Біздің компаниямыз жайлы жалпы ақпарат.
Дәрілік препаратты медициналық қолдану
жөніндегі нұсқаулық (Қосымша парақ)
Саудалық атауы
Цитрамон П
Халықаралық патенттелмеген атауы
Жоқ
Дәрілік түрі, дозасы
Таблеткалар
Фармакотерапиялық тобы
Жүйке жүйесі. Анальгетиктер. Басқа анальгетиктер және антипиретиктер. Салицил қышқылы мен оның туындылары. Басқа препараттармен біріктірілген ацетилсалицил қышқылы (психолептиктерді қоспағанда).
АТХ коды N02BА51
Қолданылуы
Қолдануды бастағанға дейін қажетті мәліметтер тізбесі
Қолдануға болмайтын жағдайлар
- препарат компоненттеріне аса жоғары сезімталдық
- асқыну фазасындағы асқазан мен он екі елі ішектің ойық жара ауруы
- асқазан-ішектен қан кету (оның ішінде анамнезде)
- бауыр және/немесе бүйрек функциясының айқын бұзылуы, подагра
- геморрагиялық диатез, гипокоагуляция
- мол қан кетумен қатар жүретін хирургиялық араласулар
- глюкоза-6-фосфатдегидрогеназа тапшылығы
- глаукома
- ацетилсалицил қышқылын, салицилаттар және басқа да қабынуға қарсы стероидты емес дәрілерді қабылдаумен индукцияланған демікпе
- жоғары қозғыштық, ұйқының бұзылуы
- жүрек-қантамыр жүйесінің органикалық аурулары (оның ішінде жедел миокард инфарктісі, атеросклероз)
- айқын артериялық гипертензия
- портальді гипертензия
- К авитаминозы
- гипопротеинемия
- 15 жасқа дейінгі балалар
-жүктілік және лактация кезеңі
Қолдану кезінде қажетті сақтық шаралары
Препаратты ауыруды басатын дәрі ретінде 5 күннен, ыстық түсіретін дәрі ретінде 3 күннен артық, дәрігердің кеңесі мен бақылауынсыз қолдануға болмайды.
Басқа дәрілік препараттармен өзара әрекеттесуі
Препарат гепарин және тікелей әсер етпейтін антикоагулянттар, гипогликемиялық дәрілер, сульфанилмочевина туындылары, инсулиндер, метотрексат, фенитонин, вальпрой қышқылының әсерін күшейтеді.
Диуретиктердің, урикозуриялық подаграға қарсы дәрілік заттардың әсерін азайтады.
Препарат қабынуға қарсы стероидты емес дәрілердің (метотрексатпен бірге жағымсыз әсерлердің даму қаупін арттырады), кальций антагонистерінің жағымсыз әсерін күшейтеді.
Гепатоуытты әсер ету қаупінің жоғарылауымен байланысты барбитураттармен, құрысуға қарсы заттармен, рифампицин салициламидпен және алкогольмен бір мезгілде қабылдауға болмайды.
Метоклопрамид парацетамолдың сіңуін жеделдетеді.
Парацетамолдың әсерімен хлорамфениколдың жартылай шығарылу кезеңі 5 есеге артады. Парацетамол қайта қабылданған кезде антикоагулянттардың (дикумарин туындылары) әсерін күшейтуі мүмкін.
Кофеин эрготамин сіңуін жеделдетеді.
Препаратты және құрамында спирт бар сұйықтықтарды бір мезгілде қабылдаған кезде бауырдың уытты зақымдану қаупі артады.
Арнайы ескертулер
Препаратты бронх демікпесіне және подаграға шалдыққан науқастарға сақтықпен тағайындаған жөн.
Препаратты 15 жасқа дейінгі балаларға, әсіресе желшешек және ЖРВИ аясындағы тұмауда Рейе синдромы даму қаупінің жоғары болуына байланысты тағайындауға болмайды.
Егде жаста және бауыр немесе бүйрек функциясы бұзылғанкезде сақтықпен тағайындау керек.
