Нурофен Экспресс 200 мг № 20 капсулы

Сипаттама

Дәрілік препаратты медициналық қолдану

жөніндегі нұсқаулық (Қосымша парақ)

Саудалық атауы

Нурофен^® Экспресс

Халықаралық патенттелмеген атауы

Ибупрофен

Дәрілік түрі, дозалануы

Капсулалар, 200 мг

Фармакотерапиялық тобы

Сүйек-бұлшықет жүйесі. Қабынуға қарсы және ревматизмге қарсы препараттар. Қабынуға қарсы және ревматизмге қарсы стероидты емес препараттар. Пропион қышқылы туындылары. Ибупрофен.

АТX коды М01АЕ01

Қолданылуы

Келесі жай күйлерді симптоматикалық емдеу үшін:

- бас ауыруында

- бас сақинасында

- тіс ауыруында

- ауырып өтетін етеккірде

- невралгияда

- арқаның ауыруында

- бұлшықет және ревматизмдік ауыруда

- суық тию аурулары және тұмау кезіндегі қызба жағдайында.

Қолдануды бастағанға дейін қажетті мәліметтер тізбесі

Қолдануға болмайтын жағдайлар

- ибупрофенге немесе препарат құрамына кіретін компоненттерінің кез келгеніне жоғары сезімталдық

- анамнезінде ацетилсалицил қышқылын (салицилаттарды) немесе басқа да ҚҚСП қолданумен байланысты аса жоғары сезімталдық реакцияларының болуы (бронх демікпесі, бронх түйілуі, ринит, риносинусит, мұрынның немесе мұрын жанындағы қойнаулардың қайталанатын полипозы, Квинке ісінуі, есекжем)

- АІЖ мүшелерінің эрозиялық-ойық жара аурулары (оның ішінде асқазан мен он екі елі ішектің ойық жара ауруы, Крон ауруы, ойық жаралы колит) немесе белсенді фазада немесе анамнезде ойық жарадан қан кету (ойық жара ауруының немесе ойық жарадан қан кетудің екі немесе одан да көп расталған эпизодтары)

- ҚҚСП қолданудан туындағананамнезде АІЖ қан кету немесе тесілуі

- бауырдың ауыр жеткіліксіздігі немесе белсенді фазадағы бауыр аурулары

- ауыр бүйрек жеткіліксіздігі (креатинин клиренсі <30 мл / мин), расталған гиперкалиемия

- ауыр жүрек жеткіліксіздігі (Нью-Йорк кардиологтар ассоциациясының жіктемесі, IV класс), аортокоронарлық шунттаудан кейінгі кезең

- цереброваскулярлы немесе басқа белсенді қан кету бар пациенттерге.

- гемофилия және қан ұюының басқа да бұзылулары (оның ішінде гипокоагуляция), геморрагиялық диатездер

- айқын сусыздану (құсу, диарея немесе сұйықтықты жеткіліксіз тұтыну салдарынан)

- фруктозаның жақпаушылығы

- жүктілік (III триместр)

- дене салмағы 20 кг кем балалар

Қолдану кезінде қажетті сақтық шаралары

Препаратты симптомдарды жеңілдету үшін ең аз тиімді дозада қысқа мерзім ішінде қолдану керек. Егер сізде инфекция болса, дереу дәрігермен кеңесіңіз, мысалы, қызба және ауырсыну сияқты белгілер сақталса («Арнайы ескертулер» бөліміндегі «Инфекция» бөлімін қараңыз).

Басқа дәрілік препараттармен өзара әрекеттесуі

Ибупрофенді келесі дәрілік заттармен бір мезгілде қолданудан аулақ болу керек:

Басқа ҚҚСП, оның ішінде ЦОГ-2 селективті тежегіштері

ҚҚСП тобынан екі және одан да көп препараттарды бір мезгілде қолданудан аулақ болу керек, себебі бұл жағымсыз әсерлердің қаупін арттыруы мүмкін

Ацетилсалицил қышқылы (аспирин)

Эксперименттік деректер ибупрофен бірге қолданған жағдайда аспириннің төмен дозаларының тромбоциттер агрегациясына әсер етуін тежей алатынын куәландырады. Клиникалық практикаға осы деректерді экстраполяциялауға қатысты белгісіздіктің болуына қарамастан, ибупрофенді тұрақты, ұзақ қолдану ацетилсалицил қышқылының төмен дозаларының кардиопротекторлық әсерін төмендетуге қабілетті болу ықтималдығын жоққа шығаруға болмайды. Ибупрофенді сирек пайдалану кезінде ешқандай тиісті клиникалық әсер танылуы мүмкін емес

Ибупрофенді (басқа да ҚҚСП сияқты) келесі препараттармен бірге қолдану кезінде сақ болу керек

Дигоксин сияқты жүрек гликозидтері

ҚҚСП жүрек жеткіліксіздігін күшейте алады, шумақтық сүзіліс жылдамдығын азайтып, гликозидтердің плазмалық концентрациясын арттыра алады.Ибупрофеннің дигоксин препараттарымен бірге қабылдау қан сарысуында дигоксин деңгейін арттыруы мүмкін. Дұрыс қолданғанда (4 күннен артық емес) қан сарысуындағы дигоксин деңгейін тексеру талап етілмейді.

