Лоринден А 15 г мазь

Сипаттама

Дәрілік препаратты медициналық қолдану

жөніндегі нұсқаулық (қосымша парақ)

Саудалық атауы

Лоринден^® А

Халықаралық патенттелмеген атауы

Жоқ

Дәрілік түрі, дозасы

Жақпамай

Фармакотерапиялық тобы

Дерматология. Кортикостероидтар, дерматологиялық препараттар. Кортикостероидтар, басқа біріктірілімдер. Басқа препараттармен біріктірілген белсенділігі бірқалыпты глюкокортикостероидтар. Басқа препараттармен біріктірілген флуметазон

АТХ коды D07XB01

Қолданылуы

Жақпамай түріндегі Лоринден® A, атап айтқанда, гиперкератоз және басылмайтын қышынумен қатар жүретін салдарлы бактериялық инфекциямен асқынбаған,аллергиялықаялықта жергілікті қолданылады:

• себореялық дерматит
• атопиялық дерматит
• папулездік есекжем
• аллергиялық жанаспалы экзема
• мультиформалы эритема
• қызыл жегі
• псориаз
• жалпақ теміреткі

Дәрілік препаратты қолданудың басталуына дейінгі қажетті мәліметтер тізбесі

Қолдануға болмайтын жағдайлар

- әсер етуші затқа немесе қосымша заттардың кез келгеніне аса жоғары сезімталдық

• глюкокортикостероидтарға, салицил қышқылына және жақпамайдың негізі компоненттеріне жоғары сезімталдық
• терінің бактериялық, вирусты және зеңді инфекциялары
• желшешек, қарапайым ұшық
• тері туберкулезі
• вакцинациядан кейінгі реакциялар
• тұрпайы және қызғылт безеулер
• мерездің терілік түрі
• терідегі жаңа түзілімдер
• периоральді дерматит
• анальді аймағының қышуы
• тері ауруларының суланатын және эксудаттық кезеңдері
• флебиттер (веналардың варикозды кеңеюі аясында), трофикалық ойық жара
• тері ақауы бар (күйіктер) тері жабындарының ауқымды зақымданулары
• жүктіліктің I триместрі
• 2 жасқа дейінгі балалар
• жөргектік дерматит

Қолдану кезіндегі қажетті сақтандыру шаралары

Үзіліссіз 2 аптадан артық қолдануға болмайды. Ұзақ мерзім қолданған жағдайда дененің ауқымды бөлігінде жағымсыз әсерлердің пайда болу жиілігі артады.

Флуметазон пивалатын жергілікті қолдану кезінде гипофиз-бүйрек үсті безі жүйесінің бәсеңдеуінің есебінен гипофиздің АКТГ төмендеуі, қандағы кортизол деңгейінің төмендеуі және емді тоқтатқаннан кейін жойылатын Кушингтің ятрогенді синдромының пайда болуы мүмкін. АКТГ бүйрек үсті безінің стимуляциясынан кейін қандағы және несептегі кортизолды анықтау жолымен бүйрек үсті безі қыртысы қызметіне мезгіл-мезгіл бақылау жүргізіп тұру керек.

Жақпамай жағылған орында инфекция пайда болған жағдайда бактерияға қарсы немесе зеңдерге қарсы тиісті емді қолдану керек. Егер инфекцияның симптомдары жойылмаса, инфекцияны емдеу кезінде жақпамайды қолдануды тоқтату керек.

Препаратты көзге және қабаққа немесе қабақ аумағының терісіне, ашық жараларға және шырышты қабыққа тигізіп алудан аулақ болу керек. Препарат көзге немесе шырышты қабыққа тиген жағдайда оларды жеткілікті мөлшердегі сумен шаю ұсынылады. Жүйелі глюкокортикостероидтарды қолдану кезіндегідей, препаратты сыртқа қолданғаннан кейін катаракта және глаукома немесе орталық сероздық хориоретинопатия (ОСХ) сияқты сирек аурудың дамуы мүмкін.

Көздің бұлыңғырлануы немесе көрудің басқа да бұзылыстары байқалса дәрігермен кеңесіңіз.

Қысқа мерзім қолданғанмен, сіңірілуінің жоғарылығын және жағымсыз әсерлерінің пайда болуын ескере отырып (телеангиэктазиялар, dermatitis perioralis) беттің терісіне, сондай-ақ қолтық асты және шап жағының терісіне тек аса қажет жағдайларда ғана қолдану керек.

