Линкас 90 мл сироп

Сипаттама

Дәрілік заттың медицинлық қолдану

жөніндегі нұсқаулық

ЛИНКАС

Саудалық атауы

ЛИНКАС

Халықаралық патенттелмеген атауы

Жоқ

Дәрілік түрі

Шәрбат 90 мл, 120 мл, 150 мл

Құрамы

10 мл шәрбаттың құрамында

белсенді заттар:

(қою экстрактілер)

Тамырлы адхатода жапырақтары 163.3 мг

Жалаң мия тамырлары 17.3 мг

Ұзын бұрыш жемістері мен тамырлары 23.3 мг

Жұпар шегіргүл гүлдері 5.6 мг

Дәрілік сайсағыз жапырақтары 11.3 мг

Үлкен түзу қазтабан тамырсабақтары 17.7 мг

Жалпақ жапырақты кордия жемістері 23.3 мг

Дәрілік жалбызтікен жемістері 23.0 мг

Қарапайым зизифус жемістері 23.0 мг

Ілмешекті айлауық жапырақтары 23.0 мг

қосымша заттар: қант, сусыз лимон қышқылы, глицерин, метилпарагидроксибензоат, пропилпарагидроксибензоат, пропиленгликоль, бұрышты жалбыз майы, қалампыр майы, тазартылған су.

Сипаттамасы

Жалбыз дәмі және өзіне тән иісі бар қоңыр түсті шәрбат.

Фармакотерапиялық тобы

Суық тию симптомдары мен жөтелді қайтаруға арналған препараттар. Қақырық түсіретін препараттар. Қақырық түсіретін препараттар біріктірілімі.

АТХ кодыR05CA10

Фармакологиялық қасиеттері

Фармакокинетикасы

Линкас препаратының әсері оның құрамдастарының жиынтық әсері болып табылады, сондықтан кинетикалық бақылау жүргізу мүмкін емес; барлық құрамдастарды бірге маркерлердің немесе биологиялық зерттеулер көмегімен анықтап отыру мүмкіндігі жоқ. Осы себептерден препарат метаболиттерін деанықтаумүмкін емес.

Фармакодинамикасы

Линкас шәрбаты - әсері оның құрамына кіретін құрамдас бөліктердің қасиеттеріне негізделген жиынтық препарат.

Тамырлы адхатода құрамында вазицин, вазицинол мен вазицинонды қоса,эфир майлары, дәрумендер және алкалоидтар бар. Бұл тиімділігі жоғары қосылыстардың муколитикалық (секреттің қоюлығы мен тұтқырлығын төмендетеді), қабынуға қарсы, бронхолитикалық (бронхтар түйілуін басып, тыныс алуды жеңілдетеді) және қақырық түсіретін (альвеолярлы жасушалар қызметін жақсартатын сурфактанттың синтезін көтермелейді, эпителий кірпікшелерінің қозғалғыштығын арттырады және қақырықтың шығарылуын жылдамдатады) қасиеттері бар. Бұдан басқа, тамырлы Адхатода бронхты гистаминнің әсерінен болатын түйілуден қорғай отырып, демікпеге қарсы әсер етеді.

Ұзын бұрыш құрамында пиперин алкалоиды бар; антисептикалық, қабынуға қарсы және қақырық түсіретін әсері бар.

Жалпақ жапырақты кордия антисептикалық, ауыруды басатын және спазмолитикалық әсер береді.

Дәрілік жалбызтікеннің құрамында полисахаридтер, крахмал, пектин, қант, аспарагин, каротин, лецитин, фитостерин, минералды тұздар мен майлар бар. Протектор ретінде әсер ете отырып,тығыз қабыну өңезін (мысалы, көмейдің шырышты қабығындағы өңезді) жұмсартады, қақырықты түсіредіжәне қабынуға қарсы әсер етеді.

Жалаң мияның тамырында және тамырсабағында глицирризин, глицирризин қышқылы, оның калий және кальций тұздары, флавон гликозидтері, дәрумендер, эфир майы, ащы дәмді заттар және басқа қосылыстар бар. Олар иммунитет көтермелейтін, антиоксидантты, қақырық түсіретін, спазмолитикалық, қабынуға қарсы және аллергияға қарсы қасиеттерге ие.

Үлкен түзу қазтабан қақырықты бөліп шығаруы күшті зат болып табылады. Құрамында эфир майлары, камферид, галангин және альпинин бар.

Дәрілік сайсағыз құрамында диосмин бар және қақырықты бөліп шығаратын, терлеткіш, аллергияға қарсы, спазмолитикалық және диуретикалық қасиеттері бар.