Кортикостероидтар

Жағымсыз реакциялардың даму қаупін арттыруы мүмкін, әсіресе асқазан-ішек жолдарында (асқазан-ішек жолы; ойық жараның пайда болуы немесе қан кету)

Серотонинді кері қармайтын селективті тежегіштер (СКҚСТ) және антитромбоциттік агенттер

Асқазан-ішектен қан кету қаупі жоғарлауы мүмкін

Антикоагулянттар

ҚҚСП антикоагулянттардың әсерін, мысалы, варфариннің, күшейтуі мүмкін

Фенитоин

Ибупрофеннің фенитоин препараттарымен бірге қабылдау қан сарысуындағы фенитоин деңгейін арттыруы мүмкін.Дұрыс қолданғанда қан сарысуында фенитоин деңгейін тексеру (4 күннен артық емес) қажет етілмейді.

Литий препараттары

Ибупрофеннің литий препараттарымен бірге қабылдау қан сарысуында литий деңгейін арттыруы мүмкін Қан сарысуында литий деңгейін тексеру дұрыс қолданғанда (4 күннен артық емес) қажет етілмейді.

Пробенецид және сульфинпиразон

Құрамында пробенецид немесе сульфинпиразон бар дәрілік препараттар ибупрофен шығарылуын кейінге қалдыруы мүмкін

Гипертензияға қарсы дәрілер (АӨФ тежегіштері, бетарецепторлардың блокаторлары және ангиотензин II антагонистері) және диуретиктер ҚҚСП диуретиктер мен басқа да гипертензияға қарсы дәрілік препараттардың әсерін төмендетуі мүмкін. Бүйрек функциясы бұзылған кейбір пациенттерде (мысалы, сусыздануы бар пациенттер немесе бүйрек функциясы бұзылған егде жастағы пациенттер) препаратты АӨФ тежегіштерімен немесе ангиотензин II антагонистерімен және циклооксигеназаны тежейтін дәрілік заттармен бірге қабылдау бүйрек функциясының одан әрі нашарлауына, оның ішінде әдетте қайтымды болып табылатын жедел бүйрек жеткіліксіздігіне әкелуі мүмкін. Осылайша, препараттардың біріктірілуін сақтықпен қабылдау керек; әсіресе бұл егде пациенттерге қатысты. Пациенттер оңтайлы су теңгерімін ұстап тұруды қадағалауы және қатар жүретін ем басталғаннан кейін және одан әрі мезгіл-мезгіл бүйрек функциясын тексеруі қажет. Диуретиктер ҚҚСП нефроуытылығы қаупін арттыруы мүмкін.

Калий жинақтаушы диуретиктер

Ибупрофеннің калий жинақтаушы диуретиктермен бірге қабылдау гиперкалиемияға әкелуі мүмкін(қан сарысуындағы калий деңгейін тексеру ұсынылады)

Метотрексат

Метотрексаттың плазмалық концентрациясының әлеуетті артуы туралы деректер бар. Ибупрофенді қабылдауы метотрексатты қабылдағанға дейін немесе қабылдағаннан кейін 24 сағат ішінде метотрексат концентрациясының жоғарылауына және оның уытты әсерінің артуына әкелуі мүмкін.

Циклоспорин

Нефроуытты қауіптің жоғарылауы

Такролимус

Екі препаратты бір мезгілде қолданған кезде нефроуыттылық даму қаупі артады.

Зидовудин

Зидовудин мен ибупрофенді бір мезгілде қабылдайтын, гемофилиядан зардап шегетін АИТВ-оң пациенттерде гемартроздар мен гематомалар қаупінің артуы туралы деректер бар

Сульфонилмочевина препараттары

Клиникалық зерттеулер қабынуға қарсы стероидты емес дәрілер мен диабетке қарсы дәрілер (сульфонилмочевина препараттары) арасында өзара әрекеттесуді көрсетті. Қазіргі уақытта ибупрофен мен сульфонилмочевина препараттарының өзара әрекеттесуі сипатталмағандықтан, біргеп қабылдағанда сақтық шаралары ретінде қандағы глюкоза деңгейін тексеру ұсынылады.

