Клотримазол 100 мг № 6 вагин. суппозитории

Сипаттама

Дәрілік затты медициналық қолдану

жөніндегі нұсқаулық

КЛОТРИМАЗОЛ

Саудалық атауы

Клотримазол

Халықаралық патенттелмеген атауы

Клотримазол

Дәрілік түрі

Қынаптық суппозиторийлер

Құрамы

Бір суппозиторийдің құрамында

белсенді зат: 100 мг клотримазол,

қосымша зат: қатты май.

Сипаттамасы

Цилиндроконус пішінді, ақ немесе сарғыштау реңді ақ түсті суппозиторийлер.

Фармакотерапиялық тобы

Гинекологиялық ауруларды емдеуге арналған антисептиктер және микробқа қарсы препараттар. Имидазол туындылары. Клотримазол.

АТХ коды G01AF02

Фармакологиялық қасиеттері

Фармакокинетикасы

Қынап ішіне енгізген кезде клотримазолдың сіңірілуі енгізілген дозасының 3-10 %-ын құрайды. Сіңірілген клотримазол бауырда белсенді емес метаболиттеріне дейін жылдам метаболизденеді және несеппен және нәжіспен шығарылады. 500 мг қынапқа қолданғаннан кейінгі клотримазолдың қан плазмасындағы концентрациясының шыңы 10 нг/мл аз құрайды, бұл, қынап ішіне қолданғанда клотримазол елеулі жүйелі немесе жағымсыз әсерлерге алып келмейді деген фактіні растайды.

Фармакодинамикасы

Клотримазолдың микозға қарсы әсерінің механизмі эргостерол синтезінің бәсеңдеуімен байланысты, бұл цитоплазма жарғақшасының құрылымдық және функционалдық тұрғыдан зақымдануына алып келеді.

Клотримазолдың микозға қарсы in vitro және in vivo белсенділігінің ауқымы кең, дерматофиттерге, ашытқылық, зең саңырауқұлақтарына әсер етеді.

Тиісті тест жүргізу жағдайларында зеңдердің аталған типтері үшін ең төменгі тежегіштік концентрациялары 0,062-8,0 мкг/мл субстраттан азды құрайды.

Концентрациясына байланысты фунгистатикалық және фунгицидтік қасиеттерді иеленеді.

In vitro белсенділігі зеңнің пролиферациялаушы элементтерімен шектеледі, зең спораларының сезімталдығы болар-болмас қана.

Бастапқыда зеңдердің сезімтал түрлерінің резистентті штамдары сирек кездеседі. Сезімтал зеңдерде емдеу кезінде салдарлы резистенттіліктің дамуы әлі күнге дейін өте сирек байқалады.

Қолданылуы

- Candida текті ашытқылық зеңдерден туындаған вагиниттерді емдеу үшін.

Қолдану тәсілі және дозалары

Қынап ішіне.

3 күн бойы күніне 2 рет бір суппозиторийден (100 мг) немесе 6 күн бойы күніне бір рет, кеште ұйықтар алдында бір суппозиторийден (100 мг). Қажет болса, емдеу курсын дәрігермен кеңескеннен кейін қайталайды.

Емдеу етеккір басталғанға дейін аяқталуы тиіс.

Клотримазол препаратымен емдеу кезінде тампондарды, бүркіп шайынуды, спермицидтерді немесе қынап ішіне енгізілетін басқа препараттарды қолданбау керек.

Препаратты қолдану кезінде қынаптық жыныстық қатынастан бас тарту ұсынылады, өйткені инфекция серіктесіне жұғуы мүмкін, және мүшеқаптар сияқты латекс өнімдердің тиімділігі мен қауіпсіздігі төмендеуі мүмкін.

Жағымсыз әсерлері

Жиілігі белгісіз

- аллергиялық реакциялар (есекжем, ентігу, артериялық гипотензия, естен тану),

- жыныс мүшелері аумағындағы терінің қабыршықтануы, қышыну, бөртпе, ісінулер, эритема, жайсыздық, ашыту сезімі, тітіркену, жамбас аумағының ауыруы, қынаптық қан кетулер,

- іштің ауыруы.

Қолдануға бомайтын жағдайлар

- клотримазолға немесе қосымша затына аса жоғары сезімталдық,

- етеккір кезеңі,

- жүктіліктің алғашқы триместрі,

- бала емізу кезеңі,

- 18 жасқа дейінгі балалар.

Дәрілермен өзара әрекеттесуі

Препарат латекс контрацептивтердің зақымдануына алып келуі және сол арқылы олардың тиімділігін әлсіретуі мүмкін. Сондықтан пациенттерді, Клотримазол препаратымен емдеу курсы аяқталғаннан кейін кемінде 5 күн бойы контрацепцияның баламалы әдістерін пайдалану қажеттілігінен хабардар ету керек.

