Беллс лимон №16, пастилки

Сипаттама

Дәрілік препаратты медициналық қолдану

қолдану жөніндегі нұсқаулық (Қосымша парақ)

Саудалық атауы

Беллс, жөтелге қарсы өсімдік пастилкалары, лимон дәмі бар, бал-лимон дәмі бар, апельсин дәмі бар, классикалық дәмі бар пастилкалар

Халықаралық патенттелмеген атауы

Жоқ

Дәрілік түрі, дозалануы

Жөтелге қарсы өсімдік пастилкалары, лимон дәмі бар, бал-лимон дәмі бар, апельсин дәмі бар, классикалық дәмі бар пастилкалар.

Фармакотерапиялық тобы

Респираторлық жүйе. Жөтел және суық тию аурулары кезінде қолданылатын препараттар. Суық тию аурулары кезінде қолданылатын басқа препараттар.

АТХ коды R05X

Қолданылуы

ДП ересектерде құрғақ жөтелмен қатар жүретін тыныс жолдарының жоғары бөлігінің жедел және созылмалы ауруларын симптоматикалық емдеу үшін қолданылады:

- фарингитте

- ларингитте (оның ішінде кәсіби «дәріскерлік» ларингит)

- трахеитте

- бронхитте

Қолдануды бастағанға дейін қажетті мәліметтер тізбесі

Қолдануға болмайтын жағдайлар

- әсер етуші заттарға немесе қосымша заттардың кез келгеніне аса жоғары сезімталдық

- балалар мен 18 жасқа дейінгіжасөспірімдер

Қолдану кезіндегі қажетті сақтық шаралары

Жөтелге қарсы өсімдік пастилкалары Беллс препаратын басқа бронходилататорларменсақтықпен қолдану керек.

Басқа дәрілік препараттармен өзара әрекеттесуі

Осы уақытқа дейін жөтелге қарсы өсімдік пастилкалары Беллс препаратының басқа дәрілік заттармен клиникалық маңызды өзара әрекеттесуі анықталған жоқ.

Арнайы сақтандырулар

Көрсетілімдер бойынша бір мезгілде микробқа қарсы дәрілерді қолдануға болады.

Қосымша заттар

Дәрілік препараттың құрамында балаларда қолдануға тыйым салынған хинолинді сары (Е104) бояғышы, сансет сары (Е110) бояғышы, B.Q. Supra бояғышы (Бриллиантты көк FCF (E 133) + хинолинді сары WS (E104)) бар.

Қант диабеті

Препаратты қант диабетімен ауыратын науқастарға, сондай-ақ гипокалориялық диета ұстанатын адамдарға тағайындаған кезде жөтелге қарсы өсімдік пастилкаларының бір Беллс пастилкасының құрамында 1,75 г сахароза бар екенін ескеру керек.

Педиатрияда қолданылуы

Балалар мен 18 жасқа дейінгіжасөспірімдерде қолдануға болмайды (препараттың құрамында балаларда қолдануға тыйым салынған бояғыштардың бар болуына байланысты).

Жүктілік немесе лактация кезінде

Препаратты жүктілік кезінде және лактация кезеңінде қолдану ана үшін болжамды пайдасы шарана немесе бала үшін ықтимал қауіптен асқан жағдайларда ғана мүмкін болады.

Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Дәрілік препаратты қолдану көлік құралдарын және қауіптілігі зор механизмдерді басқару қабілетіне әсер етпейді.

Қолдану жөніндегі ұсынымдар

Дозалау режимі

Ересектерге әр 2-3 сағат сайын 1 пастилкадан тағайындайды. Ең жоғары тәуліктік доза 10 пастилканы құрайды. Емдеу курсы 5-7 күнді құрайды.

Балалар

Балалар мен 18 жасқа дейінгіжасөспірімдерде қолдануға болмайды.

Енгізу әдісі мен жолы

Ішке қолдануға арналған.

Пастилкаларды ауызда баяу сору керек.

Артық дозалану жағдайында қабылдануы қажет шаралар

Осы уақытқа дейін жөтелге қарсы өсімдік пастилкалары Беллс препаратының артық дозалану жағдайлары туралы хабарланған жоқ.

Дәрілік препаратты қолдану тәсілін түсіндіру үшін медицина қызметкерінің кеңесіне жүгіну бойынша ұсынымдар

Егер сізде осы дәрілік препаратты қолдану бойынша қандай да бір қосымша сұрақтар туындаса, өз дәрігеріңізге немесе фармацевтке жүгініңіз.