Хинолонды антибиотиктер

ҚҚСП және хинолон антибиотиктерімен бірлескен ем қабылдаған пациенттерде құрысу қаупі жоғарылауы мүмкін.

CYP2C9 тежегіштері

Ибупрофеннің CYP2C9 тежегіштерімен бірге тағайындалуы ибупрофеннің (CYP2C9 субстраты) әсерінің күшеюіне әкелуі мүмкін. Вориконазол мен флуконазолды (CYP2C9 тежегіштері) қолданумен жүргізілген зерттеуде S(+)-ибупрофен әсерінің шамамен 80-100% - ға күшеюі байқалды. Ибупрофен дозасын түзету туралы шешім онымен бірге күшті әсер ететін CYP2C9 тежегіштерін қолданған жағдайларда, әсіресе вориконазол мен флуконазолдың жоғары дозаларында бірге қолданған жағдайларда қабылдануы тиіс.

Арнайы ескертулер

Белгілі бір аурулары бар пациенттерде сақтықпен қолдану керек, олардың ағымы нашарлауы мүмкін:

-жүйелі қызыл жегі, сондай-ақ дәнекер тіннің аралас аурулары-асептикалық менингит қаупінің жоғарылауына байланысты;

- порфирин метаболизмінің туа біткен бұзылуы (мысалы, жедел интермиттацияланатын порфирия);

- асқазан-ішек жолы тарапынан бұзылулар және ішектің созылмалы қабыну аурулары (ойық жаралы колит, Крон ауруы);

- гипертензия және/немесе анамнездегі жүрек жеткіліксіздігі, өйткені ҚҚСП қабылдаған пациенттерде сұйықтықтың тежелуі және ісіну диагностикаланды;

- бүйрек жеткіліксіздігі, себебі бүйрек функциясының төмендеуі жалғасуы мүмкін;

- бауыр дисфункциясы;

- ауқымды хирургиялық араласудан кейін;

- осындай пациенттерде Нурофен^® Экспресс препаратына аса жоғары сезімталдық реакцияларының даму қаупінің жоғарылауына байланысты басқа дәрілерге аллергиялық реакциядан зардап шегетін;

- аллергиялық реакцияның даму қаупінің жоғарылауына байланысты тыныс алу жүйесі тарапынан созылмалы обструктивті бұзылулардан немесе пішен қызбасынан, мұрын қуысының полипінен зардап шегетіндерге; демікпе ұстамалары (анальгетикалық демікпе деп аталатын), Квинке ісінуі немесе есекжем дамуы мүмкін.

Басқа ҚҚСП қолдануы

Циклооксигеназа-2 спецификалық тежегіштерін қоса, ҚҚСП қатар қабылдауы жағымсыз реакциялардың даму қаупін арттырады және оны болдырмау керек.

Асқазан-ішек жолына әсері

Емнің кез келген кезеңінде ҚҚСП қабылдау анамнезде асқазан-ішек жолы тарапынан алдын алатын симптомдардың немесе елеулі жағымсыз құбылыстардың болуына қарамастан, асқазан-ішектен қан кетуге, кейде өліммен аяқталатын ойық жараға немесе тесілуге әкелуі мүмкін. Егер ибупрофен қабылдайтын пациенттерде асқазан-ішектен қан кету немесе ойық жара дамитын болса, емдеуді тоқтату керек

Анамнезде ойық жарасы бар, әсіресе қан кетумен немесе тесілумен асқынған ойық жарасы бар пациенттерде және егде жастағы пациенттерде ҚҚСП дозасын арттырған кезде асқазан-ішектен қан кету, ойық жара немесе тесілудің даму қаупі артады. Мұндай пациенттер препаратты ең аз ықтимал дозадан қабылдауды бастаған жөн. Мұндай пациенттерде ацетилсалицил қышқылының төменгі дозаларымен немесе асқазан-ішек жолы тарапынан асқынулардың даму қаупін арттыруға қабілетті басқа да дәрілік заттармен бірге препаратты қабылдайтын пациенттердегі сияқты қорғағыш дәрілердің (мысалы, мизопростол немесе протонды сорғы тежегіштері) пайдалана отырып кешенді емдеу нұсқасын қарастыру керек.

Анамнезінде АІЖ аурулары бар пациенттер емдеудің бастапқы кезеңдерінде жиі дамитын жаңадан пайда болған абдоминальді симптомдар (әсіресе асқазан-ішектен қан кетуі) туралы хабарлау қажеттігін білуі тиіс. Ойық жара немесе қан кету қаупін арттыруы мүмкін дәрілік препараттарды, мысалы, пероральді кортикостероидтар, варфарин сияқты антикоагулянттар, серотонинді кері қармайтын селективті тежегіштер немесе тромбоцитке қарсы препараттарды (мысалы, аспирин) қабылдайтын пациенттерге препаратты сақтықпен ұсыну керек. Асқазан-ішек жолдары (ойық жаралы колит, Крон ауруы) аурулары бар пациенттерге аталған аурулардың ықтималды асқынуына байланысты ҚҚСП-ны сақтықпен тағайындау керек.

