы астындағы ауданына) әсер етпейді. Осылайша, Октра® дозасын түзету талап етілмейді.

Бауыр функциясының бұзылуымен пациенттерге қолдану

Бауыр циррозымен пациенттерде препараттың жартылай шығарылу кезеңі ұлғаюы мүмкін, бұл демейтін дозаны түзетуді талап етеді.

Егде жастағы адамдарға қолдану

Октрамен® ем қабылдайтын егде жастағы пациенттерде көтерімділігінің төмендеуі немесе дозаны түзету қажеттігі бар дәлелдемелер жоқ.

Жағымсыз әсерлері

Октреотидпен емдеу кезінде неғұрлым жиі жағымсыз реакцияларға асқазан-ішек жолы, жүйке жүйесі, бауыр, өт қалтасы, метаболизм және трофика тарапынан бұзылыстар жатады.

Октреотидке клиникалық зерттеулер жүргізу кезінде мынадай жағымсыз реакциялар жиі хабарланды: диарея, іштің ауыруы, жүрек айну, метеоризм, бас ауыруы, холелитиаз, гипергликемия және іш қату. Мынадай басқа да жағымсыз реакциялар жиі хабарланды: бас айналуы, жергілікті ауыру, өт конкременттері, қалқанша без дисфункциясы (мысалы, тиреостимуляцияланатын гормонның төмендеген деңгейі, жалпы T4 деңгейінің төмендеуі және бос T4 деңгейінің төмендеуі) сұйық нәжіс, глюкозаны көтерімділігінің бұзылуы, құсу, астения және гипогликемия.

Төменде көрсетілген жағымсыз реакциялар туралы ақпарат октреотидке клиникалық сынаулар жүргізу кезінде алынды.

Асқазан-ішек жолы тарапынан: диарея, іштің ауыруы, жүрек айну, іш қату, метеоризм, диспепсия, құсу, іштің кебуі, стеаторея, сұйық нәжістер, нәжіс массасының түссізденуі.

Гепатобилиарлық жүйе тарапынан: холелитиаз, холецистит, өт конкременттері, гипербилирубинемия.

Жүйке жүйесі тарапынан: бас ауыруы, бас айналу.

Эндокриндік жүйе тарапынан: гипотиреоз, қалқанша без дисфункциясы (мысалы тиреостимуляцияланатын гормонның төмендеген деңгейі, жалпы T4 деңгейінің төмендеуі және бос T4 деңгейінің төмендеуі).

Метаболизм және тамақтану тарапынан: гипергликемия, гипогликемия, глюкозаны көтерімділігінің бұзылуы, анорексия, дегидратация.

Жалпы бұзылыстар және енгізу орнындағы бұзылыстар: инъекция орнының ауыруы, астения.

Зертханалық зерттеулер: трансаминазалар деңгейлерінің жоғарылауы.

Тері және теріасты шелмайы тарапынан: қышыма, бөртпе, алопеция.

Тыныс жүйесі тарапынан: диспноэ.

Жүрек-тамыр жүйесі тарапынан: брадикардия, тахикардия.

Маркетингтен кейінгі кезеңде хабарланған октреотидке жағымсыз реакциялар

Иммунды жүйе тарапынан: анафилаксия, аллергия/аса жоғары сезімталдық реакциялары.

Тері және теріасты шелмайы тарапынан: есекжем.

Гепатобилиарлық жүйе тарапынан: жедел панкреатит, холестазсыз жедел гепатит, холестаздық гепатит, холестаз, сары ауру, холестаздық сары ауру.

Жүрек-тамыр жүйесі тарапынан: аритмия.

Зертханалық көрсеткіштердің бұзылуы: сілтілі фосфатаза деңгейінің жоғарылауы, гаммаглутамилтрансфераза деңгейінің жоғарылауы.

Жекелеген жағымсыз реакцияларды сипаттау

Асқазан-ішек жолы тарапынан бұзылыстар

Жекелеген жағдайларда асқазан-ішек жолы тарапынан жағымсыз реакциялар ішектің жедел бітелуіне ұқсауы мүмкін - іш кебуінің өршуі, эпигастральді аймақтың айқын ауыруы, іштің ауыруы және бұлшықеттік "кернеу".

Препаратпен емдеуді жалғастырған кезде асқазан-ішек жолы тарапынан жағымсыз реакциялардың жиілігі азаятыны белгілі.