Препарат қабылдап жүрген кезде алкоголь қабылдаудан тартына тұрған жөн.
Цитрамон П препаратын құрамында парацетамол бар басқа да препараттармен қабылдауға болмайды.
Цитрамон П препаратымен емдеу кезінде қан плазмасында глюкоза деңгейінің артуы және гликемиялық бейінді анықтау нәтижелерінің бұрмалануы мүмкін.
Педиатрияда қолдану
15 жастан кіші балаларға қолдануға болмайды.
Жүктілік немесе лактация кезінде
Жүктілік кезінде және лактация кезеңінде Цитрамон П препаратын қолданбаған жөн.
Дәрілік заттың көлік құралдарын жүргізу немесе қауіптілігі зор механизмдерді басқару қабілетіне әсер ету ерекшеліктері
Цитрамон П емдік дозада автомобиль немесе қауіптілігі зормеханизмдерді басқару қабілетіне әсер етпейді.
Қолдану жөніндегі нұсқаулар
Бауыр немесе бүйрек функциясы бұзылуында қабылдау арасындағы аралық кем дегенде 8 сағат болуы тиіс.
Қолдану тәсілі мен жолы
Препаратты астан кейін көп мөлшердегі сұйықтықпен ішке (пероральді) қабылдау керек.
Артық дозаланған жағдайда қолданылуы қажет шаралар
Симптомдары: асқазанның ауыруы, жүрек айну, құсу, тершеңдік, тері жабынының бозаруы, бас айналу, құлақтағы шуыл.
Ауыр жағдайларда мәңгіру, ұйқышылдық, коллапс, құрысулар, бронх түйілуі, тахикардия, анурия, қан кету байқалады.
Емі: асқазанды белсендірілген көмір қосылған сумен шаю, симптоматикалық ем жүргізу, зат алмасу жағдайына байланысты – натрий гидрокарбонатын, натрий цитратын немесе натрий лактатын енгізу, бұл ацетилсалицил қышқылын несепті сілтілеу есебінен шығаруды күшейтеді.
Дәрілік препаратты қолдану тәсілін түсіндіру үшін медициналық қызметкерге кеңес алу үшін жүгіну бойынша ұсынымдар
Бүкіл қосымша парақты мұқият оқып шығыңыз. Егер Сізге дәрілік препаратты қолдану тәсілі түсініксіз болса, медицина қызметкерінің кеңесіне жүгінуді ұсынамыз.
ДП стандартты қолдану кезінде көрініс беретін жағымсыз реакциялар сипаттамасы және осы жағдайда қабылдау керек шаралар
Жағымсыз құбылыстардың жиілігін анықтау мынадай критерийлерге сәйкес жүргізіледі: өте жиі (≥ 1/10), жиі (≥ 1/100-ден < 1/10 дейін), жиі емес (≥ 1/1000-нан < 1/100 дейін), сирек (≥ 1/10000-нан < 1/1000 дейін), өте сирек (< 1/10000), белгісіз (қолда бар деректердің негізінде бағалау мүмкін емес)
жиі
– жүрек айну және іштегі жайсыздық;
– бас айналудың дамуы, күйгелектік.
жиі емес
– аритмияның өршуін, жүректің жиырылу жиілігінің (ЖЖЖ) артуы;
– ауыздың құрғауы, диарея, құсу, тәбеттің төмендеуі;
– бас ауыруының дамуы, парестезия, тремор, ұйқысыздық, құлақта шуылдың пайда болуы, жоғары қозғыштық немесе шаршағыштық туындауы.
сирек
– гиперемия, шеткері қан айналымы бұзылуы;
– гиповентиляция, ринорея, мұрыннан қан кету;
– дәм бұзылысы, гиперестезия, мұрын маңы қойнаулары ауруы;
– эйфориялық күй, үрейлену, ішкі ширығу;
– көздің бұзылулары;
– арқа және/немесе мойын ауыруы,бұлшықеттердің түйілуі, қаңқа-бұлшықет сіресулері;
– гипергидроз, есекжем, қышыну;
– кеудедегі ауырлық, астенияның дамуы.