Тері және шырышты қабықтар

Ауыр тері реакциялары, кейбір жағдайларда өліммен аяқталатын, соның ішінде эксфолиативті дерматит, Стивенс-Джонсон синдромы және уытты эпидермальді некролиз өте сирек жағдайларда ғана ҚҚСП қолдану аясында диагностикаланды. Пациенттер емнің ерте кезеңінде осы реакциялардың дамуына неғұрлым бейім деп болжанады; реакцияның басталуы көп жағдайларда емдеудің бірінші айы ішінде болады.

Құрамында ибупрофенс бар препараттарды қабылдау аясында жедел жайылған экзантематозды пустулез (AGEP) дамуы туралы хабарланған. Тері бөртпелері, шырышты қабықтардың зақымдануы немесе аса жоғары сезімталдықтың кез келген басқа көріністері сияқты елеулі тері реакциялары дамуының алғашқы белгілері кезінде препаратты қабылдауды дереу тоқтату керек. Желшешегі бар пациенттерде ҚҚСП қолдану терінің инфекциялық-қабыну аурулары мен теріасты шел майы (мысалы, некроздайтын фасциит) ауыр іріңді асқынулардың даму қаупінің жоғарылауымен байланысты болуы мүмкін. Осыған байланысты препаратты желшешек кезінде қолдануды болдырмау ұсынылады.

Жүрек-қантамыр және цереброваскулярлық әсерлер

Ибупрофенді қолдануы, әсіресе жоғары дозаларда (тәулігіне 2400 мг), артериялық тромбоздық құбылыстардың (мысалы, миокард инфарктісі немесе инсульт) даму қаупінің азғана жоғарылауымен байланысты болуы мүмкін. Ибупрофеннің төменгі дозасын қабылдау (1200 мг/тәул.) артериялық тромбоздық құбылыстардың тарапынан асқынулардың даму қаупінің жоғарылауын тудырмайды.

Бақыланбайтын артериялық гипертензиясы, NYHA II-III класы жіктеуі бойынша жүректің іркілісті жеткіліксіздігі, анықталған ишемиялық жүрек ауруы, шеткері артериялар аурулары және/немесе цереброваскулярлық аурулары бар пациенттерге ибупрофенді аса сақтықпен тағайындау және жоғары дозаларын (тәулігіне 2400 мг) қолданбауға тырысқан дұрыс.

Сондай-ақ жүрек-қантамыр асқынуларының қауіп факторлары бар (мысалы, гипертензия, гиперлипидемия, қант диабеті, темекі шегетін) пациенттерге ұзақ терапияны тағайындау кезінде, әсіресе ибупрофеннің жоғары дозаларын қабылдау қажет болғанда (2400 мг/тәул) ерекше сақ болу керек.

Бүйрек тарапынан бұзылулар

Ауырсынуды басатын препараттарды тұрақты қабылдау, әсіресе бірнеше ауырсынуды басатын әсер етуші заттардың біріктірілуі бүйрек жеткіліксіздігінің даму қаупімен бүйректің қайтымсыз зақымдануына (анальгетикалық нефропатия) әкелуі мүмкін. Бұл қауіп тұзды жоғалтумен және организмнің сусыздануымен байланысты физикалық жүктемелерде жоғарылауы мүмкін. Осыған байланысты ауырсынуды басатын препараттарды жүйелі түрде қабылдаудан аулақ болу керек.

Жоғары сезімталдық реакциялары

Аса жоғары сезімталдықтың ауыр жедел реакциялары (мысалы, анафилаксиялық шок) өте сирек байқалады. Аса жоғары сезімталдық реакциясының алғашқы белгілері кезінде Нурофен^® Экспресс, капсула, 200 мг препаратын қабылдағаннан кейін емдеуді тоқтату керек. Медициналық қызметкер симптомдарды ескере отырып, қажетті шараларды қабылдауы тиіс.

Инфекциялар

Ибупрофен инфекцияның белгілерін, мысалы, безгегі мен ауырсынуды маскаға түсіруі мүмкін. Сондықтан, Нурофен^® Экспресс инфекцияның тиісті емін кешіктіруі мүмкін, бұл асқыну қаупінің жоғарылауына әкелуі мүмкін. Бұл бактериялардан және терінің бактериялық терінің инфекцияларынан туындаған пневмониямен байқалды. Егер сіз осы препаратты инфекция кезінде қабылдаған болсаңыз және инфекцияның белгілері сақталса немесе нашарласа, дереу дәрігермен кеңесіңіз.