Егер октреотидті тері астына енгізерге дейін немесе одан кейін ас қабылдамаса, асқазан-ішек жолы тарапынан жағымсыз әсерлерді азайтуға болады, ас ішу арасында немесе ұйықтар алдында препаратты енгізу ұсынылады.

Жергілікті реакциялар

Тері асты инъекцияның орнындағы ауыру немесе шаншу сезімі, қышыну немесе қызарумен және ісінумен ашыту сезімі сирек 15 минуттан көбірек созылады. Жергілікті жайсыздық инъекция алдында ерітіндіні бөлме температурасына дейін жеткізу немесе егер барынша концентрацияланған ерітіндінің аз көлемін енгізу есебінен төмендеуі мүмкін.

Метаболизм және тамақтану бұзылуы

Нәжіспен май шығарылуы ұлғаюы мүмкін, бірақ октреотидпен ұзақ емдеу сіңу бұзылыстары (мальабсорбция) салдарынан трофика тапшылығы дамуына әкелуі мүмкін екендігі туралы деректер жоқ.

Ұйқыбезі тарапынан бұзылыстар

Жедел панкреатит дамуы туралы өте сирек хабарланды.

Бұл құбылыс әдетте октреотидті тері астына енгізген алғашқы сағаттарда немесе күндері байқалады және препаратты тоқтатқаннан кейін жоғалады. Бұдан басқа, октреотидті тері астына ұзақ қабылдаған науқастарда өт тасы ауруына негізделген панкреатит дамуы мүмкін.

Өт қалтасында өт конкременттері пайда болған, акромегалиямен пациенттерде препаратты кенет тоқтатқаннан кейін жекелеген өтқалта шаншу жағдайлары байқалды.

Жүрек-қан тамыры жүйесі тарапынан бұзылыстар

Акромегалиямен және карциноидты синдроммен пациенттерде ЭКГ-де мынадай өзгерістер, мысалы QT аралығының ұзаруы, осьтің жылжуы, ерте реполяризация, төмен вольтаж, R/S ауысуы, R тісшесінің ерте үлкеюі, ST-T аралығының спецификалық емес өзгерістері байқалды.

Осы жағдайлар мен октреотид ацетатының арасында өзара байланыс анықталмады, себебі осы пациенттердің көпшілігінде негізгі кардиологиялық аурулары бар ("Айрықша нұсқаулар" бөлімін қараңыз).

Қолдануға болмайтын жағдайлар

- октреотидке немесе препараттың басқа компоненттеріне белгілі жоғары сезімталдық

Дәрілермен өзара әрекеттесуі

Дәрілік препараттарды, мысалы бета-адреноблокаторлар, кальций өзекшелері блокаторларын немесе октреотидті бірмезгілде қолдану кезінде сұйықтық пен электролиттік теңгерімді бақылауға арналған препараттар дозасын түзету қажет болуы мүмкін.

Октреотидті бірмезгілде қолданған кезде инсулин және қантты төмендететін дәрілік заттар дозасын түзету қажет болуы мүмкін.

Октреотид ішекте циклоспориннің сіңуін төмендететіні және циметидиннің сіңуін баяулататыны анықталды.

Октреотид пен бромокриптинді бірмезгілде енгізу бромокриптиннің биожетімділігін ұлғайтады.

Шектелген жарияланған деректер куәландырғандай, соматостатиннің аналогтары Р450 цитохромы ферменттерінің қатысуымен метаболизденетін заттардың метаболизмдік клиренсін төмендетуі, бұл ӨГ секрециясын әлсіретуге негізделуі мүмкін. Октреотидте мұндай әсердің болуын жоққа шығармағандықтан, ең алдымен CYP 3A4 қатысуымен, сондай-ақ шағын терапиялық индексімен (мысалы хинидин, терфенадин) метаболизденетін басқа да препараттарды сақтықпен қолдану керек.

Айрықша нұсқаулар

Тері астына енгізу

Препаратты тері асты инъекциясы жолымен өздері енгізетін пациенттерге дәрігердің немесе медбикелердің нақты нұсқауларын алу қажет.

Енгізу орнында жайсыздықты төмендету үшін, инъекция алдында ерітіндіні бөлме температурасына дейін жеткізу ұсынылады. Қысқа уақыт аралығында сол жерде қайтадан инъекцияларды енгізуді болдырмау қажет.

