Фарматекс №12, вагин. табл.

Сипаттама

Дәрілік затты медициналық қолдану

жөніндегі нұсқаулық

ФАРМАТЕКС^®

Саудалық атауы

Фарматекс^®

Халықаралық патенттелмеген атауы

Миристалконий хлориді

Дәрілік түрі

Қынаптық таблеткалар

Құрамы

белсенді зат: 20,0 мг миристалконий хлориді

қосымша заттар: натрий гидрокарбонаты, сусыз лимон қышқылы, кремнийдің коллоидты сусыз қостотығы, магний стеараты, микрокристалды целлюлоза, лактоза моногидраты, макрогол 6000

Сипаттамасы

Ортасында саңылауы бар дөңгелек ақ таблеткалар

Фармакотерапиялық тобы

Гинекологиялық ауруларды емдеуге арналған басқа препараттар. Жергілікті қолдануға арналған контрацептивтер. Қынапішілік контрацептивтер.

АТХ коды G02BB

Фармакологиялық қасиеттері

Фармакокинетикасы

Миристалконий хлориді қынаптың шырышты қабығына сіңбейді. Ол қынап жақтаулары беткейіне ғана сіңіріледі және одан кейін қалыптыфизиологиялық бөліністермен шығарылады немесесумен жай ғана жуып-шаюмен кетіріледі.

Фармакодинамикасы

Миристалконий хлориді бір мезгілде спермицид және антисептик болып табылады. Әсер етуші зат сперматозоидтар жарғақшаларын ыдыратады. Сперматозоидтардың ыдырауы екі сатыда жүреді: басында жіпшенің ыдырауы, содан соң бас жағының жарылуы жүреді, бұл ұрықтанудың мүмкін болмауына негіз болады.

Әдістің тиімділігі қолдану жөніндегі ұсынымдардың дұрыстығына және дәл сақталуына байланысты.

Сапрофитті флора контрацептив әсерімен өзгермейді – Фарматекс^® лактобацилдердің (Додерляйн таяқшалары) мөлшеріне әсер етпейді.

Фарматекс^® гормональді препарат емес болғандықтан етеккір оралымына, либидо, фертильдікке әсер етпейді.

Миристалконий хлориді сондай-ақ антисептикалық белсенділік байқатады:

• in vitro, препарат жыныстық жолмен берілетін инфекция қоздырғыштарына қатысты белсенді, атап айтқанда: Neisseria gonorrhoeae, Chlamydia spp., Herpes simplex 2 типі, АИТВ, Trichomonas vaginalis, Staphylococcus aureus. Дегенмен, ол Mycoplasma spp. қатысты белсенді емес және Gardnerella vaginalis, Candida albicans, Haemophilus ducreyi және Treponema pallidum қатысты белсенділігі төмен;
• in vivo, кейбір элементтер жыныстық жолмен берілетінкейбір аурулар қоздырғыштарына қатысты белсенді. Профилактикалық дәрі ретінде қолдану жөніндегі ақпарат жоқ.

Қолданылуы

Оған қарсы көрсетілімдері болмаса, ұрпақ өрбіту жасындағы кез келген әйелге арналған жергілікті контрацепция, сондай-ақ мынадай жағдайларда:

- гормональді контрацептивтер немесе жатырішілік спиральдар (ЖІС) қолдануға уақытша немесе нақты қарсы көрсетілімдер болғанда

- босанудан кейінгі кезең және бала емізу кезінде

- менопауза алдындағы кезеңде

- жүктіліктен эпизодты сақтану қажеттілігінде

- қынаптық диафрагма, цервикальді қалпақша немесе жатырішілік спираль пайдаланылғанда (әсіресе, қабынуға қарсы стероидты емес дәрілер сияқты дәрілік препараттарды ұзақ қолданғанда) қосымша жергілікті контрацепция ретінде.

- ішуге арналған гормональді контрацептивтер қабылдауды өткізіп немесе кешіктіріп алғанда қосымша контрацепция әдісі ретінде.Мұндай жағдайда контрацепцияның екі әдісін де етеккір оралымының қалған күндері бойына бірге қолдану ұсынылады.

Қолдану тәсілі және дозалары

Қынапқа қолдануға арналған.

Шалқасынан жатқан қалыпта, жыныстық қатынасқа дейін 10 минуттан кешіктірмей суға шыланған таблетканы қынап ішіне терең енгізеді. Препараттың әсер ету ұзақтығы – 3 сағат. Әр қайталанатын жыныстық қатынас алдында міндетті түрде жаңа таблетка енгізіледі.

Бір реттік доза: бір таблетка бір жыныстық қатынасқа есептелген. Пайдалану жиілігі әсер етуші заттың жекелей субъективті көтерімділігімен және жыныстық қатынастар жиілігімен шектелген.

Фарматексті қынаптық диафрагмамен немесе ЖІС-мен бірге қолдануға болады.

Жыныстық актіден кейін бірден сыртқы жыныс мүшелерін жай сумен ғана жууға болады.

Жағымсыз әсерлері

- Жұптастардың біреуінде немесе екеуінде де болатын аллергиялық реакциялар, жанаспалы дерматит, қышыну және ашыту.

Бұлар білінген жағдайда Фарматексті қолдануға болмайды.