Басқа да ескертпелер

Ибупрофен тромбоциттік функцияны уақытша тежей алады (тромбоциттер агрегациясы). Сондықтан қанның ұюы бұзылған пациенттерді мұқият бақылау ұсынылады.

Нурофен^® Экспресс, капсулалар, 200 мг препаратын ұзақ қолданған кезде балаларда бауыр, бүйрек қызметінің көрсеткіштерін үнемі тексеру, сондай-ақ қанның жалпы талдауын орындау қажет.

Бас ауыруын басатын кез келген дәріні ұзақ уақыт қолдану оның асқынуына әкелуі мүмкін. Бұл жағдайда немесе жағдайдың осындай дамуына күдік болған жағдайда медициналық кеңес алу және емдеуді тоқтату қажет.

Алкогольді қатар қолданған кезде, әсіресе асқазан-ішек жолы немесе орталық жүйке жүйесі тарапынан ҚҚСП әсер етуші затынан туындаған жағымсыз әсерлер күшеюі мүмкін.

Егде жастағы пациенттер

ҚҚСП қабылдағаннан кейін жағымсыз реакциялардың даму жиілігі егде жастағы пациенттерде, әсіресе асқазан-ішек жолдарының ойық жарасынан қан кету немесе тесілуі сияқты реакциялар жоғарылайды, олар өлімге әкеп соғуы мүмкін.

Педиатриада қолдануы

Дегидратациясы бар балалар мен жасөспірімдерде бүйрек функциясының бұзылу қаупі бар.

Қосымша заттар қатысты қосымша ескертулер

Бұл дәрілік препарат құрамында сорбитол бар. Бұл дәрілік препаратты фруктозаның көтере алмаушылықпен байланысты сирек тұқым қуалайтын бұзылулары бар пациенттерге қабылдауға болмайды.

Бұл дәрілік препарат құрамында бір капсулада 14 мг калий бар. Бұны қандағы калий деңгейін бақылау қажеттілігі бар пациенттерге назарға алу қажет.

Жүктілік және лактация кезеңі

Жүктілік

Простагландиндер синтезінің тежелуі жүктілік ағымына және/немесе эмбрион/шарананың дамуына жағымсыз әсер етуі мүмкін. Жүктіліктің бірінші және екінші триместрі кезінде ибупрофенді аса қажет болған жағдайда ғана тағайындау керек. Егер ибупрофенді жүктілікті жоспарлаған әйел немесе жүктіліктің бірінші және екінші триместрі кезінде қабылдаса, препараттың дозасы мен емнің ұзақтығы барынша аз болуы тиіс.

Жүктіліктің үшінші триместрінде простагландин синтезінің кез келген тежегіштерін қолдану келесі жағымсыз салдарларға әкелуі мүмкін

Шарана үшін:

- кардиопульмоналдық уыттылық (артериялық түтіктің

мерзіміненбұрын жабылуы және өкпе гипертензиясының дамуы);

- бүйрек жеткіліксіздігіне дейін үдемелі бүйрек дисфункциясы және

олигогидрамнион.

Жүктілік соңында ана мен нәресте үшін:

- қан кету уақытын ұлғайту мүмкіндігі, өте төмен дозаларды

қабылдағанның өзінде антиагрегациялық әсер;

- жатыр бұлшықетінің жиырылыуын тежеу, бұл босану қызметінің

басталуының кідіруіне және босану ұзақтығының ұлғаюына әкеледі.

Осының салдарынан ибупрофенді жүктіліктің үшінші триместрінде қолдануға болмайды.

Лактация

Ибупрофен және оның метаболиттері төмен концентрацияда емшек сүтіне енуі мүмкін. Қазіргі уақытта емшектегі сәбилерге зиянды әсерге қатысты деректер жоқ, сондықтан ауырсыну мен қызбаны жеңілдету үшін ұсынылған дозаны қысқа мерзімді қолдану кезінде емшекпен емізуді үзудің қажеті жоқ.

Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Ибупрофен қабылдаған кезде бас айналу, ұйқышылдық, летаргия немесе көру қабілетінің нашарлауы туралы пациенттер қозғалатын машинаны басқарудан немесе басқарудан аулақ болу керек.

Қолдану жөніндегі нұсқаулықтар

Препаратты қолдану алдында нұсқаулықты мұқият оқып шығыңыз.

Дозалау режимі

Препарат тек қысқа мерзімді қолдануға арналған және ересектер мен салмағы кемінде 20 кг балаларда қолдануға арналған.