Ампулаларды енгізер алдында ғана ашу керек, препараттың қалдықтарын утилизациялау керек.

Венаішілік инфузиялар

Сұйылтылған ерітінді 24 сағатқа дейін 25 °С-ден аспайтын температурада физикалық және химиялық тұрақты болып қалады.

Жалпы

Себебі кейде ӨГ секрециялайтын гипофиз ісіктері күрделі асқынуларды (мысалы, көру өрістерінің тарылуын) туындатып, ұлғаюы мүмкін, мұндай жағдайда барлық пациенттер жағдайының мұқият мониторингісінің маңызы зор болып табылады. Ісік мөлшерінің ұлғаю белгілері байқалған жағдайда, балама емдеу түрлерін қолдану қажеттілігі қарастырылуы тиіс.

Акромегалиямен әйелдерде ӨГ деңгейінің төмендеуі және ИӨФ-1 концентрациясының қалпына келуінің емдік әсері, фертильділігін әлеуетті қалпына келтіруі мүмкін.

Репродуктивті жастағы әйелдерге октреотидпен емдеу кезінде контрацепцияның барабар әдістерін қолдануды ұсынған жөн (сондай-ақ "Жүктілік кезеңінде және лактация кезінде қолдану" бөлімін қараңыз). Октреотидпен ұзақ ем қабылдайтын пациенттерде қалқанша без (ТТГ және қалқанша бездің гормондары) функциясын бақылау керек.

Октреотидпен емдеу барысында бауыр функциясын бақылау керек.

Жүрек-тамыр жүйесіне байланысты жағдайлар

Брадикардия жағдайлары туралы жиі хабарланды. Мынадай препараттардың, мысалы бета-блокаторлар, кальций өзекшелері блокаторлары, сұйықтық теңгерімін немесе электролиттік теңгерімді бақылайтын препараттар дозасын түзету қажет болуы мүмкін.

Өт қалтасына байланысты жағдайлар

Октра® холецистокинин секрециясын басады, нәтижесінде өт қалтасы жиырылғыштығының төмендеуі жүреді және сладж-синдромы даму және тас түзілу қаупі жоғарылайды. Октреотид қабылдайтын пациенттердің 15-30 %-ында өт қалтасында тастар түзілуі байқалады. Тұтастай алғанда, тұрғындардың 5-20 %-ында тастар түзілуі тіркеледі. Осыған байланысты Октрамен® емдей бастар алдында және Октрамен® емдеу кезеңінде шамамен әрбір 6-12 ай сайын өт қалтасын ультрадыбыстық тексеру ұсынылады. Октреотидпен ем қабылдаған пациенттерде өт тастарының түзілуі көптеген жағдайларда симптомдардың білінуімен бірге жүрмеді; клиникалық көріністері кезінде өт қалтасы ауруын өт қышқылдары препараттарымен немесе операциялық аралысым жолымен емдеу керек.

АІЖ және ұйқыбезі эндокриндік ісіктері

АІЖ және ұйқыбезі эндокриндік ісіктерін емдеу кезінде, Октра® тарапынан симптоматикалық бақылауды кенеттен жоғалту анда-санда болуы мүмкін, бұл ауыр симптомдарды жылдам қайтарумен бірге жүреді. Препаратты бұдан әрі қабылдаудан бас тартқан кезде симптомдары нашарлауы немесе қайталануы мүмкін.

Глюкоза метаболизмі

Өсу гормонына, глюкагон мен инсулинге тежегіш әсерін ескере, Октра® глюкоза деңгейінің регуляциясын бұзуы мүмкін. Ас ішкеннен кейін глюкозаны көтерімділігі бұзылуы мүмкін және кейбір жағдайларда препаратты ұзақ уақыт енгізу нәтижесінде персистирленген гипергликемия туындауы мүмкін. Сондай-ақ гипогликемия да байқалуы мүмкін. Инсулиномаларымен пациенттерде октреотидті қабылдаған кезде, инсулинмен салыстырғанда, оның ӨГ мен глюкагон секрециясын күшті салыстырмалы басу қабілеті салдарынан, сондай-ақ инсулинге оның тежегіш әрекетінің қысқаша ұзақтығы нәтижесінде, гипогликемия қарқындылығы жоғарылауы мен ұзақтығы ұзаруы мүмкін. Бұл пациенттер Октрамен® емдеу кезінде және әрбір дозалау ауысымында мұқият бақылауда болуы тиіс. Қандағы глюкоза концентрациясының айқын ауытқулары Октраны® шағын дозаларда неғұрлым жиі енгізу арқасында төмендетілуі мүмкін.

