Катария 5,6 г №6, саше

Сипаттама

Дәрілік затты медициналық қолдану

жөніндегі нұсқаулық

КАТАРИЯ^®

Саудалық атауы

КАТАРИЯ^®

Халықаралық патенттелмеген атауы

Жоқ

Дәрілік түрі

Түйіршіктер, 4.0 г/5.6 г

Құрамы

Бір саше құрамында

белсенді зат – натрий цитраты 4.0 г,

қосымша заттар: сахароза, натрий сахарині, мүкжидек дәмдік қоспасы 191121.

Сипаттамасы

Жағымды иісі бар, сусымалы, ақ немесе ақ дерлік түйіршіктер.

Фармакотерапиялық тобы

Несеп-жыныс жүйесі және жыныс гормондары. Урологиялық препараттар. Урологиялық ауруларды емдеуге арналған басқа препараттар.

АТХ коды G04BХ

Фармакологиялық қасиеттері

Фармакодинамикасы

Натрий цитраты цистит кезінде байқалатын дизурия регрессиясына ықпал ететін бикарбонатқа метаболизденеді, сілтіленуді туындата отырып несептің қышқылдығын азайтады.

Қолданылуы

- әйелдерде цистит симптомдарын жеңілдетуде

Қолдану тәсілі және дозалары

Әйелдер (ересектер)

Бір саше ішіндегісін бір стақан суда еріту керек.

1 сашеден тәулігіне 3 рет 48 сағат ішінде ішке қабылдау керек.

Дайындалған ерітіндіні бірден пайдалану қажет.

Ерлер және балалар

Ұсынылмайды.

Жағымсыз әсерлері

Бірлі-жарым жағдайларда

– тері бөртулері, іштің ауыруы

Қолдануға болмайтын жағдайлар

- натрий цитратына және препараттың қосымша компоненттеріне жоғары сезімталдық

- қант диабеті

- жүрек аурулары, артериялық гипертензия

- бүйрек аурулары немесе тұзы аз диета ұстанып жүрген пациенттерге

- 18 жасқа дейінгі балалар және жасөспірімдер

Дәрілермен өзара әрекеттесуі

Литий қабылдайтын пациенттер құрамында натрий бар препараттарды қабылдаудан аулақ болу керек, өйткені натрий көбіне бүйрекпен сіңіріледі, бұл литий бөлінудің ұлғаюына және плазмадағы деңгейінің төмендеуіне әкеледі.

Несептік сілтілендіргіштер гексаминмен қолданылмауы тиіс, өйткені ол қышқыл несепте ғана тиімді.

Бірқатар дәрілердің әсері өнімдегі белсенді ингредиенттер туындатқан несептің сілтіленуі мен асқазан рН төмендеуі арқылы азайтылуы немесе артуы мүмкін.

Айрықша нұсқаулар

Егер симптомдар емнің екі күнінен кейін де сақталатын болса, дәрігерге көріну қажет.

КАТАРИЯ^® құрамында әр пакетте 939 мг натрий (ас тұзының негізгі компоненті) бар. Бұл ересектер үшін күнделікті тұтынуға ұсынылатын ең жоғары натрий мөлшерінің 47% баламалы.

Жүктілік және лактация

Жүктілік және бала емізу кезінде қолдануға болмайды.

Дәрілік заттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Анықталмаған.

Артық дозалануы

Препараттың артық дозалануы жағдайында симптоматикалық ем жүргізу қажет.

Шығарылу түрі және қаптамасы

5.6 г препарат сашеге салынған.

6 саше медициналық қолдану жөніндегі мемлекеттік және орыс тілдеріндегі нұсқаулықпен бірге картон қорапшаға салынады.

Сақтау шарттары

Құрғақ, жарықтан қорғалған жерде, 25ºС-ден аспайтын температурада сақтау керек.

Балалардың қолы жетпейтін жерде сақтау керек!

Сақтау мерзімі

3 жыл

Жарамдылық мерзімі өткеннен кейін қолдануға болмайды.

Дәріханалардан босатылу шарттары

Рецептісіз

Өндіруші

Кусум Хелткер Пвт. Лтд.,

СП 289 (А), Риико Индл. Ареа, Чопанки, Бхивади (Радж.), Үндістан

Қазақстан Республикасы аумағында тұтынушылардан дәрілік заттың сапасына қатысты шағымдарды (ұсыныстарды) қабылдайтын ұйымның атауы, мекенжайы және байланыс деректері (телефон, факс, электронды поштасы)

«Дәрі-Фарм (Қазақстан)» ЖШС,

заңды мекенжайы: Алматы қ., Достық даңғ., 117/6, «Хан-Тәңірі» БО

орналасқан мекенжайы: Алматы қ., Достық даңғ., 117/6, «Хан-Тәңірі» БО.

Телефон/факс: 295-26-50

E-mail: claims@kusum.kz

Қазақстан Республикасы аумағында дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электронды поштасы)

«Дәрі-Фарм (Қазақстан)» ЖШС, Алматы қ., Достық даңғ., 117/6, «Хан-Тәңірі» БО. Телефон/факс: 295-26-50

Электрондық пошта: phv@kusum.kz

Қалалар