Ересектер және 12 жастан асқан балалар (дене салмағы ≥ 40 кг):

Бастапқы доза 1-2 капсуланы құрайды (200-400 мг ибупрофен). Қажет болған жағдайда препаратты 1-2 капсула (200-400 мг ибупрофен) дозасында қайта қабылдауы мүмкін. Дозалау аралығы симптомдардың айқын көрінуіне және ең жоғары ұсынылатын тәуліктік дозаға байланысты. Қабылдаулар арасындағы аралық 400 мг дозада 6 сағаттан кем және 200 мг дозада 4 сағаттан кем болмауы тиіс. Ең жоғары тәуліктік доза 1200 мг ибупрофеннен аспауы тиіс.

6-дан 12 жасқа дейінгі балалар (дене салмағы20 кг-ден39 кг-ге дейін):

Нурофен^® Экспресс, капсулалар, 200 мг, дене салмағы кемінде 20 кг балаларға қолдануға арналған.Ибупрофеннің ең жоғары тәуліктік дозасы 6-8 сағат аралығымен 3 немесе 4 рет дозаға бөлінген дене салмағына кг 20-30 мг құрайды. Дене салмағына 30 мг/кг құрайтын ибупрофеннің ең жоғары тәуліктік дозасынан асыруға болмайды. Нурофен^® Экспресс, капсулалар, 200 мг, балаларда келесі нұсқаулықтарға сәйкес тағайындау керек:

Пациенттердің ерекше топтары

Балалар

Балаларда қолдану туралы қосымша ақпарат алу үшін жоғарыдағы таблицаны қараңыз.

Егде жастағы пациенттер

Дозаны қандай да бір арнайы түзету қажет емес. Жағымсыз әсерлердің ықтимал дамуына байланысты егде жастағы пациенттерді мұқият бақылау ұсынылады

Бүйрек жеткіліксіздігі бар пациенттер

Жеңіл немесе орташа бүйрек жеткіліксіздігі бар пациенттерде дозаны төмендету талап етілмейді (ауыр бүйрек жеткіліксіздігі бар пациенттерге препаратты қолдануға болмайды)

Бауыр жеткіліксіздігі бар пациенттер

Жеңілнемесе орташа бауыр жеткіліксіздігі бар пациенттерде дозаны төмендету талап етілмейді (бауыр жеткіліксіздігі ауыр пациенттер үшін препаратты қолдануға болмайды)

Қолдану тәсілі

Ішке қабылдауға арналған

Қабылдау уақыты көрсетілген қолдану жиілігі

Жағымсыз реакциялардың даму қаупін азайту мақсатында ибупрофенді ең төменгі тиімді дозада және клиникалық әсерге қол жеткізу үшін қажетті ең қысқа кезең ішінде қабылдаған жөн.

Асқазаны сезімтал пациенттерге Нурофен^® Экспресс, 200 мг капсулаларды тамақ ішу кезінде қабылдау ұсынылады.

Нурофен^® Экспресс,200 мг капсулалар тамақ ішкеннен кейін қабылдаған кезде препараттың әсері кейінге қалдырылуы мүмкін. Бұл жағдайда препараттың ұсынылған дозасынан асыруға болмайды.

Емдеу ұзақтығы

Препарат тек қысқа мерзімді қолдануға арналған.

Егер балаларда симптомдар 3 күннен артық сақталса немесе препаратты қабылдауды бастағаннан кейін 3 күннен кейін жағдайдың нашарлауы байқалса, онда дәрігермен кеңесу қажет.

Егер безгек жағдайында ересектерге осы дәрілік препаратты 3 күннен артық немесе ауруды емдеу үшін 4 күннен артық қабылдау қажет болса, сондай-ақ симптомдар асқынған кезде дәрігермен кеңесу керек.

Артық дозалану жағдайында қабылданатын шаралар

Балаларда симптомдар ішке 400 мг/кг артық дозаны қабылдағанда пайда болуы мүмкін.

Симптомдары:

Жүрек айнуы, құсу, іштің ауыруы және диарея болуы мүмкін. Сондай-ақ, көрудің бұлыңғырлануы, құлақтағы шуыл, бас ауыруы және асқазан-ішектен қан кету болуы мүмкін. Аса ауыр уыттану жағдайында орталық жүйке жүйесінің уыттылығы байқалады, ол кеңістіктікте бағдардан жаңылу, бас айналу, ұйқышылдық, мезгіл-мезгіл қозу және бағдардан жаңылу, санадан айрылу немесе кома түрінде көрініс береді. Кейде пациенттерде құрысулар туындайды. Ауыр улану кезінде метаболизмдік ацидоз өршуі мүмкін. Гипотермия мен гиперкалиемия және протромбиндік уақыттың ұлғаюы /халықаралық қалыптасқан қатынастың (ХҚҚ) артуы дамуы мүмкін, бұл қан ұюының айналымдағы факторларымен интерференцияға байланысты болуы мүмкін. Сондай-ақ жедел бүйрек жеткіліксіздігі, бауырдың зақымдануы, гипотензия, тыныс алудың тежелуі және цианоз дамуы мүмкін. Демікпе өршуі мүмкін.

