Біздің компаниямыз жайлы жалпы ақпарат.
Дәрілік препаратты медициналық қолдану жөніндегі нұсқаулық
Саудалық атауы
Гидрокортизон
Халықаралық патенттелмеген атауы
Гидрокортизон
Дәрілік түрі, дозалануы
Сыртқа қолдануға арналған 1 % жақпамай
Фармакотерапиялық тобы
Дерматология. Кортикостероидтар,дерматологиялықпрепараттар. Кортикостероидтар, қарапайымдар. Белсенділігі төмен кортикостероидтар. Гидрокортизон
АТХ коды D07AA02
Қолданылуы
Беткейлік, инфекция жұқтырылмаған, жергілікті глюкокортикостероидтарға сезімтал тері аурулары:
Қолдануды бастағанға дейін қажетті мәліметтер тізбесі
Қолдануға болмайтын жағдайлар
Қолдану кезіндегі қажетті сақтық шаралары
Қант диабеті, туберкулёз (жүйелік зақымдану) кезінде абайлап қолдану керек.
Препаратты 2 аптадан астам қолданғанда жүйелік жағымсыз әсерлерінің даму қаупі артады, бұл әсіресе балаларда қолдануға қатысты.
Егер препаратты 7 күн қолданғаннан кейін жақсару болмаса немесе жағдайдың нашарлағаны байқалса, сондай-ақ препаратты тоқтатқаннан кейін бірнеше күннен соң симптомдар қайтадан пайда болса, препаратты қолдануды тоқтатқан және дәрігерден кеңес алған жөн.
Ұзақ уақыт емдеген кезде және/немесе ауқымды жерге жаққан кезде натрий шектелген және K+ мөлшері жоғары диета тағайындау керек; организмге ақуызды жеткілікті мөлшерде енгізу керек. АҚ, қандағы глюкоза мен кортизол концентрациясын, қанның ұйығыштығын, диурезді, пациенттің дене салмағын, плазмада кортизол деңгейін бақылап отыру қажет.
Терінің қабыну үдерісі аймағында жергілікті инфекциялық асқынулар дамыған кезінде препаратты микробқа қарсы дәрілік заттармен үйлесімде тағайындаған жөн. Инфекция таралуының кез келген белгілері кезінде сыртқа қолдануға арналған кортикостероидтарды қолдануды тоқтатып, жүйелі микробқа қарсы препараттарды тағайындау қажет.
Барлық кортикостероидтарға қатысты алғандағыдай, препаратты бет аймағына қолданатын жағдайларда емдеу курсының ұзақтығын қысқарту қажет.
Жақпамайды көзге тигізіп алмаған жөн.
Псориазды емдеу үшін сыртқа қолдануға арналған кортикостероидтарды сақтықпен пайдаланған жөн, өйткені кейбір жағдайларда аурудың өршуі және ағымының нашарлауы мүмкін.
Жақпамайдың құрамына жергілікті тері реакцияларын (жанаспалы дерматит) туындатуы мүмкін ланолин (жүннің шайыры) кіреді.
Жақпамайдың құрамына пропилпарагидроксибензоат (Е 216) және метилпарагидроксибензоат (Е 218) кіреді, олар баяу типті аллергиялық реакциялар туындатуы мүмкін.
Басқа дәрілік препараттармен өзара әрекеттесуі
Гидрокортизон ұзақ қолданғанда жүйелік қан ағымына кері сіңірілу мүмкіндігі салдарынан инсулин, пероральді гипогликемиялық, гипотензиялық дәрілік заттар, антикоагулянттар тиімділігін, қан плазмасында салицилаттар мен празиквантел концентрациясын төмендетуі мүмкін.
Гидрокортизон жағымсыз әсерлерінің даму қаупімыналарды арттырады:
Жүрек гликозидтерімен қолданғанда дигиталисті уыттанудың дамуы мүмкін.
Қорғасын және күміс препараттарымен бір мезгілде қолдану өзара белсенділігінің жойылуына алып келеді.
Амфотерицин В бірге қолданғанда миокардтың дилатациялық зақымдануы және жүрек жеткіліксіздігі дамуы мүмкін.
Барбитураттар, эпилепсияға қарсы және антигистаминдік препараттар гидрокортизонның тиімділігін төмендетеді.
Арнайы ескертулер
Педиатрияда қолдану
Окклюзиялық таңғышсыз-ақ бүйрекүсті безінің бәсеңдеуі қаупін ескере отырып, жергілікті және сыртқы кортикостероидты препараттарды ұзақ қолданбаған жөн.
Препаратты «жаялық» дерматиті кезінде кішкентай балаларда аса сақтықпен қолдану керек, өйткені жөргекшелер окклюзиялық таңғышқа ұқсайтын әсер беруі және сіңірілуін арттыруы мүмкін. Мұндай жағдайларда емдеу 5-7 күннен аспауы тиіс.
Балаларда бүйрекүсті безі қыртысы функциясының төмендеуі тезірек дамиды. Бұдан басқа, өсу гормоны экскрециясының төмендегені байқалуы мүмкін. Препаратты ұзақ уақыт қолданған кезде дене салмағын, өсуін, қан плазмасындағы кортизол деңгейін бақылау қажет.
12 жасқа дейінгі балаларға препаратты тек дәрігердің бақылаумен ғана тағайындайды.
Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері
Көлік құралын немесе қауіптілігі зор механизмдерді басқару қабілетіне жағымсыз әсер етуі туралы деректер жоқ.
Қолдану жөніндегі нұсқаулар
Дозалау режимі
Гидрокортизон сыртқа қолдануға арналған.