Жағымсыз дәрілік реакциялар туындаса медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаларды қоса,дәрілік препараттарға жағымсыз реакциялар (әсерлер) бойынша ақпараттық деректер базасына тікелей хабарласыңыз:
Қазақстан Республикасы Денсаулық сақтау министрлігі Тауарлар мен көрсетілетін қызметтердің сапасы мен қауіпсіздігін бақылау комитеті «Дәрілік заттарды және медициналық бұйымдарды сараптау ұлттық орталығы» РМК ШЖҚ
немесе
«Эйкос-Фарм» ЖШС, Қазахстан Республикасы, Алматы қ., Нусупбеков көшесі, 32
Тел: + 7 (727) 397 64 29, + 7 (727) 329 66 07
факс: + 7 (727) 250 71 78
Электронды пошта: pharm@eikos.kz
Қосымша мәліметтер
Бір таблетканың құрамында
Белсенді заттар: парацетамол 180.0 мг;
ацетилсалицил қышқылы 240.0 мг;
кофеин 30.0 мг.
Қосымша заттар: картоп крахмалы, поливинилпирролидон, кальций стеараты, какао, этил спирті*, лимон қышқылы.
*- өндіріс барысында буға айналады
Сыртқы түрінің, иісінің, дәмінің сипаттамасы
Ашық-қоңыр түсті, дөңгелек, жалпақ, теңбілді, шеттері қиғашталған, бір жағында сындыруға арналған кертігі бар, какао иісті таблеткалар.
10 таблеткадан екі жағы полимермен жабындалған қаптамалық қағаздан жасалған пішінді ұяшықсыз қаптамаға салынады. 250 пішінді ұяшықсыз қаптамадан медициналық қолдану жөніндегі қазақ және орыс тілдеріндегі нұсқаулықпен бірге картон қорапқа (топтық қаптама) салынады.
10 таблеткадан поливинилхлоридті үлбірмен жабылған алюминий фольгадан жасалған пішінді ұяшықсыз қаптамаға салынады. Поливинилхлоридті үлбірмен жабылған алюминий фольгадан жасалған 200 пішінді ұяшықсыз қаптамадан медициналық қолдану жөніндегі қазақ және орыс тілдеріндегі нұсқаулықпен бірге картон қорапқа (топтық қаптама) салынады.
3 жыл
Жарамдылық мерзімі өткеннен кейін қолдануға болмайды.
Сақтау шарттары
Құрғақ, жарықтан қорғалған жерде 25˚С-денаспайтын температурада сақтау керек.
Балалардың қолы жетпейтін жерде сақтау керек!
Дәріханалардан босатылу шарттары
Рецептісіз
Өндіруші туралы мәліметтер
«Эйкос-Фарм» ЖШС, Қазақстан Республикасы, Алматы облысы, Іле ауданы, Энергетический а.о., Өтеген батыр а., көшесі Титов, №8 үй, 2
Тіркеу куәлігінің ұстаушысы
«Эйкос-Фарм» ЖШС, Қазахстан Республикасы, Алматы облысы, Іле ауданы, Энергетический а.о., Өтеген батыр а., көшесі Титов, №8 үй, 2
Тел: + 7 (727) 397 64 29, + 7 (727) 329 66 07
факс: + 7 (727) 250 71 78
Электронды пошта: pharm@eikos.kz
Қазақстан Республикасы аумағында тұтынушылардан дәрілік заттың сапасына қатысты шағымдарды (ұсыныстарды) қабылдайтын ұйымның атауы, мекенжайы және байланыс деректері (телефон, факс, электронды пошта)
«Эйкос-Фарм» ЖШС
Кеңсенің мекенжайы: Қазақстан Республикасы, Алматы қ., Нүсіпбеков көшесі, 32
тел: + 7 (727) 397 64 29, + 7 (727) 329 66 07
факс: + 7 (727) 250 71 78,
e-mail: pharm@eikos.kz