Емдеу

Емдеу симптоматикалық және демеуші болуы тиіс және тыныс алу жолдарының өткізгіштігін қамтамасыз етуді және жүрек қызметі көрсеткіштерінің және басқа да өмірлік функциялардың тұрақтануына дейін мониторингті қамтуы тиіс. Егер пациент препараттың әлеуетті уытты мөлшерін 1 сағат бұрын қабылдаса, белсендірілген көмірді ішу арқылы қабылдау немесе асқазанды шаю нұсқасын қарастыру керек. Егер ибупрофен сіңірілсе, онда сілтілі заттарды енгізу ибупрофеннің қышқыл түрін несеппен шығаруды ынталандыруы мүмкін. Егер құрысулар байқалса, әсіресе көп реттік және ұзақ болса, пациентке диазепам немесе лоразепамды вена ішіне енгізу керек. Бронх демікпесінің ушығуы кезінде бронходилататорларды қолдану ұсынылады. Медициналық көмек алу үшін жергілікті токсикологиялық орталыққа жүгіну керек.

Дәрілік препараттың бір немесе бірнеше дозасын жіберіп алғанда қажетті шаралар

Қатысты емес

Тоқтату симптомдары қаупінің болуына нұсқаулар

Қатысты емес

Дәрілік препаратты қолдану тәсілін түсіндіру үшін медицина қызметкерінің кеңесіне жүгіну бойынша нұсқаулар

Нурофен^® Экспресс препаратын қолдану алдында емдеуші дәрігерден кеңес алыңыз.

Емдеуші дәрігерге қандай бір басқа препараттар қабылдап жүргеніңізді, аз уақыт бұрын қабылдағаныңызды немесе қабылдауды бастайтыныңызды хабарлаңыз.

Дәрілік препаратты стандартты қолдану кезінде көрініс табатын жағымсыз реакциялардың сипаттамасы және осы жағдайда қабылдануы керек шаралар

Жағымсыз реакциялардың пайда болу жиілігін бағалау келесі критерийлер негізінде жүргізілді: өте жиі (≥ 1/10), жиі (≥ 1/100-ден < 1/10-ға дейін), жиі емес (≥ 1/1000-нан < 1/100-ге дейін), сирек (≥ 1/10000-нан < 1/1000-ға дейін), өте сирек (< 1/10000), белгісіз (қолда бар деректер негізінде бағалау мүмкін емес)

Жиі

жүрек айнуы және ас қорыту бұзылыстары, диарея, метеоризм, іш қату, қыжыл және сирек жағдайларда анемияға әкелуі мүмкін жеңіл асқазан-ішектен қан кету

Жиі емес

• абілетінің бұзылулары
• ұлақтың шыңылдауы

ауыруы, бас айналуы, ұйқышылдық, қозу, ашушаңдық немесе шаршау

Сирек

некрозы) және қандағы мочевина концентрациясының жоғарылауы; қандағы несеп қышқылының жоғары концентрациясы пайда болады

Өте сирек

фасцииттің дамуы), сирек жағдайларда ауыр тері инфекциялары және жұмсақ тіндердің асқынулары желшешек кезінде болуы мүмкін

панцитопения және агранулоцитоз). Алғашқы белгілері қызба, тамақтың ауыруы, ауыз қуысының беткейлік ойық жаралары, тұмауға ұқсас симптомдар, қатты жүдеу, мұрыннан қан кету және теріден қан кету, қан кету және қанталау болып табылады. Мұндай жағдайларда пациент осы дәрілік препаратты қабылдауды тоқтатуға, анальгетиктермен және ыстықты түсіретін кез келген дәрімен өз бетінше емделуді тоқтатуға және нұсқау алуы тиіс

беттің, тілдің және тамақтың ісінуін, ентігуді, тахикардия және гипотензияны (анафилаксия, ангионевроздық ісіну немесе ауыр шок) қамтуы мүмкін

инфарктісі

түзілуі

- бауыр дисфункциясы, бауырдың зақымдануы, әсіресе ұзақ қабылдағанда, бауыр жеткіліксіздігі, жедел гепатит

- Стивенс-Джонсон синдромын, полиморфты эритеманы және уытты эпидермальді некролизді, алопецияны қоса, буллезді реакциялар сияқты тері реакцияларының ауыр түрлері

- ісінулер, әсіресе артериялық гипертензиясы немесе бүйрек жеткіліксіздігі бар пациенттерде, нефроздық синдром, жедел бүйрек жеткіліксіздігімен қатар жүретін ішек нефриті

Белгісіз (қолда бар деректер негізінде бағалау мүмкін емес)

демікпе, бронх түйілуі немесе ентігу

қатар жүретін препаратқа реакция, жедел жайылған экзантематозды пустулез (AGEP).

