Марисоль изотонический спрей назальный 50 мл

Сипаттама

Медициналық бұйымды медицинада

қолдану жөніндегі нұсқаулық

Медициналық бұйымның атауы

Марисоль изотониялық 50, 100 мл мұрынға арналған спрейі

Медициналық бұйымның құрамы

1 мл спрейдің құрамында 9 мг теңіз тұзы бар.

Еріткіш: тазартылған су

Қосынды: бензалконий хлориді 0,1 мг/мл

Медициналық бұйымның сипаттамасы

Марисоль изотониялық мұрын спрейі - теңіз тұзының изотониялық ерітіндісі болып табылады. Мұрынның табиғи ылғалдылығын қалпына келтіреді, өзін-өзі тазартуға және мұрын қуысының шырышты қабығының қалыпты физиологиялық күйін сақтауға көмектеседі. Құрғақтық пен механикалық тітіркенуден қорғайды (түтін, шаң, кір және т.б.). Марисоль изотониялық ерітіндісін үнемі қолдану мұрынның шырышты қабығын ынталандырушы әсері бар минералдармен және микроэлементтермен байытады, бұл ЖРВИ мен тұмаудан табиғи қорғауға ықпал етеді.

Дәрілік заттың болуы туралы ақпарат

Марисоль изотониялық мұрын спрейі фармакологиялық белсенділікке ие емес.

Осыған сәйкес медициналық бұйым өндірілген нормативтік құжаттың атауы (белгіленуі)

Сипаттамасы 40-0916 және 40-0922.

Қолданылу саласы

Оториноларингология, терапия.

Медициналық бұйымның тағайындалуы

Мұрынның шырышты қабығының қалыпты физиологиялық қызметі бұзылған жағдайда қолданылады

Қолданылуы

- күнделікті мұрын гигиенасы үшін;

- профилактика және кешенді емдеу құрамында, күзгі-қысқы кезеңде мұрын қуысының респираторлық инфекцияларында (ЖРВИ және т.б., оның ішінде жүкті әйелдерде және емізу кезеңінде);

- мұрын қуысының, мұрынның қосалқы қуыстарының және жұтқыншақтың қабыну аурулары кезіндегі кешенді емдеуде;

- аллергиялық және вазомоторлы риниттер кезінде кешенді емдеуде (әсіресе дәрілік препараттарға сезімталдығы жоғары немесе оған бейімділігі бар адамдарда);

- дәрігердің ұсынысы бойынша мұрын қуысына операциялық араласудан кейін;

- құрғақ ауа жағдайында мұрынның шырышты қабығын ылғалдандыру үшін.

Қолдану тәсілі және дозалары

6 айдан 7 жасқа дейінгі балаларға: әрбір мұрын жолына күніне 4 рет 2 бүркуден.

Ересектер мен балаларға 7 жастан бастап: әр мұрын жолына күніне 4–8 рет 2–3 бүркуден.

Алғашқы қолданар алдында пластик бүріккіш қақпақтың қорғаныш сақинасын алыңыз. Құтыны тігінен ұстаңыз. Қорғаныс қақпағын шешіп, бірінші тамшы пайда болғанша дозаторға бірнеше рет басыңыз.

Спрейдің ұшын мұрын жолына салыңыз және дозатор механизмін басыңыз.

Тамызғаннан кейін басыңызды әртүрлі бағытта шайқаңыз.

Қолданғаннан кейін дозатордың ұшын таза сумен шайыңыз.

Қорғаныс қақпағын орнына салыңыз.

Сақтық шаралары

Дәрігердің тағайындауы бойынша қолдану керек.

Жұтуға болмайды!

Гигиеналық тұрғыдан алғанда әр адам өз құтысын пайдалану керек.

Теңіз суына аса жоғары сезімталдық кезінде пайдалануға болмайды.

Жүктілік және бала емізу кезінде қолдану

Марисоль изотониялық мұрынға арналған спрейін жүктілік және бала емізу кезінде қолданудың жағымсыз әсерлері туралы мәліметтер жоқ.

Педиатрияда қолдану

Балаларға ересектердің қадағалауынсыз өз бетінше қолдануға болмайды.

Жағымсыз әсері

Марисоль изотониялық мұрын спрейінің ұсынылған пайдалану шарттарын сақтаған жағдайда ешқандай жағымсыз әсер туындамайды.

Қолдануға болмайтын жағдайлар

Жеке жақпаушылық.

Сақтау мерзімі

3 жыл.

Сақтау мерзімі өткеннен кейін қолдануға болмайды

Сақтау шарттары

Түпнұсқалық қаптамасында, жарықтан қорғалған жерде, 25 °C-ден аспайтын температурада сақтау керек.

Балалардың қолы жетпейтін жерде сақтау керек!

Өнімді бірінші ашқаннан кейін 6 аптадан асырмай сақтау керек.

Мұздатып қатыруға болмайды.

Шығарылу түрі

Ішінде 50, 100 мл ерітінді бар пластик құты мен дозатор.

Өндіруші ұйымның атауы және тауарлық белгісі

ESENSA D. O. O., Сербия Республикасы

Өндіруші

ESENSA D.O.O., Сербия Республикасы, Viline Vode BB, Белград,

тел. (+381 11) 41 41 130

Қазақстан Республикасы аумағында медициналық бұйымның сапасы бойынша тұтынушылардан шағымдарды қабылдайтын ұйымның мекенжайы / Қазақстан Республикасының аумағындағы өндірушінің уәкілетті өкілі / Қазақстан Республикасы аумағында медициналық бұйымның қауіпсіздігін тіркеуден кейін қадағалауға жауапты ұйым

«Аманат» ЖШС, 100019, Қазақстан,

Қарағанды қ-сы, Сакен Сейфуллин даңғылы, 107/3

+7 (7212) 90-80-00

Таңбалау кезінде пайдаланылған символдар мен белгілеулер

Қалалар