Тері асты шелі қабатының атрофиясы болған жағдайда, әсіресе егде жастағы адамдарға сақтықпен қолдану керек.

Препараттың құрамында пропиленгликоль болғандықтан терінің тітіркенуін туындатуы мүмкін.

Препарат құрамында ланолин болғандықтан жергілікті тері реакцияларын (мысалы, жанаспалы дерматит) туындатуы мүмкін.

Балалар

2 жастан асқан балаларда сақтықпен қолданыңыз

Басқа дәрілік препараттармен өзара әрекеттесуі

Глюкокортикостероидтарды жергілікті қолданғанда дәрілермен өзара әрекеттесу жағдайлары белгісіз.

Алайда, пациенттерді шешек ауруына және басқа да иммундауға қарсы вакциналауды, әсіресе, тиісті антиденелердің пайда болуы түрінде талапқа сай иммунологиялық әсердің болмау мүмкіндігін ескере отырып, терінің ауқымды қабатына ұзақ уақыт қолданғанда жүргізуге болмайтынын естерген жөн.

Лоринден^® А жақпамайы иммуносупрессиялық дәрілік заттардың әсерін күшейтуі және иммунитетті стимуляциялайтын дәрілердің әсерін әлсіретуі мүмкін.

Арнайы сақтандырулар

Жүктілік

Лоринден ® А әйелдерде жүктіліктің II және III триместрлерінде, анада қолданудың пайдасы шаранаға әлеуетті қауіптен асқан кезде ғана қолданылуы мүмкін.

Жақпамайды қолдану кезінде ерекше сақ болу ұсынылады

Бала емізу

Қажет болған жағдайда терінің аздаған аумағына тек қысқа мерзімге қолдануға болады, кеуденің терісіне қолдануға болмайды

Дәрілік заттың көлік құралын және қауіптілігі зор механизмдерді басқару қабілетіне әсер ету ерекшеліктері

Дәрілік препарат психомоторлы белсенділікті, көлік құралдарын жүргізуге және қозғалатын механизмдерге қызмет көрсету қабілетін шектемейді.

Қолдану жөніндегі нұсқаулар

Дозалау режимі

Жақпамайдың аз мөлшерін тәулік бойы 1-2 реттен жиі емес терінің зақымданған жерлеріне жұқа қабатпен жағады. Айқын лихенизацияда немесе гиперкератозда окклюзиялы таңғышты қолдануға рұқсат етіледі, оны тәулігіне 1 рет ауыстыру керек. Емдеуді үзіліссіз 2 аптадан артық жүргізуге болмайды. Беттің терісіне 1 аптадан артық жағуға болмайды. Бір апта ішінде 15 г аспайтын жақпамайды (1 сықпа) пайдалануға болады.

Пациенттердің ерекше топтары

Балалар

Балаларға 2 жастан бастап қажет болған жағдайда ғана терінің аздаған бөлігіне күніне 1 рет аса сақтықпен қолдану керек. Балаларға окклюзиялық таңғыштың астына қолдануға болмайды.

Енгізу әдісі мен жолы

Жақпамайдың аздаған мөлшерін тәулігіне 1-2 рет зақымданған терінің бөлігіне жұқа етіп жағады. Айқын лихенизацияда немесе гиперкератозда окклюзиялы таңғышты қолдануға рұқсат етіледі, оны тәулігіне 1 рет ауыстыру керек.

Бетке қолдану

Бет терісіне қолдануға болмайды.

Артық дозалану жағдайында қабылдау қажет болатын шаралар

Симптомдары: терінің көп бөлігіне ұзақ қолданғанда келесі симптомдардың пайда болуы мүмкін: ісіну, артериялық гипертензия, инфекцияларға қарсылығының төмендеуі, ал ауыр жағдайларда Кушинг синдромының дамуы. Сирек жағдайда салицилаттармен улану симптомдарының пайда болуы мүмкін.

Емі: дәрілік затты біртіндеп тоқтатып, құрамында глюкокортикостероидтардың мөлшері аз емді пайдалану керек.