ДП стандартты қолдану кезінде пайда болатын жағымсыз реакциялардың сипаттамасы және бұл жағдайда қабылдануы тиіс шаралар

Сирек

- аллергиялық реакциялар мүмкін

Жағымсыз дәрілік реакциялар туындағанда медициналық қызметкерге, фармацевтикалық қызметкерге немесе дәрілік препараттардың тиімсіздігі туралы хабарламаларды қоса, дәрілік препараттарға болатын жағымсыз реакциялар (әсерлер) бойынша ақпараттық деректер базасына тікелей хабарласу керек

Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК

http://www.ndda.kz

Қосымша мәліметтер

Дәрілік препараттың құрамы

Бір пастилканың құрамында

белсенді заттар: жалаң мия тамырларынан алынған қою экстракті/Glycyrrhiza Glabra/(5:1); дәрілік зімбір тамырсабақтарынан алынған қою экстракті/Zingiber Officinale/ (10:1) немесе (20:1); дәрілік эмблика жемістерінен алынған қою экстракті/Emblica Officinalis/ (4:1); ментол.

қосымша заттар:

лимон дәмі бар пастилка: қант, сұйық глюкоза, тазартылған су, лимон қышқылы (моногидрат), хинолинді сары бояғышы WS (Е104), лимон майы, жалбыз эссенциясы;

бал-лимон дәмі бар пастилка: қант, сұйық глюкоза, тазартылған су,лимон қышқылы (моногидрат), хинолинді сары бояғышы WS (Е104), бал дәмдік қоспасы, лимон майы, карамель бояғышы;

апельсин дәмі бар пастилка: қант, сұйық глюкоза, тазартылған су, лимон қышқылы (моногидрат), сансет сары бояғышы WS (Е110), апельсин майы хош иістендіргіші, жалбыз хош иістендіргіші;

классикалық дәмі бар пастилка: қант, сұйық глюкоза, тазартылған су, бриллиантты көк FCF (Е133) хинолинді сары бояғышы WS (Е104), ананас хош иістендіргіші, жалбыз хош иістендіргіші.

Сыртқы түрінің, иісінің, дәмінің сипаттамасы

Лимон дәмі бар пастилкалар: сары түсті дөңгелек жайпақ пастилкалар. Пастилкаларда ауа көпіршіктерінің болуына және шеттерінің тегіс болмауына жол беріледі.

Бал-лимон дәмі бар пастилкалар: күңгірт-сары түсті дөңгелек жайпақ пастилкалар. Пастилкаларда ауа көпіршіктерінің болуына және шеттерінің тегіс болмауына жол беріледі.

Апельсин дәмі бар пастилкалар: қызғылт-сары түсті дөңгелек жайпақ пастилкалар. Пастилкаларда ауа көпіршіктерінің болуына және шеттерінің тегіс болмауына жол беріледі.

Классикалық дәмі бар пастилкалар: жасыл немесе ашық-жасыл түсті дөңгелек жайпақ пастилкалар. Пастилкаларда ауа көпіршіктерінің болуына және шеттерінің тегіс болмауына жол беріледі.

Шығарылу түрі және қаптамасы

Алюминий фольгадан жасалған пішінді ұяшықсыз қаптамада 4 пастилкадан. 4 немесе 5 пішінді ұяшықсыз қаптамадан медициналық қолдану жөніндегі қазақ және орыс тіліндегі нұсқаулықпен бірге картон қорапқа салынған.

1 пастилкадан полиэтиленді жеке қаптамада. Осындай 200 пастилкадан медициналық қолдану жөніндегі қазақ және орыс тіліндегі нұсқаулықпен бірге алғаш ашылуы бақыланатын пластмасса банкіде.Банкіге қағаздан жасалған заттаңба жапсырылған.

Сақтау мерзімі

3 жыл.

Жарамдылық мерзімі өткеннен кейін қолдануға болмайды!

Сақтау шарттары

Жарықтан қорғалған жерде, 18⁰–ден 25⁰С-ге дейінгі температурада.

Балалардың қолы жетпейтін жерде сақтау керек!

Дәріханалардан босатылу шарттары

Рецептісіз.

Өндіруші туралы мәліметтер

Парнакс Лаб Лтд. (Parnax Lab Ltd.) 114 Bldg.№8, Jogani Industrial Complex, Chunabhatti, Sion, Mumbai - 400022, Үндістан

Телефон/факс (727)357-23-87/88/8

Электронды пошта- direct@avitsena.kz

Тіркеу куәлігінің ұстаушысы

«Авицена-ЛТД» ЖШС

050010, Алматы қ., Медеу ауданы, Радлов к-сі, 65 үй, 203 кеңсе

тел./факс: +7727 344 19 90/91

e-mail: direct@avitsena.kz

Қазақстан Республикасының аумағында тұтынушылардан дәрілік заттардың сапасы жөніндегі шағымдарды (ұсыныстарды) қабылдайтын ұйымның атауы, мекенжайы және байланыс деректері (телефон, факс, электронды пошта)

«Авицена-ЛТД» ЖШС

050010, Алматы қ., Медеу ауданы, Радлов к-сі, 65 үй, 203 кеңсе

тел./факс: +7727 344 19 90/91

e-mail: direct@avitsena.kz

Қазақстан Республикасының аумағында дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электронды пошта)

ConsultAsia ЖШС

Шевченко к-сі, 165 Б

тел./факс: +77051708876/+77051708825

e-mail: pv@consultingasia.kz