1-типті қант диабетімен пациенттердің инсулинге немесе пероральді гипогликемиялық заттарға тәуелділігі Октраны® енгізу жолымен төмендетілуі мүмкін.

Инсулиннің ішінара интактылы резервімен 2-типті қант диабетінсіз немесе диабетімен пациенттерде Октраны® енгізу ас ішкеннен кейін гликемияның жоғарылауына әкелуі мүмкін. Глюкоза мен антидиабеттік емге төзімділігін мұқият бақылау ұсынылады.

Өңештің варикоздық кеңейген веналарынан қан кетулері

Өңештің варикоздық кеңейген веналарынан қан кетулері инсулинге тәуелді қант диабеті даму қаупін арттырады және қант диабетімен пациенттерде инсулинге қажеттілікті өзгертуі мүмкін, қандағы глюкозаның концентрациясын тиісті бақылау міндетті болып табылады.

Жергілікті реакциялар

Егеуқұйрықтарда, көбінесе еркектерінде уыттылығын 52-апталық зерттеуде ең жоғары дозада ғана тері асты инъекциясы орнында саркомалар байқалды (дене беткейінің ауданына сәйкес адам үшін ең жоғары дозадан шамамен 8 есе жоғары). Иттерде гиперпластикалық немесе неопластикалық зақымданулардың уыттылығын 52-апталық зерттеуде тері асты инъекциясы орнында байқалмады. 15 жылға дейінгі кезең ішінде октреотидпен емделген пациенттерде инъекция орнында ісіктердің туындауы туралы хабарламалар жоқ. Қазіргі уақытта барлық қолда бар ақпарат куәландырғандай, егеуқұйрықтарға жасалған зерттеу нәтижелері түріне қарай арнамалылық болып табылады және адамға препаратты қолдану үшін мәні жоқ.

Тамақтану

Октреотид кейбір науқастарда емдәмдік майлардың сіңуін бұзуы мүмкін.

Октреотидпен емделген кейбір пациентерде В12 дәрумені деңгейінің төмендеуі және Шиллинг тестісінің қалыптан тыс нәтижелері байқалды.

Анамнезінде В12 дәруменінің авитаминозымен пациенттерде Октрамен® емдеу кезінде осы дәруменнің деңгейі бақылануы тиіс.

Дәрілік заттың құрамында натрийдің 1 ммольге дейін/дозасы бар, яғни натрийден іс жүзінде бос.

Педиатрияда қолдану

Клиникалық тәжірибе болмағандықтан, балаларға Октра® препаратын қолдануға болмайды.

Жүктілік кезеңінде және лактация кезінде қолдану

Жүктілік

Жүкті әйелдерді октреотидпен емдеу туралы деректердің шектеулі саны бар (300 нәтижеден кем), алайда жағдайлардың шамамен үштен бірінде жүктілік нәтижелері белгісіз. Есеп берулердің көпшілігі октреотидті маркетингтен соң қолданғаннан кейін алынды және акромегалиямен пациент әйелдердің арасында жүкті әйелдердің бөлігі 50 %-дан астамын құрады. Әйелдердің көпшілігі октреотидті жүктіліктің 1-триместрі кезінде тәулігіне 100-1200 микрограмм дозаларда қабылдаған. Белгісіз нәтижемен жүктіліктің шамамен 4 %-ында баланың туа біткен аурулар туралы хабарланған. Бұл жағдайларда октреотидті қабылдаумен ешқандай байланыс анықталмады.

Жануарларға жүргізілген зерттеуде репродуктивті жүйеге қатысты тікелей немесе жанама зиянды әсерлері анықталмады.

Жүктілік кезеңінде Октраны® тағайындаудан мүмкіндігінше аулақ болған жөн.

Лактация

Октрамен® емдеу кезеңінде емшек емізуге тыйым салынады. Октреотид адамның ана сүтіне ене ме, белгісіз. Жануарларға зерттеулерде емшек сүтінде октреотидтің экскрециясы байқалды.