Жекелеген жағымсыз реакциялар сипаттамасы

¹ Ибупрофенмен емдеу кезінде аса жоғары сезімталдық реакциялары тіркелді. Олар (а) спецификалық емес аллергиялық реакцияларды және анафилаксиялық реакцияны, (b) тыныс алу жолдарының аса жоғары белсенділігін, соның ішінде демікпені, асқынған демікпені, бронх түйілуін, ентігу немесе (с) әртүрлі тері реакцияларын, соның ішінде бөртпелерді, қышынуды, есекжемді, пурпураны, ангионевроздық ісінуді және сирек эксфолиативті және буллезді дерматозды (соның ішінде уытты эпидермальді некролиз, Стивенс-Джонсон синдромы және полиморфтық эритема)қамтуы мүмкін.

² Препаратты қабылдағаннан туындаған асептикалық менингит дамуының патогенетикалық механизмі толық зерттелмеген. Алайда, ҚҚСП қабылдау аясында асептикалық менингит жағдайлары туралы қолда бар деректер иммундық реакцияны куәландырады (препаратты қабылдау уақыты мен препаратты тоқтатқаннан кейін симптомдардың жоғалуы арасындағы байланыс байқалады). Асептикалық менингит симптомдарының (мысалы, мойын бұлшықетінің сіресуі, бас ауыруы, жүректің айнуы, құсу, қызба немесе бағдардың бұзылуы) пайда болуының жекелеген жағдайлары бұрыннан бар аутоиммундық аурулармен (мысалы, жүйелі қызыл жегі, дәнекер тіннің аралас ауруы) ибупрофенді қолдана отырып пациенттерді емдеу кезінде байқалғанын атап өткен жөн.

Жағымсыз дәрілік реакциялар туындаса медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаларды қоса, дәрілік препараттарға жағымсыз реакциялар (әсерлер) бойынша ақпараттық деректер базасына тікелей хабарласыңыз

Қазақстан Республикасы Денсаулық сақтау министрлігі Тауарлар мен көрсетілетін қызметтердің сапасы мен қауіпсіздігін бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК

http://www.ndda.kz

Қосымша мәліметтер

Дәрілік препараттың құрамы

Бір капсуланың құрамында

белсенді зат – ибупрофен 200 мг

қосымша заттар: макрогол 600, калий гидроксиді, тазартылған су

капсула қабығы: желатин, 76% сорбитол ерітіндісі, қан қызыл бояғыш[Понсо 4R] (Е 124), тазартылған су, опакод WB NS-78-18011 (тазартылған су, титанның қостотығы(Е 171), пропиленгликоль, изопропанол, НРМС 2910 / гипромеллоза 3сР).

Сыртқы түрінің, иісінің, дәмінің сипаттамасы

Құрамында түссізден сәл қызғылт түске дейінгі мөлдір сұйықтық бар, ақтүсті NUROFEN жазуымен сәйкестендірілген, жартылай мөлдір қызыл желатин қабықты сопақша капсулалар.

Жарамдылық мерзімі

2 жыл

Жарамдылық мерзімі өткеннен кейін қолдануға болмайды!

Сақтау шарттары

25°С-ден аспайтын температурада сақтау керек.

Балалардың қолы жетпейтін жерде сақтау керек!

Дәріханалардан босатылу шарттары

Рецептісіз

Өндіруші туралы мәлімет

Патеон Софтджелс Б.В., Тилбург, AS 5048, Посторнштрат 7, Нидерланды.

Тіркеу куәлігінің ұстаушысы

Рекитт Бенкизер Хелскэр Интернешнл Лтд, Тейн Роуд, Ноттингем, NG90 2DB, Ұлыбритания

тел. +44(0)1482326151; факс: +44(0)1482582532, e-mail: contact_ru@rb.com

Қазақстан Республикасы аумағында тұтынушылардан дәрілік заттардың сапасына қатысты шағымдарды (ұсыныстарды)қабылдайтын ұйымның атауы, мекенжайы және байланыс деректері (телефон, факс, электронды пошта)

«Рекитт Бенкизер Казахстан» ЖШС, 050040, Алматы қ-сы, Көктем-1 ы/а, 15 «А» үй, 302 кеңсе. Тел.: +7 (727) 356 07 52; +7 (727) 356 07 53; факс: +7 (727) 356 07 50; шұғыл желі тел.: 8-10-800-2000-82-20 (қоңырау шалу тегін). e-mail: contact_ru@rb.com, KazakhstanDSO@rb.com.

Қалалар