Дәрілік препаратты қолдану тәсілін түсіндіру үшін кеңес алу үшін медицина қызметкеріне жүгінуді ұсынамыз

Дәрілік препаратты стандартты қолдану кезінде көрініс беретін жағымсыз реакциялар сипаттамасы және осы жағдайда қабылдау керек шаралар

Жағымсыз реакциялар жиілігінің сандық белгілері және жағымсыз реакцияларды жүйелік-ағзалық жіктеуге және олардың туындау жиілігіне сәйкес жіктеу (Жағымсыз құбылыстардың жиілігін анықтау келесі белгілерге сәйкес жүргізіледі: өте жиі (≥ 1/10), жиі (≥ 1/100-ден < 1/10 дейін), жиі емес (≥ 1/1000-нан < 1/100 дейін), сирек (≥ 1/10000-нан < 1/1000 дейін), өте сирек (< 1/10000), белгісіз (қолда бар деректердің негізінде бағалау мүмкін емес)

Белгісіз

• безеулер, стероидтан кейінгі пурпура, эпидермис өсуінің бәсеңдеуі, тері асты шел қабатының атрофиясы, тері және стриялар атрофиясы
• терінің құрғауы, гипертрихоз немесе шаштың түсуі, терінің депигментациясы немесе пигментациясы
• телеангиэктазиялар
• периоральді дерматит
• фурункулез, салдарлық инфекция
• есекжем немесе макуло-папулезді бөртпе немесе бар өзгерістердің асқынуы
• окклюзиялық таңғыштың астына қолданғаннан кейін ісіну, артериялық гипертензия, ағзаның инфекцияға қарсыласуының төмендеуі түрінде резорбциялық әсерді туындатуы мүмкін
• қабақтың терісіне қолданғанда глаукома немесе катаракта, көз бұлыңғырлануының дамуы мүмкін
• терінің ауқымды бөлігіне қолданғанда глюкокортикостероидтарға тән жүйелік жағымсыз әсерлерінің болуы мүмкін
• гипоталамус-гипофиз-бүйрек үсті безі өсі функциясының бәсеңдеуі
• Кушинг синдромы
• балалардағы өсу мен дамудың тежелуі
• гипергликемия, глюкозурия, ісіну, гипертония, иммунитеттің төмендеуі.

Жағымсыз дәрілік реакциялар туындағанда медициналық қызметкерге, фармацевтикалық қызметкерге немесе, дәрілік препараттардың тиімсіздігі туралы хабарламаларды қоса, дәрілік препараттарға болатын жағымсыз реакциялар (әсерлер) жөніндегі ақпараттық деректер базасына тікелей хабарласу керек

Қазақстан Республикасы Денсаулық сақтау министрлігі Тауарлар мен көрсетілетін қызметтердің сапасы мен қауіпсіздігін бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК

http://www.ndda.kz

Қосымша мәліметтер

Дәрілік препарат құрамы

1 г жақпамайдың құрамында

белсенді заттар – 0,2 мг флуметазон пивалаты, 30,0 мг салицил қышқылы

қосымша заттар: пропиленгликоль, сусыз ланолин, ақ вазелин

Сыртқы түрінің, иісінің, дәмінің сипаттамасы

Ашық сары реңді ақ, майлы жұмсақ масса.

Шығарылу түрі және қаптамасы

15 г препараттан ішкі қабаты лакталған алюминий сықпада.

1 сықпадан медициналық қолдану жөніндегі қазақ және орыс тілдеріндегі нұсқаулықпен бірге картон қорапшаға салынады.

Сақтау мерзімі

3 жыл.

Жарамдылық мерзімі өткеннен кейін қолдануға болмайды!

Сақтау шарттары

25^oС-ден аспайтын температурада сақтау керек

Балалардың қолы жетпейтін жерде сақтау керек!

Дәріханалардан босатылу шарттары

Рецепт арқылы

Өндіруші туралы мәліметтер

Jelfa фармзауыты А.Қ.

ul. W.Pola 21, 58-500 Еленя Гура, Польша

Тел./ факс: (+48 75) 752 28 21/(+48 75) 752 44 55

Электронды пошта:Jelfa@valeant.com

Тіркеу куәлігінің ұстаушысы

«Бауш Хелс» ЖШҚ

Ресей, 115162, Мәскеу қ., Шаболовка к-сі, 31 үй, 5 құр.,

Тел./ факс: +7 495 510 2879

Электронды пошта: office.ru@bauschhealth.com

Қазақстан Республикасы аумағында тұтынушылардан дәрілік заттар сапасына қатысты шағымдар (ұсыныстар) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электронды пошта)

«Бауш Хелс» ЖШС

Алматы қ., A26T9G0, Қажымұқан к-сі, 22/5 үй

Телефон + 7 727 3 111 516, факс +7 727 3 111 517

Электронды пошта: office.kz@bauschhealth.com

Қалалар