Фертильділігі

Октреотид адам фертильділігіне әсер ете ме, белгісіз. Пациент әйелдер жүктілік немесе емшек емізу кезеңінде препаратты қолданған жағдайда еркек жынысты нәрестелерде жұмыртқаларының қалтасына түсуінің кідірісі байқалды. Бірақ эксперименттік зерттеулерде октреотид дене массасына қарай тәулігіне 1 мг-ге дейін/кг дозада еркек және ұрғашы егеуқұйрықтарды фертильділігіне әсер етпеді.

Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Октра® көлік құралын және механизмдерді басқару қабілетіне әсер етпейді немесе болмашы әсері болады. Егер пациенттер Октрамен® емделу кезінде бас айналуын, астения/шаршағыштықты немесе бас ауруын сезінсе, онда оларға автомобильді басқару немесе басқа механизмдермен жұмыс кезінде сақтық таныту ұсынылуы керек.

Артық дозалануы

Ересектер мен балаларда октреотидтің кездейсоқ артық дозалануының шектеулі саны туралы белгілі. Ересектерде дозалар, үздіксіз инфузиялау (сағатына 100-250 микрограмм) жолымен немесе тері астына (тәулігіне үш рет 1500 микрограмм) енгізген кезде, тәулігіне 2400-6000 микрограмм диапазонында болды. Мынадай жағымсыз әсерлер туралы хабарланды: аритмия, гипотензия, жүрек тоқтауы, ми гипоксиясы, панкреатит, гепатиттік стеатоз, диарея, әлсіздік, ұйқышылдық, дене массасын жоғалту, гепатомегалия және сүт ацидозы.

Балаларға арналған дозалар тәулігіне 50-3000 микрограмм құрады және үздіксіз инфузиялау жолымен (сағатына 2,1-500 микрограмм) немесе тері астына (50-100 микрограмм) енгізілді. Жалғыз жағымсыз жағдай жеңіл гипергликемия болды.

Октреотидті тәулігіне 3000-30000 микрограмм дозада тері астына бөлінген дозалар түрінде қабылдаған, обырмен ауыратын науқастарда күтпеген жағымсыз жағдайлар байқалған жоқ.

Емі: симптоматикалық.

Шығарылу түрі мен қаптамасы

1 мл препараттан сындыру сақинасымен немесе сындыру нүктесі бар шыны ампулаларға құйылған.

Ампулаларға өзі желімделінетін заттаңбалар жапсырылған.

5 ампуладан медицинада қолданылуы жөніндегі мемлекеттік және орыс тілдеріндегі нұсқаулықпен бірге гофрленген қосымшасымен картон қорапшаға салынған.

Немесе 5 ампуладан полимерлік үлбірден жасалған пішінді ұяшықты қаптамаға салынған. Ампулаларымен 1 пішінді ұяшықты қаптамадан медицинада қолданылуы жөніндегі мемлекеттік және орыс тілдеріндегі нұсқаулықпен бірге картон қорапшаға салынған.

Сақтау шарттары

Түпнұсқалық қаптамасында, 2 °С-ден 8 °С-ге дейінгі температурада. Мұздатып қатыруға болмайды.

Балалардың қолы жетпейтін жерде сақтау керек.

Сақтау мерзімі

3 жыл.

Препаратты қаптамада көрсетілген жарамдылық мерзімі өткеннен кейін қолдануға болмайды.

Дәріханалардан босатылу шарттары

Рецепт арқылы

Өндіруші

«Фармак» ЖАҚ, Украина, 04080, Киев қ-сы, Фрунзе к-сі, 74.

Тіркеу куәлігінің ұстаушысы

«Фармак» ЖАҚ, Украина

Қазақстан Республикасының аумағында тұтынушылардан өнімнің (тауардың) сапасы жөнінде шағымдарды қабылдайтын және дәрілік заттың қауіпсіздігін тіркеуден кейінгі қадағалуға жауапты ұйымның атауы, мекенжайы және байланыс деректері

Қазақстан Республикасындағы «Фармак» ЖАҚ өкілдігі

Қазақстан Республикасы, Алматы қ-сы, индексі 050012, Амангелді к-сі, 59 "А", "Шартас" Бизнес орталығы, 9-қабат.

Тел +7 (727) 267 64 63, факс +7 (727) 267 63 73, электронды поштасы: a.liadobruk@gmail.com

Қалалар