Қолдануға болмайтын жағдайлар

- препарат компоненттеріне жоғары сезімталдық

- кольпит,вагинит

- қынап пен жатырдың шырышты қабығының ойық жаралануы және тітіркенуі

- психикасы бұзылған тұлғаларда немесе контрацептив пайдалануға кедергі келтіретін, жыныс мүшелеріне жасалатын кез келген араласуларға жол бермейтін тұлғаларда Фарматексті дұрыс қолдану мүмкін болмағанда

- контрацепцияның осы түрін түсінбейтін немесе келіспейтін кез келген тұлғаға

Дәрілермен өзара әрекеттесуі

Қынапқа енгізілген кез келген дәрі Фарматекстің жергілікті спермицидтік әсерінің белсенділігін жоя алады. Әсер етуші зат – миристалконий хлориді сабынмен ыдырайды, сондықтан жыныс мүшелерін жуып-шаюға, тіпті өте аз мөлшерде де сабынды пайдалануға тыйым салынады.

Айрықша нұсқаулар

Фарматекс® оны дұрыс қолданған жағдайда жүктіліктен сақтануда тиімді препарат болып табылады. Алайда, спермицидтік жергілікті контрацепцияның, гормональді контрацепциямен, жатырішілік контрацептивтермен, диафрагмамен, цервикальді қалпақша немесе мүшеқаппен салыстырғанда әрқашан тиімділігі аздау. Контрацепцияның тиімділігі тек қана оны пайдалану ережелерін қатаң қадағалауға байланысты.

• Әр жыныстық қатынас алдында жүйелі түрде қолдану керек.
• Жыныстық қатынастан 2 сағат бұрын және жыныстық қатынастан кейінгі 2 сағат ішінде жыныс мүшелерін жуып-шаю үшін сабынды пайдалануға тыйым салынады, өйткені сабын, тіпті қалдық мөлшерінде де Фарматекстің әсер етуші затын ыдыратады.
• Жыныстық қатынастан кейін бірден жыныс мүшелерінің сыртынан ғана тек жай сумен жуып-шаюға болады. Қынапты бүркіп-шаймас бұрын жыныстық қатынастан кейін 2 сағат күте тұру керек.
• Қынапқа енгізілген Фарматекспен, оның контрацептивтік әсерінің төмендеуін болдырмас үшін, ванна қабылдауға, теңізде, бассейнде және су қойнауларында шомылуға болмайды.
• Егер қынап ауруларын емдеу қажеттілігі туындаған және/немесе қынаптық кез келген басқа дәрілік зат тағайындалған жағдайда Фарматекс көмегімен контрацепцияны жаңғыртпас (бастау) бұрын, емнің аяқталуын күте тұру қажет.
• Контрацепцияның бұл әдісі жыныс жолымен берілетін немесе адамныңиммунтапшылығы вирусы туындатқан инфекциялардан қорғамайды. Мұндай аурулардан қорғайтын бөгеттік контрацепцияның бір ғана әдісі бар – ол мүшеқап.

Жүктілік және лактация кезеңі

Жүктілік кезінде препаратты пайдалануға байланысты қандай да бір зиянды әсері анықталмаған: әсер етуші заттың өзінің тератогенді қасиеттерінің сараптамасы сияқты, соңғы өнімінің де тератогенді қасиеттерінің сараптамасы теріс нәтижелер берді.

Ана сүтіне өтуі қандай да болмасын белгілі жайсыз зардаптарсыз, өте елеусіз мөлшерде болуы мүмкін. Препаратты бала емізу кезеңінде қолдануға болады.

Дәрілік заттардың көлік құралын немесе қауіптілігі зор механизмдерді басқару қабілетіне әсер ету ерекшеліктері

Әсер етпейді.

Артық дозалануы

Анықталмаған.

Шығарылу түрі және қаптамасы

12 таблеткадан силикагельді полиэтиленнен жасалған тығынмен жабылған пилипропиленді тубаға салынған.

1 тубадан медициналық қолдану жөніндегі мемлекеттік және орыс тілдеріндегі нұсқаулықпен бірге картон қорапшаға салынады.

Сақтау шарттары

30°С-ден аспайтын температурада сақтау керек.

Балалардың қолы жетпейтін жерде сақтау керек!

Сақтау мерзімі

3 жыл

Қаптамасында көрсетілген жарамдылық мерзімі өткеннен кейін пайдалануға болмайды.

Дәріханалардан босатылу шарттары

Рецептісіз

Өндіруші

Иннотера Шузи, Рю Рене Шантеро, Шузи-Сюр-Сис, 41150 Валуар-сюр-Сис, Франция

Қаптаушы ұйым

Страдис, Франция

Тіркеу куәлігінің иесі

Иннотек Интернасиональ Зертханасы, Франция

Қазақстан Республикасы аумағында тұтынушылардан өнімнің (тауар)сапасына қатысты шағымдардықабылдайтын және дәрілік заттыңтіркеуден кейінгі қауіпсіздігін қадағалауға жауапты ұйымның мекенжайы

«Иннотек Интернасиональ С.А.С. Зертханасы» ҚР өкілдігі 050059, Қазақстан Республикасы, Алматы қ., Әл-Фараби д-лы, 17, «Нұрлы тау» бизнес орталығы, 4 Б блок, 606 кеңсе, тел./факс: +7-727-311-09-71, +7-727-311-09-72, электронды пошта: innotech@ innotech.kz

Қалалар