Ересектер (егде жастағы пациенттерді қоса)
Жақпамайды терінің зақымданған бөліктеріне күніне 2-3 рет абайлап жұқалап жағады.
Жасы 2-дегі және одан асқан балалар
Жақпамайды терінің зақымданған бөліктеріне күніне 2-3 рет абайлап жұқалап жағады.
Гидрокортизон жақпамайы көбіне құрғақ, қабыршықтанған немеселихенизацияланған тері бөліктеріне пайдалануға жарамды.
Емдеу ұзақтығы
Емдеу курсының ұзақтығы аурудың сипатына және емнің тиімділігіне байланысты, әдетте, 6-14 күнді құрайды. Аурудың қарқынды ағымы кезінде ол 20 күнге дейін ұзаруы мүмкін.
Жақпамайды балаларға қолданған кезде емдеудің жалпы ұзақтығын 5-7 күнге дейін шектеген және стероидтың резорбциясын (сіңуі) күшейтетін шараларды (қыздыратын, бекітетін және окклюзиялық таңғыштарды) қолданбаған жөн.
Артық дозалану жағдайында қабылдануы қажет шаралар
Симптомдары: Жедел артық дозалану ықтималдығы аз. Препаратты көп мөлшерде ұзақ қолданғанда гиперкортицизм симптомдары (гипергликемия, глюкозурия, бүйрекүсті безі қыртысы функциясының қайтымды бәсеңдеуі, Иценко-Кушинг синдромы) білінуі мүмкін.
Емі: симптоматикалық; препаратты біртіндеп тоқтату ұсынылады.
Дәрілік препаратты қолдану тәсілін түсіндіру үшін медициналық қызметкерден кеңес алу бойынша ұсынымдар
Егер Сізде осы препаратты қабылдау бойынша қосымша мәселелер туындаса, дәрігерге немесе мейірбикеге кеңес алу үшін жүгініңіз.
ДП стандартты қолданғанда пайда болатын жағымсыз реакциялардың сипаттамасы және осы жағдайда қабылдау керек шаралар
Жағымсыз дәрілік реакциялардың туындау жиілігі ДДҰ жіктеуіне сәйкес анықталған: өте жиі (>1/10), жиі (>1/100, ≤1/10), жиі емес (>1/1000, ≤1/100), сирек (>1/10000, ≤1/1000), өте сирек (1/10000-ден аз), жиілігі белгісіз(қолда бар деректер негізінде жиілігін анықтау мүмкін емес).
Жиілігі белгісіз:
Жақпамайды тері қатпарлары аумағына, терінің ылғалды бөліктеріне немесе үнемі ылғалдың болуы гидрокортизон сіңірілуіне ықпал ететінжөргекше аймағына қолданғанда, кішкентай балаларда жергілікті атрофиялық өзгерістер туындауы мүмкін. Мұндай жағдайларда жүйелік сіңірілудің шамасы ұзақ емдеген кезде гипоталамус-гипофизарлы-бүйрекүсті бездері жүйесін бәсеңдетуге әкелетіндей жеткілікті шамаға жетуі мүмкін. Мұндай әсерінің балаларда және окклюзиялық таңғыш пайдаланғанда болуы барынша ықтимал.
Қандай да бір жағымсызреакциялар дамыған кезде препаратпен емдеуді тоқтату керек.
Жағымсыз дәрілік реакциялар туындаса медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаларды қоса, дәрілік препараттарға жағымсыз реакциялар (әсерлер) бойынша ақпараттық деректер базасына тікелей хабарласыңыз
Қазақстан Республикасы Денсаулық сақтау министрлігі Тауарлар мен көрсетілетін қызметтердің сапасы мен қауіпсіздігін бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК
http://www.ndda.kz
Қосымша мәліметтер
1 г жақпамайдың құрамында
белсенді зат - гидрокортизон ацетаты, 10 мг,
қосымша заттар: вазелин, ланолин, пентаэритритил диолеаты (пентол), стеарин қышқылы 95, метилпарагидроксибензоат, пропилпарагидроксибензоат, тазартылған су.
Сыртқы түрінің, иісінің, дәмінің сипаттамасы
Сарғыш реңді ақтан ашық-сары түске дейінгі жақпамай
Шығарылу түрі және қаптамасы
10 г препараттан алюминий сықпаға салынады.
Бір сықпадан медициналық қолдану жөніндегі мемлекеттік және орыс тіліндегі нұсқаулықпен бірге картон қорапшаға салынады.
Сақтау мерзімі
3 жыл
Жарамдылық мерзімі өткеннен кейін қолдануға болмайды!
Сақтау шарттары
20 °С-ден аспайтын температурада сақтау керек.
Балалардың қолы жетпейтін жерде сақтау керек!
Дәріханалардан босатылу шарттары
Рецепт арқылы
Өндіруші туралы мәлімет
«Нижфарм» АҚ, Ресей Федерациясы
603950, Нижний Новгород қ.,
Салганская к-сі, 7
тел.: (831) 278-80-88,
факс: (831) 430-72-28
e-mail: med@stada.ru
Тіркеу куәлігінің ұстаушысы
«Нижфарм» АҚ, Ресей Федерациясы
Қазақстан Республикасы аумағында тұтынушылардан дәрілік заттың сапасына қатысты шағымдарды (ұсыныстарды) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электронды пошта)
«Нижфарм» АҚ Өкілдігі
050043, Қазақстан Республикасы,
Алматы қ., Хан-Тәңірі ы/а, 55б
тел.: (727) 2222-100
факс: (727) 398-64-95
e-mail: almaty@stada.kz