Жұпар шегіргүл микробқа қарсы әсер етеді. Ол ыстықты түсіретін (құрамында метилсалицилат бар), тыныштандыратын, спазмолитикалық және қабынуға қарсы қасиеттерге ие. Жөтелді жұмсартады, тітіркенуді басады және қақырықтың жылдам шығарылуына ықпал етеді.

Қарапайым зизифустың құрамында дәрумендер (A, B, C, b-каротин), амин қышқылдары, микроэлементтер, майлар, органикалық қышқылдар бар.

Қақырық түсіретін, сергітетін және бактерияға қарсы қасиеттерге ие, тамақтың ауыруын азайтады. Жоғары тыныс жолдарының қабыну үдерістері кезінде (ларингитте, трахеитте, бронхитте) жұмсартқышжәне жөтелге қарсы әсер етеді.

Ілмешекті айлауық – ыстықты түсіретін және сергітетін әсер береді, ентігудің азаюына ықпал етеді.

Линкас шәрбаты – қақырықтың шығуын жеңілдететін өсімдік тектес препарат, қақырық түсіретін және муколитикалық дәрі ретінде әсер етеді.

Қабынуға қарсы, спазмолитикалық және бронхолитикалық қасиеттері бар. Уыттану симптомдарын әлсіретеді, аллергияға қарсы әсер береді. Дәмі жағымды, құрамында спирт жоқ.

Қолданылуы

• жоғары және төменгі тыныс алу жолдарының қақырық қиын бөлінетін жөтелмен қатар жүретінқабыну ауруларында
• фарингитте, трахеитте, бронхитте
• аллергиялық реакциялар

Қолдану тәсілі және дозалары

Ересектерге: 2 шай қасықтан (10 мл) күніне 3-4 рет

Балаларға: 6 айлықтан 3 жасқа дейін ½ шай қасықтан (2,5 мл) күніне 3 рет

3-тен 8 жасқа дейін 1 шай қасықтан (5 мл) күніне 3 рет

8-ден 18 жасқа дейін 2 шай қасықтан (10 мл) күніне 4 рет

Емделу курсы – 5-7 күн.

Жағымсыз әсерлері

Қолдануға болмайтын жағдайлар

- препарат компоненттеріне жекелей жоғары сезімталдық

- қант диабеті

- экссудативті диатез

- 6 айға дейінгі балаларға

- жүктілік, лактация кезеңі

Дәрілермен өзара әрекеттесуі

Анықталмаған

Айрықша нұсқаулар

Шәрбаттың құрамында қант бар, сондықтан қант диабетімен, экссудативті диатезбен ауыратын науқастар, сондай-ақ калориясы төмен диета кезінде ескеру қажет.

Дәрілік заттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Әсер етпейді

Артық дозалануы

Анықталмаған

Шығарылу түрі және қаптамасы

90 мл препараттан мойны бұрандалы, картон төсемі бар алюминий қалпақшамен тығындалған янтарь шынықұтыларға құйылған. Құтыға заттаңбалық қағаздан жасалған заттаңба жапсырылады. 1 құтыдан өлшеуіш стақанымен медициналық қолдану жөніндегі мемлекеттік және орыс тіліндегі нұсқаулықпен бірге картон қорапқа салынады.

120 мл және 150 мл препараттан балалардың ашып алуынан қорғалған қақпағы бар янтарь түсті шыны құтыға салынған. Құтыға заттаңбалық қағаздан жасалған заттаңба жапсырылады. 1 құтыдан өлшеуіш стақанымен медициналық қолдану жөніндегі мемлекеттік және орыс тіліндегі нұсқаулықпен бірге картон қорапқа салынады.

Сақтау шарттары

25^оС-ден аспайтын температурада сақтау керек.

Балалардың қолы жетпейтін жерде сақтау керек!

Сақтау мерзімі

3 жыл

Қаптамасында көрсетілген жарамдылық мерзімі өткеннен кейін қолдануға болмайды.

Құтыны ашқаннан кейін қолдану кезеңі - 8 апта.

Дәріханалардан босатылу шарттары

Рецептісіз

Өндіруші

«Хербион Пәкістан (Пвт) Лтд», Пәкістан

30/28 Коранги өнеркәсіп аймағы,

Карачи қ, Пәкістан

Тіркеу куәлігінің иесі

«Хербион Пәкістан (Пвт) Лтд», Пәкістан

Қазақстан Республикасы аумағында тұтынушылардан өнім (тауар) сапасына қатысты шағымдарды қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның мекенжайы

«Фармация Юниверсал» ЖШС

Алматы қ. Чаплин /Халиуллин к-сі 71/66

Тел: 234-48-53, 234-44-88 Факс: 234-41-47

E-mail: info.kz@herbion.com

Қалалар