Геделикс 100 мл сироп

Сипаттама

Дәрілік затты медициналық қолдану жөніндегі нұсқаулық

Геделикс^®

Саудалық атауы

Геделикс^®

Халықаралық патенттелмеген атауы

Жоқ

Дәрілік түрі

Шәрбат, 100 мл

Құрамы

100 мл шәрбаттың құрамында

белсенді зат – шырмауық жапырақтары экстрактісі (2.2 - 2.9:1)0.8000 г,

қосымша заттар: макрогол глицерингидроксистеараты, жұлдызды анис майы, гидроксиэтилцеллюлоза, сорбитолдың 70 % ерітіндісі, пропиленгликоль, глицерин, тазартылған су.

Сипаттамасы

Сарыдан сары-қоңыр түске дейінгі өзіне тән иісі бар қоюлау сұйықтық. Бұлыңғырлануы және шөгінді түсуі мүмкін, бұл препараттың сапасына және әрекетіне әсер етпейді.

Фармакотерапиялық тобы

Респираторлық жүйе. Жөтел және суық тию аурулары кезінде қолданылатын препараттар. Экспекторанттар, жөтелді бәсеңдететін біріктірілімді қоспағанда. Қақырық түсіретін препараттар. Шырмауық жапырақтарының экстрактісі.

ATХкоды R05CA12

Фармакологиялық қасиеттері

Фармакокинетикасы

Фармакокинетикасы бойынша деректер жоқ.

Фармакодинамикасы

Өсімдік текті дәрілік зат.

Қақырық түсіретін әсері, бронхтың шырышты қабығының секреторлық бронх безіпарасимпатикалық жүйенің сезімтал талшықтары арқылы рефлекторлы стимуляцияланып, асқазанның шырышты қабығын тітіркендірумен жүзеге асады деп болжанады.

Қолданылуы

- тыныс алу жолдарының жедел қабыну ауруларын кешенді емдеуде

- бронхтың созылмалы қабыну ауруларын симптоматикалық емдеуде.

Қолдану тәсілі және дозалары

Ішуге арналған.

Геделикс^® шәрбатын сұйылтпай қабылдау және сұйықтықтың жеткілікті мөлшерімен ішу (дұрысы су) ұсынылады.

Қабылдау ұзақтығы:

Емдеу ұзақтығын дәрігер жекелей анықтайды. Жеңіл жағдайларда емдеу ұзақтығы 1 аптаны құрайды. Егер пациент жағдайының жақсаруы басталмаса, әрі қарай емдеуге қатысты дәрігерге қаралу керек.

Қоса берілген дозалағыш қасықтың көмегімен ішке қолданады:

Ересектер мен егде пациенттерге, 11-18 жас аралығындағы балаларға:

1 өлшегіш қасық (5 мл) шәрбаттан тәулігіне 3 рет

6-11 жас аралығындағы балаларға:

½ өлшегіш қасық (2,5 мл) шәрбаттан тәулігіне 3 рет

2-6 жас аралығындағы балаларға:

½ өлшегіш қасық (2,5 мл) шәрбаттан тәулігіне 2 рет

Жағымсыз әсерлері

Өте сирек

- аллергиялық реакциялар: ентігу, ісінулер, тері қызаруы, қышыну, Квинке ісінуі, есекжем, экзантема

Сирек

- жүрек айнуы, құсу, сезімталдығы жоғары пациенттерде іш өтуі

Келтірілген жағымсыз реакциялардың немесе бұл нұсқаулықта көрсетілмеген жағымсыз әсерлердің бірінің анық байқалуы жағдайында бұл туралы Сіз өз дәрігеріңізге немесе фармацевтке хабарлаңыз.

Қолдануға болмайтын жағдайлар

- шырмауық жапырағының экстрактісіне, Арал тұқымдастарының өсімдіктеріне немесе Геделикс^® шәрбаты препаратының басқа компоненттеріне жоғары сезімталдық (аллергиялар)

-жүктілік және лактация кезеңі

- тыныс алу симптомдарының нашарлау қаупіне байланысты 2 жасқа дейінгі балалар

- аргининсукцинатсинтетаза ферментінің тапшылығы (мочевина алмасу циклының бұзылуы). Жекелеген жағдайда 5 айлық балада құрамында сол әсер етуші зат бар препаратты қабылдаумен тығыз уақыттық байланыста дамыған болжамды аргининсукцинатсинтетаза жеткіліксіздігі симптомдарының қайталанатын көріністері байқалды.

- тұқым қуалайтын фруктозаны көтере алмаушылығымен пациенттерде.

Дәрілермен өзара әрекеттесуі

Осы уақытқа дейін басқа дәрілік заттармен өзара әрекеттесуі туралы белгісіз.

Айрықша нұсқаулар

Ерекше сақтық шаралары талап етілмейді.

Препараттың ұсынылатын тәуліктік дозасын асырмау керек.

Егер ауру симптомдары жоғалмаса немесе ентігу, дене температурасының жоғарылауы, сондай-ақ жөтелгенде іріңді немесе қанды қақырық пайда болса дереу дәрігерден кеңес алу керек.

Қант диабетімен науқастар үшін нұсқаулар:

Геделикс^® шәрбатының құрамында қант және алкоголь жоқ, және сондықтан қант диабетімен науқастарға және алкоголь қабылдауға болмайтын пациенттерге қолдануға ыңғайлы.

5 мл Геделикс шәрбатының құрамында 1,75 г сорбит бар (бұл 0,44 г фруктозаға сай келеді).

Педиатрияда қолданылуы

2-4 жастағы балаларда қолдану дәрігердің ұсынысын талап етеді.

Дәрігердің кеңесінсіз жөтелге қарсы препараттармен, мысалы кодеинмен немесе декстрометорфанмен бір уақытта қолдану ұсынылмайды. Гастриті немесе асқазан ойықжарасы бар пациенттерге сақтықпен қолданылады.

Дәрілік препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Ерекше сақтық шаралары талап етілмейді.

Артық дозалануы

Препаратты үш еселі тәуліктік дозадан асатын үлкен мөлшерде қабылдау жүрек айнуын, құсу, диарея және қозу туындатуы мүмкін.

Емі: симптоматикалық.

Шығарылу түрі және қаптамасы

100 мл препараттан бірінші ашылуына бақылауы бар, бұралып жабылатын пластик қақпағы бар қоңыр шыны құтыларға құйылады.

1 құтыдан медициналық қолдану жөніндегі мемлекеттік және орыс тілдеріндегі нұсқаулықпен және дозалайтын қасықпен бірге картон қорапқа салынған.

Сақтау шарттары

25 ºС-денаспайтын температурада сақтау керек.

Балалардың қолы жетпейтін жерде сақтау керек!

Сақтау мерзімі

5 жыл

Құтыны ашқаннан кейінгі қолдану кезеңі - 6 ай.

Жарамдылық мерзімі өткеннен кейін қолдануға болмайды.

Дәріханалардан босатылу шарттары

Рецептісіз

Өндіруші

«Кревель Мойзельбах ГмбХ»

Кревельштрассе 2

53783 Айторф

Германия

Тіркеу куәлігінің ұстаушысы

«Кревель Мойзельбах ГмбХ», Германия

Қазақстан Республикасы аумағында тұтынушылардан дәрілік заттардың сапасына қатысты шағымдарды (ұсыныстарды) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электронды пошта):

«КФК «Медсервис Плюс» ЖШС

050004, Қазақстан Республикасы, Алматы қ., Мәметова к-сі, 54

Телефон/Факс:(727) 279 98 21

E-mail: pharmanadzor@medservice.kz

Қалалар