Клотримазолды қынап ішіне және такролимусты ішу арқылы (FK-506; иммуносупрессант) бір мезгілде қолдану такролимустың қан плазмасындағы деңгейінің жоғарылауын туғызуы мүмкін және ондай әсері сирулимуспен бір мезгілде қабылдаған кезде байқалады. Осылайша, такролимустың немесе сиролимуспен артық дозалану симптомдарын анықтау үшін, пациенттерді мұқият бақылау, қажет болған жағдайда, олардың қан плазмасындағы концентрацияларын анықтау керек.

Айрықша нұсқаулар

Егер пациент қынап кандидозының симптомдарын алғаш рет байқаса, ол дәрігерге көрінуі керек.

Егер келесі жағдайлардың кез келгені бар болса, клотримазолдың қынаптық суппозиторийлерін пайдаланбас бұрын, маманның кеңесіне жүгіну қажет:

• соңғы алты ай ішіндегі кандидоздық вагиниттің екеуден көп жағдайы
• осының алдындағы жыныстық жолмен берілетін аурулар жағдайлары
• жүктілік немесе жүкті болуды жоспарлап жүрсеңіз
• 18 жасқа дейінгілер мен 60 жастан асқандар
• имидазолға немесе зеңге қарсы басқа қынаптық препараттарға белгілі аса жоғары сезімталдық

Егер пациентте келесі симптомдардың кез келгені болса, клотримазолдың қынаптық суппозиторийлері пайдаланылмауы тиіс, содан кейін маманның кеңесіне жүгіну қажет:

• қынаптан жүйесіз қан кету
• қынаптан патологиялық қан кету немесе қанды бөліністер
• әйелдің сыртқы жыныс мүшелерінің немесе қынаптың ойық жаралары, күлбіреуіктері немесе жаралары
• іштің төменгі жағының ауыруы немесе дизурия
• шырышты қабықтың емдеумен астасқан қызаруы, тітіркенуі, ісінуі
• қызба немесе қалтырау
• жүрек айнуы немесе құсу
• диарея
• қынаптан жағымсыз иіс шығуы

Егер пациент әйелдің жағдайы бір апта бойы емдегенде жақсармаса, дәрігердің кеңесіне жүгіну керек. Егер 7 күннен кейін симптомдары қайта басталса, Клотримазол қынаптық суппозиторийлерін қайталап қолдануға болады. Егер инфекцияның қайталануы алты ай ішінде екі реттен жиі анықталса, дәрігермен кеңесу қажет.

Балаларда

Қолданылмайды.

Жүктілік және бала емізу

Препаратты жүктіліктің I триместрінде қолдануға болмайды. Жүктіліктің II және III триместрлерінде препарат тек дәрігердің тағайындауымен ғана, анасы үшін күтілетін пайдасы шарана немесе сәби үшін ықтимал қауіптен асып түсетін болса ғана қолданылады.

Препаратты қолдану қажет болса, бала емізуді тоқтату керек.

Дәрілік заттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Препарат көлік құралын немесе қауіптілігі зор механизмдерді басқару қабілетіне әсер етпейді немесе болар-болмас әсер етеді.

Артық дозалануы

Препараттың сіңірілуі төмен болғандықтан, қынап ішіне қолданғанда артық дозалану ықтималдығы аз.

Препарат байқаусызда ішке қолданылған жағдайда, мынадай симптомдар болуы мүмкін: бас айналуы, жүреу айнуы немесе құсу.

Емі: спецификалық антидоты жоқ. Қажет болса – симптоматикалық ем.

Шығарылу түрі және қаптамасы

6 суппозиторийден полиэтиленмен ламинацияланған поливинилхлорид үлбірден жасалған пішінді ұяшықты қаптамада.

1 пішінді ұяшықты қаптама медициналық қолдану жөніндегі мемлекеттік және орыс тілдеріндегі нұсқаулықпен бірге картоннан жасалған қорапшаға салынады.

Сақтау шарттары

Құрғақ, жарықтан қорғалған жерде, 25 °С-ден аспайтын температурада сақтау керек.

Мұздатып қатыруға болмайды.

Балалардың қолы жетпейтін жерде сақтау керек!

Сақтау мерзімі

3 жыл.

Жарамдылық мерзімі өткеннен кейін қолдануға болмайды.

Дәріханалардан босатылу шарттары

Рецептісіз.

Өндіруші

ФАРМАПРИМ ЖШҚ

Кринилор к-сі, 5, Порумбень а., Криулень ауданы, Молдова Республикасы, MD-4829

Тіркеу куәлігінің иесі

ФАРМАПРИМ ЖШҚ, Молдова Республикасы

Қазақстан Республикасы аумағында тұтынушылардан өнім (тауар) сапасына қатысты шағымдарды қабылдайтын, дәрілік заттың тіркеуден кейінгі қауіпсіздігін қадағалауға жауапты ұйымның мекенжайы

«ФАРМАПРИМ СРЛ» фирмасының Қазақстан Республикасындағы өкілдігі, Алматы қ., Гоголь к-сі, 86, 528 кеңсе, тел./fax +7 727 279 65 18,

ұялы тел. +77772424649, tatiana.abdulkhairova@farmaprim.md

Қалалар